Yohani 15
15
Umpiki gwa mafilu nutusamba twake
1Une ne mpiki gwa mafilu ugwa naloli, umwene Tata
2yo ndimi. Kosa akasamba aka kali mmyangu, aka katikupa iseke, ko ikukasosyapo; kangi akasamba kosa aka kikupa iseke, ko ikukapatilila, ukuti kongelengepo ukupa iseke.
3-4Umwe mupatililigwe nganila nisyu ili mbabulile. Amuyege mu mmyangu, bo papo nanine ndi mmyinu. Bo apa akasamba kakabagila ukupa iseke kene itolo linga katikuya mumpiki gwa mafilu, bo mukuyaga nanumwe linga mutiku-
5yamo mmyangu. Une ne mpiki gwa mafilu, umwe muli tusamba. Uyu linga ikuya mu mmyangu, nanine nikuya mu mmyake, yo ikupaga iseke si nyingi; namanga kisitakuya
6nanine, mukabagila ukubomba nasimo. Linga yumo atikuya mu mmyangu, yo ikutagigwa panja bo akasamba, ikumaga itolo; utusamba utumu bikutubungania nukututaga mmoto,
7tukupya itolo. Linga umwe mukuya mu mmyangu, gope namasyu gangu gikuya mu mmyinu, fyosa ifi linga muku-
8londa musumege, po fikubisilaga. Muli isi mo Tata ikukabila ubukulumba, linga mukupa iseke si nyingi, nukwipela ukuya
9bafundigwa bangu. Bo apa Tata alinganile une, mo mumo nanine nabaganile umwe; amuyege mu ndugano lwangu.
10Linga mukusikonga indagilo syangu, po mwisakuyaga mu ndugano lwangu; bo apa nanine nsikongile indagilo sya
11Tata, kangi ndi ndugano lwake. Sisisi syo mbabulile ukuti ulusekelo lwangu luyege mmyinu, nukuti ulusekelo lwinu
12luyege lupelelesye itolo. Ululagilo lwangu lo ulu: Amugana-
13nege bo papo nanine mbaganile umwe. Akayako nayumo ugwa lugano ulu lulukindile ulwa mundu, uyu ikubutaga
14ubumi bwake panongwa ya bamanyani bake. Umwe muli bamanyani bangu, linga mukubomba sisyo nikubalagila.
15Lilino ndikubayobaga kangi iya butumwa, papo untumwa akasimanya isi umalafyale gwake ikubomba; loli umwe nikubayoba ukuya bamanyani bangu, buno syosa isi mbilike
16kwa Tata syo mbabulile umwe. Mungatigi yo umwe musalile une, himma, loli yo une ne mbasalile umwe, kangi mbasalile ukuti mubukege mukapege iseke, iseke isi sikuyako bwila; ko kuti fyosa ifi linga mukusumila kwa Tata mungamu yangu,
17abapege. Sisisi syo nikubalagila umwe ukuti amugananege.
Ukubengigwa nikisu
18Linga ikisu kibabengile umwe, po mumanyege ukuti
19kyalimbengile une, bo kikali nukubabenga umwe. Linga mwali ba nkisu muno, po angali ikisu kifiganile ifyake; loli papo umwe mukaya ba nkisu muno, namanga nabasalile umwe ukufuma nkisu muno, fyobene ikisu kibabengile.
20Amulikumbukege ilisyu ili nababulile ukuti, untumwa akankinda ubukulumba umalafyale gwake. Linga balifwimile une, bisakubafwimaga nanumwe. Linga ilisyu lyangu bali-
21kongile, po lyope ilyinu bisakulikongaga. Loli syosa sisisi bisakubabombelaga panongwa ya ngamu yangu, papo baka-
22mmanya uyu alindumile une. Linga ngalisile kukubabula, angali bakaya nubutulanongwa, loli lilino bakaya nasyo nasimo
23isya kwinokesya pabutulanongwa bwabo. Uyu linga ambe-
24ngile une, yo ambengile na yu Tata. Linga ngasibombilemo mmyabo imbombo isi nayumo uyungi akasibombilemo, po angali bakaya nubutulanongwa; loli lilino batubwene, kangi
25batubengile une na Tata; ukuti mo lisilege ilisyu ili lisimbigwe ndulagilo lwabo, ili likuti: Bambengile itolo ne nsitanongwa.
26Loli linga isile Unjili, uyu nisakubatumilaga ukufuma kwa Tata, yu Mbepo gwa naloli umfuma kwa Tata, yo isakusisimi-
27kisyaga une. Kangi nanumwe mukusisimikisya, namanga mwali nanine ukufuma mu mbwandilo.
Currently Selected:
Yohani 15: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
