Yohani 13

Yesu ikubasugususya mmalundi abafundigwa bake

1Lelo bo ikyaka kya Pasa kikali ukufika, popapo Yesu alinkumanya ukuti akabalilo kake aka kusokelamo nkisu ukubuka kuGwise kisile. Bo papo abaganile abandu bake nkisu, popapo alinkubagana ukufika kubumalikisyo.

2Umwene umohesi asibikilemo nganila mundumbula ya Yuda gwa mu-Karioti unnya Simoni, isya kumbika Yesu mmaboko

3ga balugu. Pakabalilo ka kulila ifindu fya mayolo, bo Yesu asimenye ukuti uGwise ampele fyosa mmaboko gake, nukuti

4afumile kwa Kyala, kangi ikubuka kwa Kyala, alinkusumuka apa balyaga, alinkubika unselekesye gwake pambali, alinkwi-

5nienga itabulo munsana. Popapo alinkukusya amisi mwibeseni, alinkwanda ukubasugususya mmalundi abafundigwa

6bake, alinkugapyasila nitabulo ili aliniengile munsana. Popapo alinkufika pa Simoni Peteri. Umwene alinkundalusya alinkuti: Malafyale, gwe gwati usugususyege amalundi gangu

7ugwe? Popapo Yesu alinkumwamula alinkuti: Isi nikubomba syo ukasimanya ugwe lilino, loli kwisakusyaganiaga

8panyuma. Umwene Peteri alinkumbula alinkuti: Utisakusugususyamo siku amalundi gangu. Popapo Yesu alinkumwamula alinkuti: Linga ndikukusugususya ugwe, bo tukaya

9pamopene. Umwene Simoni Peteri alinkumbula alinkuti: Malafyale, gomma ga malundi gene, loli usugususyege gope na

10ga maboko na guntu. Umwene Yesu alinkumbula alinkuti: Uyu ogile yo atikulonda ukoga kangi, loli mu mmalundi mwene, namanga bo mwelu gwesa itolo; nanumwe muli belu,

11loli mukaya belu mwesa. Papo alimmenye uyu ayaga pakumbika mmaboko ga balugu, po apa atigi: Mukaya belu mwesa.

12Lelo bo agasuguswisye amalundi gabo, bo egile imyenda gyake atugele kangi, popapo alinkubalalusya alinkuti: Kali

13musyagenie isi mbabombile? Umwe mukunjoba iya Mmanyisi niya Malafyale, lelo syo mukutalusya, buno bo ndi

14naloli. Lelo linga une ne ndi Malafyale kangi ne ndi Mmanyisi nikubasugususya amalundi, po mubagile nanumwe

15ukusugususania amalundi. Buno mbapele aka kuketelamo,

16ukuti isi mbabombile, syo mubombege nanumwe. Naloliloli nikubabula une nikuti: Untumwa akankinda ubukulumba umalafyale gwake, yope na yu ntumigwa akankinda ubuku-

17lumba uyu antumile. Linga musimenye sisisi, po muli

18basangalufu linga mukusibomba. Ndikubayoba mwesa; une mbamenye aba mbasalile; loli ukuti isi sisimbigwe mo simalikilege isya kuti: Uyu ikulya nanine ikisyesye, yo anyinulile

19ikitende kyake. Ukwanda lilino nikubabulila ngani bo sikali ukuboneka, ukuti bo sikuboneka, mwisemwitikege ukuti une

20yo yuyune. Naloliloli nikubabula une nikuti: Uyu linga ikumwambilila uyu nikuntuma une, yo ikunyambilila une; na uyu linga ikunyambilila une, yo ikumwambilila uyu alindumile une.

Yesu ikunsosola uyu ikumbikaga mmaboko ga balugu

(Mat. 26,20-25; Mar. 14,17-21; Luk. 22,21-23)

21Lelo bo ayobile sisisi, popapo Yesu alinkusenyendeka mumbepo syake, alinkusisimikisya alinkuti: Naloliloli nikubabula une nikuti, yumo mmyinu isakumbikaga mmaboko ga

22balugu. Popapo abafundigwa bake balinkuketana, balinkwa-

23langana ukuti kali ikumbala ywani. Lelo alipo yumo mbafundigwa bake uyu Yesu alinganile, yo alyegemele kuki-

24pambaga kya Yesu bo ali pakulya; popapo Simoni Peteri alinkuntinila#Ukuntinila; bamo bikuti ukunkopesya. alinkuti: Ulalusye, ywani uyu ikumbala?

25Umwene umfundigwa yula alinkwegamila kukipambaga kya

26Yesu, alinkundalusya alinkuti: Malafyale, yo aliku? Popapo Yesu alinkwamula alinkuti: Yo uyu nikuya pakumpa akamenya bo njubike mumposi. Lelo bo ayubike akamenya, alinkukega, alinkumpa Yuda ugwa mu-Karioti, unnya Simoni.

27Lelo bo ambilile akamenya, popapo Setano alinkwingila mmyake. Umwene Yesu alinkumbula alinkuti: Isi kubomba,

28bombaga mbibimbibi. Muli aba balyaga, akalipo nayumo uyu asyagenie, ukuti nongwa ya fiki ayobaga inongwa bo sisisi

29kumyake. Papo Yuda yo uyu akolelaga inyambi ya ndalama, bamo balinkwinogona ukuti Yesu ikumbula ikuti: Ulaga ifi fikulondigwa pakyaka, pamo ukuti abapege fimo abalondo.

30Lelo bo ambilile akamenya, popapo mbibimbibi itolo alinkusoka panja. Loli pali po pakilo.

Ululagilo ulupya ulwa lug ano

31Lelo bo asokile panja, popapo Yesu alinkuti: Lilino po Nnyamundu akabile ubukulumba, yope Kyala akabile ubuku-

32lumba mu mmyake. Linga Kyala akabile ubukulumba mu mmyake, yope Kyala isakumpelaga nkulumba mmyake;

33nakalinga itolo isakumpelaga nkulumba. Mwe banike umwe, kasyele akabalilo kapimba itolo ukuya nanumwe; mwisaku- ndondaga, loli bo mumo nababulile abaYuda ukuti kuno nikubuka, ko mukabagila ukwisako, mo mumo nikubabulila

34nanumwe lilino. Nikubapa ululagilo ulupya ulwa kuti:

35Amugananege; mugananege bo papo nanine mbaganile. Mo bikubamanyilaga bosa abandu ukuti muli bafundigwa bangu, linga muganene mwe babo batupu.

Ukwikana kwa Peteri kukuyobeligwa ngani

(Mat. 26,31-35; Mar. 14,27-34; Luk. 22,31-34)

36Popapo Simoni Peteri alinkundalusya alinkuti: Malafyale, kubukaga kugu? Umwene Yesu alinkwamula alinkuti: Kuno nikubuka ukabagila ukungonga lilino, loli kwisakungongaga

37panyuma. Popapo Peteri alinkundalusya alinkuti: Malafyale, fiki ngabagila ukukukonga lilino? Ubumi bwangu niku-

38butagaga panongwa yako. Umwene Yesu alinkwamula alinkuti: Ngimba ubumi bwako kubutagaga panongwa yangu? Naloliloli nikukubula une nikuti, bo ingongobe yikali ukubilikila, kwisakwikana kumyangu katatu.

Currently Selected:

Yohani 13: NYY

Highlight

Copy