Yohani 12

Yesu ikupakigwa inyemba na Maria mu-Betania

(Mat. 26,6-13; Mar. 14,3-9)

1Lelo bo gasyele amasiku ntandatu ukufika Pasa, Yesu alinkwisa mu-Betania, muno alimo Lazaro uyu Yesu

2alinsyusisye mbafwe. Mo balinkumpiyila ifyakulya mumo; umwene Marta alinkubabombela, yope Lazaro ali yo yumo

3muli aba balyaga. Umwene Maria alinkwega ilatili#ilatili, bamo bikuti ipaundi (ubusito). yimo ya nyemba imbala fiyo inunga, isitakongania nakamo, alinkumpaka Yesu mmalundi, alinkumpyasila mmalundi ninywili syake; uluma lwa nyemba lulinkutubania mosa nnyumba.

4Loli yumo mbafundigwa bake, Yuda gwa mu-Karioti, uyu ayaga pakumbika mmaboko ga balugu, alinkuyoba alinkuti:

5Fiki inyemba isi sikulisigwaga pabadenari imia itatu (300)

6ukuti bapegigwege abalondo? Umwene akasiyobaga sisisi ukubapakisya abalondo, loli papo ali nhiyi, kangi papo ayaga

7ninyambi ya ndalama, alinkuhiya ifi basopangamo. Umwene Yesu alinkumbula alinkuti: Ndeke, buno abikile ukuti siyege

8sya pisiku lya kusyilila une. Namanga abalondo bo muli nabo bwila, loli une mukaya nanine bwila.

9Lelo abaYuda ikilundilo ikikulumba, balinkupilika ukuti alimo mumo, popapo balinkwisa; bakalisile kukunketa Yesu mwene, loli ukuti bakambone na Lazaro, uyu alinsyusisye

10mbafwe. Popapo abaputi abakulumba balinkwitikana ukuti

11bakangoge na yu Lazaro, namanga panongwa yake, abaYuda ba bingi basokile, balinkumwitika Yesu.

Yesu ikwingila mu-Yerusalemu

(Mat. 21,1-11; Mar. 11,1-11; Luk. 19,28-40)

12Ulwa kilabo, abandu ikilundilo ikikulumba aba balisile kukyaka, bo bapilike ukuti Yesu ikwisa mu-Yerusalemu,

13popapo balinkwega isamba sya tugindwa, balinkusoka ukubuka kukumwambilila; balinkukolela balinkuti:

Hosiana, nsayigwa uyu ikwisila mungamu ya Ntwa,

Yo yu Ntwa gwa Israeli.

14Popapo Yesu alinkukaga akapunda, alinkwitogapo. Bo papo lisimbigwe ili likuti:

15Ungatetemaga, gwe ndindwana Sioni;

Keta, uNtwa gwako ikwisa,

Itogile pambunda imwana.

16Abene abafundigwa bake balinkusita nukusyagania sisisi tasi; loli bo Yesu ingile mbukulumba, popapo balinkukumbuka ukuti sisisi syasimbigwe ukunjoba umwene, nukuti balimbo-

17mbile sisisi. Ikyene lelo ikilundilo iki kyali nagwe, kilinkusisimikisya ukuti alimbilikile Lazaro ukufuma mwipumba,

18nukunsyusya mbafwe. Po apa ikilundilo kyabukaga kuku-

19mwambilila, papo bapilike ukuti apelile ikika kikiki. Popapo abaFarisai balinkuyobesania balinkuti: Musibwene ukuti muli ba itolo; keta ikisu kyosa kinkulukile yuyo.

Ukusuma kwa baGriki

20Muli aba bafyukile kukwiputa kukyaka, balimo nabaGriki

21bamo. Bo balinkwisa kwa Filipu ugwa mu-Betsaida, nkisu kya Galilai, balinkunsuma balinkuti: Malafyale, tukulonda

22ukunketa Yesu. Umwene Filipu alinkwakumbula Andrea,

23popapo Andrea na Filipu balinkwakumbula Yesu. Umwene Yesu alinkubamula alinkuti: Akabalilo kisile aka kupeligwa

24ukuya nkulumba Nnyamundu. Naloliloli nikubabula une nikuti, linga uluseke lwa nbano lutikusopigwa mungunda nukufwa, po lukuya lwene itolo; loli linga lukufwa, po lukupa

25iseke si nyingi itolo. Uyu linga abuganile ubumi bwake, yo ikubutagaga; kangi uyu linga ikububenga ubumi bwake nkisu

