Yohani 11
11
Lazaro ikusyusigwa
1Loli aliko yumo umbine, uyu ali yo Lazaro ingamu ugwa mu Betania, nkaya ka ba-Maria na Marta
2ugwamyabo. Umwene Maria ali yo uyu alimpakile uNtwa ninyemba inunga, uyu ampyasilaga mmalundi ninywili syake;
3yo uyu ulilumbu gwake Lazaro ali mbine. Popapo abalumbu bake balinkutuma indumi kumyake balinkuti: Malafyale, keta,
4ummanyani gwako mbine. Umwene Yesu bo apilike, popapo alinkuti: Ububine ubu bukaya bwa kungoga, loli bwa kwibonekesyamo ubukulumba Kyala, ukuti uMwana gwa Kyala mo
5abonekelege ubukulumba. Umwene Yesu abaganile ba-
6Marta na Maria ugwamyabo, na yu Lazaro. Napa apilike ukuti abinile, pope alinkugona amasiku mabili apa alipo.
7Panyuma alinkubabula abafundigwa bake alinkuti: Tubukege
8kangi mu-Yudai. Popapo abafundigwa bake balinkumbula balinkuti: Rabi,#Rabi, ko kuti Mmanyisi. lululu itolo abaYuda balondaga ukukutika
9namabwe, kangi ko ubukege kuko? Umwene Yesu alinkwamula alinkuti: Ngimba utubalilo twa musi tukaya kalongo na tubili? Linga umundu ikwenda pamusi, atikwikoma ikilundi;
10papo ikulubona ulumuli lwa kisu iki. Loli linga yumo ikwenda pakilo, ikwikoma, papo ulumuli lukayamo mmyake.
11Bo alinkuyoba bunobuno. Panyuma pali sisisi alinkubabula alinkuti: Ummanyani gwitu Lazaro agonile utulo, loli
12nsumwike ukuti ngandembusye. Popapo abafundigwa bake balinkumbula balinkuti: Malafyale, linga agonile utulo po
13ikuponaga. Umwene Yesu abalaga ubufwe bwake, loli abene
14binogonaga ukuti abalaga ukugona tu tulo itolo. Popapo Yesu alinkubabula pabwelu itolo alinkuti: Lazaro afwile.
15Une nikusekela panongwa yinu, papo ngaliko kuko, ko kuti
16umwe mwitikege; lelo isaga tubuke kumyake. Popapo Tomasi uyu batigi yo Didimo#Didimo ko kuti Mbasa. ingamu, alinkubabula abafundigwa abanine alinkuti: Tubuke nanuswe, ukuti tukafwilege lumo nagwe.
17Umwene Yesu bo afikile, alinkwaga amalilemo amasiku
18mana mwipumba. Akaya ka Betania kali pipi fiyo na Yeru-
19salemu, kaliti kali pamaili ibili. AbaYuda ba bingi balisile kukubasubisya ba-Marta na Maria panongwa ya ilumbu
20gwabo. Umwene Marta bo apilike ukuti Yesu ikwisa, popapo alinkubuka kukumwambilila; loli Maria yo alinku-
21syala nnyumba. Popapo Marta alinkumbula Yesu alinkuti: Malafyale, linga gwalipo papapa, angali ulilumbu gwangu
22akafwa. Loli na lilino menye ukuti, kosa aka kusuma kwa
23Kyala, Kyala isakukupaga. Umwene Yesu alinkumbula
24alinkuti: Ulilumbugo isakusyukaga. Umwene Marta alinkumwamula alinkuti: Menye ukuti isakusyukaga, bo abafwe
25bikusyuka pisiku lya kusulo. Popapo Yesu alinkumbula alinkuti: Ne kusyuka, ne bumi yuyune. Uyu linga ikunyi-
26tika, napa linga ikufwa ikuyaga mumi itolo; kangi gwesa uyu linga mumi, linga ikunyitika une, yo atisakufwamo siku nasiku.
27Bule kwitika sisisi? Umwene alinkumwamula alinkuti: Ena Malafyale, une nikwitika ukuti ugwe gwe Kristi, uMwana gwa Kyala uyu ikwisaga nkisu.
28Lelo bo ayobile sisisi, alinkubuka kukumbilikila Maria ugwamyabo, alinkumbula kubutitu alinkuti: UMmanyisi
29alipo ikumbilikila. Umwene bo apilike, popapo alinkusu-
30muka mbibimbibi, alinkubuka kumyake. Umwene Yesu
31akali ukufika nkaya, ali papo Marta alyaganile nagwe. Abene abaYuda aba bali nagwe nnyumba, aba bansubisyaga, bo bambwene Maria ikusumuka mbibimbibi ikusoka panja, balinkunkonga; balinkwinogona ukuti kingamo ikubuka kwi-
32pumba kukulila kuko. Lelo Maria bo afikile apa alipo Yesu, bo ambwene, alinkungwila mmalundi, alinkuyoba alinkuti: Malafyale, linga gwalipo papapa, angali ulilumbu gwangu
33akafwa. Umwene Yesu bo ambwene ikulila, nabaYuda aba balisile nagwe bope bikulila, popapo alinkukalala munda,
34alinkusenyendeka, alinkuti: Mumbikile kugu? Abene bali-
35nkumwamula balinkuti: Malafyale, isaga ukete. Umwene
36Yesu alinkulila amasosi. Popapo abaYuda balinkuyoba bali-
37nkuti: Keta muno alinganile. Loli bamo balinkuti: Ngimba umundu uyu alimwigwile amaso umfwamaso, akabagile
38ukubomba fimo ukuti umundu uyu angafwaga? Popapo kangi Yesu alinkukalala munda, alinkufika pipumba; ilyene
39yali mbako, lyabikigwepo ibwe. Popapo Yesu alinkuti: Amusegulepo ilibwe. Umwene Marta ulilumbu gwa uyu afwile, alinkumbula alinkuti: Malafyale, lilino po ikununga,
40buno agonile amasiku mana. Umwene Yesu alinkumbula alinkuti: Kali ngakubulile ukuti linga kwitika kwisakubu-
41bonaga ubukulumba bwa Kyala? Popapo balinkulisegulapo ibwe. Umwene Yesu alinkwinula amaso gake kumwanya alinkuti: Gwe Tata, nikugwa ulupi kumyako papo umbilike.
42Une namenye ukuti kumbilika bwila, loli njobile sisisi panongwa ya kilundilo iki kisyungutile; ko kuti bitikege ukuti yo
43ugwe undumile. Lelo bo ayobile sisisi, popapo alinkukolela
44ilisyu ilikulumba alinkuti: Lazaro, soka. Popapo uyu afwile alinkusoka, aniembeteleligwe nimyenda mmalundi na mmaboko, kangi apinyigwe nikitambala kumaso. Umwene Yesu alinkubabula alinkuti: Amumwabulege, mundeke abukege.
Abaputi abakulumba bikwitikana isya kungoga Yesu
(Mat. 26,1-5; Mar. 14,1-2; Luk. 22,1-2)
45Lelo abaYuda ba bingi aba balisile kwa Maria, bo basibwene
46isi abombile, balinkumwitika. Loli bamo balinkubuka kubaFarisai, balinkwakubabula isi Yesu abombile.
47Popapo abaputi abakulumba nabaFarisai balinkubilikila ulukomano, balinkuyobana balinkuti: Kali nikubomba fiki?
48Namanga umundu uyu ikupela ifika fi fingi. Linga tukundeka bunobuno, po abandu bosa bisakumwitikaga; lelo po abaRoma bisakutwisilaga, bisakupokaga akaya kitu, nikikolo
49kyitu. Popapo yumo umwinabo Kayafa, uyu ali yo mputi unkulumba ikyinja kikyo, alinkuyoba alinkuti: Umwe
50mukasimanya nasimo, kangi mutikwinogona ukuti kununu umundu yumo abafwilege abandu, ukukinda ukuti ikikolo
51kyosa kipyutigwege. Loli sisisi akasiyobaga yuyo mwene, loli papo ali mputi unkulumba ikyinja kikyo, alinkukunguluka
52ukuti Yesu ikuya pakukifwila ikikolo kyabo, kukaya ko kuti ikukifwila ikikolo kikyo kyene, loli ko kubabungania abana ba Kyala aba banyambanike, ukuti bipelege ukuya yumoywene.
53Ukufuma pisiku lilyo, balinkwitikana ukuti bangoge.
54Popapo Yesu alinkusita ngusyungutila pabwelu nkisu kya baYuda, loli alinkusokapo papo, alinkubuka kukisu iki kipalamene ndungalangala; nkaya aka bikuti Efraimu, mo
55alinkwakuya nabafundigwa bake. Lelo Pasa gwa baYuda asegelile; bingi balinkufyuka ukubuka mu-Yerusalemu bo Pasa akali, balinkufuma mosa nkisu kila ukuti bakiyelusyege.
56Abene balinkundonda Yesu; balinkulalusania bo bimile mwa Tempeli balinkuti: Umwe mukwinogona fiki? Kali ikwisako
57kukyaka kikiki? Abene abaputi abakulumba nabaFarisai balagile ukuti, linga yumo amenye kuno aliko, yo abagile ukubabula, ukuti bakankole.
Currently Selected:
Yohani 11: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