26iki, yo isakububatilaga ukufika kubumi bwa bwila. Uyu linga ikumbombela une, yo angongege; kangi kuno ndiko une, ko kuno yope umbombi gwangu isakuyaga. Uyu linga

27ikumbombela une, yo Tata isakumwimikaga. Lilino umoyo gwangu gulalamwike; kali ndigi fiki? Kali ndigi: Gwe Tata, ulimbokaga kukabalilo aka? Himma, buno syo sisyo

28nisile nkabalilo kakaka. Gwe Tata, uyipege ubukulumba ingamu yako. Popapo ilisyu lilinkufuma kumwanya lilinkuti: Njipele ubukulumba, kangi nikwandisyaga ukuyipa ubuku-

29lumba. Popapo ikilundilo iki kyalyimile papo, kilinkupilika, kilinkuti: Kulunduma kwa njasi; abangi balinkuti: Gwa-

30ndumi ayobaga nagwe. Umwene Yesu alinkubamula alinkuti: Ilisyu ili likisa panongwa yangu une, loli lisile panongwa

31yinu. Lilino ko kulongigwa kwa kisu kikiki; lilino unku-

32lumba gwa kisu kikiki isakutagigwaga panja. Nanine, linga ninuligwe ukufuma nkisu, po nisakubakwabilaga kumyangu

33bosa. Sisisi syo ayobaga ukunangisya ubufwe ubu ayaga

34pakufwa. Popapo ikilundilo kilinkumwamula kilinkuti: Uswe tupilike ndulagilo, ukuti Kristi ikuyako bwila itolo; lelo po kuyoba bulebule ukuti, Nnyamundu fikuti inuligwege?

35Nnyamundu yuyuyu yo aliku? Popapo Yesu alinkubabula alinkuti: Akabalilo kanandi itolo ulumuli luli nanumwe. Mwendege bo tasi muli nalo ulumuli, ukuti ingisi yingisakubambulaniaga; uyu linga ikwenda mungisi, yo atikumanya

36nakuno ikubuka. Bo muli nulumuli, po amulwitikege ulumuli, ukuti muyege bana ba lumuli. Umwene Yesu bo ayobile sisisi, popapo alinkusokapo, alinkwibilila ukuti bangambonaga.

Ukusitakwitika bwa mu-Yudai; abafundigwa bamo aba mbutitu

37Napapo apelaga ifika fi fingi nkyeni mmyabo, loli abene

38balinkusita nukumwitika; ukuti mo lisilege ilisyu ili aliyobile unkunguluka Yesaya atile:

Gwe Ntwa, ywani asitike isi tufumwisye?

Kangi ikiboko kya Ntwa kinsetukile ywani?

39Fyobene bakabagile ukwitika; namanga Yesaya ayobile

40kangi ukuti: Abapupesye amaso gabo, asipelile ngafu indumbula syabo, ukuti bangisakuketaga namaso, bangisakusyaganiaga nindumbula yabo, bangisakupindukaga, ko kuti

41nisembabumbulusye. Sisisi syo ayobaga Yesaya papo abu-

42bwene ubukulumba bwake, apa anjobaga yuyo. Loli napapo bo syali, abakulumba ba bingi balinkumwitika; loli panongwa ya baFarisai, balinkusita nukwinangisya pabwelu, ukuti

43bangisakusosigwaga mu-Sinagogi. Namanga batuganile ulwimiko ukufuma kubandu, ukulukinda ulwimiko ulufuma kwa Kyala.

Ukusibungania imanyisyo sya Yesu

44Popapo Yesu alinkukolela alinkuti: Uyu linga ikunyitika une, yo atikunyitika yo yuyune, loli ikumwitika uyu alindu-

45mile une. Yope na uyu ikumbona une, yo ikumbona yuyo

46alindumile une. Une nisile nkisu bo lu lumuli, ukuti gwesa

47uyu ikunyitika une, angayaga mungisi. Linga yumo ikugapilika amasyu gangu loli atikugabika, yo ndisakundonga; buno

48ngalisile nkukilonga ikisu, loli nkukipoka ikisu, Uyu linga ikusyokela une, uyu atikugambilila amasyu gangu, yo ali nagwe ugwa kundonga; ilisyu ili ndiyobile, lyo lisakundo-

49ngaga pisiku lya kusulo. Buno une ngayobamo isyangu nimwene, loli Tata uyu alindumile une, yuyo mwene, yo

50andagile isi nisakusiyobaga, namuno nikusiyobelaga. Menye ukuti ululagilo lwake, bo bu bumi bwa bwila; po apa isi nikusiyoba, nikusiyoba bo mumo Tata alimbulile.

Currently Selected:

Yohani 12: NYY

Highlight

Copy