Luk 5

1Mōv numpūn lō dūmantūramtugi iyi, mūmōkū wandĭgi nam isen Nōbū; miyi yemetūrū ra nokoren tok Kenesaret, memokesi bōt dūrū urin tok; 2kō ovun numpūn nevi nelat dūmūwi lap, mūmorowugi ōv nokopon isenda. 3Miyi yemesuki sī bōt, isen Sīmon, memenūwi pugi, memokū iyi osaveti maleompeni vilik; miyi yemetesep memtavsokonda ovnumpūn lō marugi bōt.

4Isūma nam isen iyi yemenūwi pugi Sīmon, memokū, Eve ĭlepalam meti ōv nokopon soremi mevĭ nomū. 5Im Sīmon yemtamsi memenūwi pugi memokū, Narisah, ka kelagelaū pūmrok omwisū ĭm letūvĭ sī; kō ya ōmantipe nokopon sugkū nam sorum. 6Mirora dūmumpi sugkū mūmūvī nomū sikat wokon, ĭm nokopon isenda yati-potni memumti. 7Mirora dwalep punora ravensīeme ra bōt sī mūmōkū wampelum menaverora. Mirora dūmūvelum mūmūvūarugi bōt dūrū, sugkū dūatipotni worumkon.

8Pol sugkū Sīmon Piter yemokesisū iyi yumol ra numpūneteren isen Iesū memenūwi memokū, Ah, Novsūromon, ete maroko yaū, ĭt yaū neteme nareki sat; 9popowo iyi yemōvkerĭtwi, mirora dal iyi sugkū, ugi nomū sikat dūmūvi; 10ĭm Yakobo ĭm Yōane, ov netnime isen Sepedi, mori dūmavori Sīmon, irora sugkū. Im Iesū yōmenūwi pugi Sīmon memokū, Etūmtetugi; kĭk andūnevi oveteme marugi nempugon marima. 11Im pol sugkū dūmūiyevisah ikeri irora dūmūwisep omwisū mōmūri iyi.

12Im pol sugkū iyi ra sī sĭti sī neteme ĭm lepros tamas, yemokesi Iesū, memokolugi nipmi iran, memsenĭgi memenūwi memokū, Novsūromon, nagkū kemagkū, kĭk faneteme woresendumsi yaū. 13Miyi yemeevan memsugkori iyi, memenūwi, memokū, Ya umagkū, eti sentevives. Marimago lepros isen yevia. 14Miyi yemualivat ūnōwan, memokū otūanūwi pugi sī neteme; eve ĭm sesi kĭk pugi neteme sakrefis, movugi ōv itemas tovuni sentevives sorum, sugkū Moses yempasiwokondugi mokū numpūvsok punora. 15Kō narigi iyi yemorūnekompelĭgi nūrūsū, mov numpūn lō sikat wokon dūmorūn semsimokonda mūmōkū wandĭgi iyi, mampī horĭgives marugi ōv namarat isenda. 16Miyi yemesepen ive marokonda ra nūrū wokon, memufwaki.

17Im sī dan pol sugkū iyi yemtavsokonda, ovun Faresi, movun Nefĭnte nam dūmūtesep potipot, mori dūmne ra nimote sū Kalĭli, ĭm Yūdia, ĭm Yerūsalem, ĭm horog isen Nōbū iran worumkororĭgives. 18Mōveteme dūmūriuki gi nesūvlok sī neteme neturumurō, mūmosorugi woruriuki ūnisog, mūmōkū wantipe iyi ūnĭpmi isen. 19Mirora dūtōkesi nokowo wanduiki iyi ūnisog, popowo ugi ōv numpūn lō; mirora dūmūsuki mūmūtī pelah numpūn nimo, mūmovkisep iyi gi nesūvlok ileboteven irora, ūnĭpmi isen Iesū. 20Miyi yemokesi tavniri isenda memenūwi, memokū, Woragi, umafielentug kĭk sat sū sorum.

21Movun Somūl, movun Faresi dūmatipotni woretovotarū, mūmūsepen tagkel ra, mūmōkū, Mē imo umanuwi nam sat? Mē horog worefielentugi sat sū? Nōbū wokon. 22Im Iesū yemelavenūri tarūsū isenda, memtamsi memtagkelora, memokū, Irasie kūmasepen tovotarū sugkū? 23Itokowo mōmū ĭtemelepon? worenūwi magkū, Umafielentug kĭk; kū, worenūwi magkū, Etūok mavan. 24Kō ma sugkū kĭmi kwagkili. Netni isen neteme umasepi netipe ra nemap horog isen worefielentugi sat sū (iyi yōmenūwi pugi neteme neturumurō memokū), Ya umanūwi punok memagkū, Etūok, muriuki nanum sorum ĭmpe ra nimo sorum. 25Marimago iyi yemtūok ūnimĭnda, memuriuki mori iyi yemalewi ran tan mōĭmpe ra nimo isen memarūfoves numplĭn Nōbū. 26Momwisū dūmōvkirĭtwi, mūmarūfōves numplĭn Nōbū mūmūmtetugi tamas, mūmūnūwi, mūmōkū, Kos kelokesi ovun navlugi ire. 27Penūri imosū iyi yemavan memokesi sī neteme nalekon, nin isen Livĭ, mori yemetesep ra nimo woralekon; miyi yemenūwi pugi me mokū, Uri yaū. 28Miyi yemowi sep omwisū, memtūok memūri iyi. 29Im Livĭ yemumpi narigari tamas nisekon ra nimo isen; mōveteme nalekon, mōveteme mōmū, irora sikat, dūmūtesĭgi dal irora. 30Movun Faresi, mōvun Somūl isenda dūmworemi sat, mūmūvriurora ovun nūrie isen, mūmumtagkelora, mūmōkū, Irasie kūmneni memnamoneki dal ovun nalekon mōvetemĭndi? 31Im Iesū yemtamsi memenūwi punora memokū, Irora mori horĭgives ūtūmnakĭugi sī neteme tavū, irora wokon mori ūmnamarat. 32Ya okovelum mokū amperokonda ōvetemendi wumpĭeves nowanda, ĭm tawi ovun tanepo. 33Mirora dūmūtagkeli, mūmōkū, Irasie ovun nūrie isen Yōane ūmandūnetevokom, mūmnufwaki, misenda ovun Faresi sugkū, kō sorum ūmneni mūmnamoneki? 34Miyi yemtagkelora, memokū, Kimi kwonumpi raven-sīeme isen retepon memtevokom polekū asūon umantendōwi dal irora, kū? 35Ko wampelum dansū pol sugkū ampi marokonda neteme mori otōri retepon, mirora wontevokom ra dansū mori.

36Miyi yōmenūwi punora sī parabel memokū, Tawi sī neteme umanteri nevlugkon nemas ĭtevaū ran tan némas ĭterōvot; nagku sugkū pe ĭtevaū amti, mōmentevaseri, popōwo nevlugkon ĭtevaū tawi sugkū ĭterovot.

37Im tawi sī neteme umwosĭlĭgi win ĭtevaū ūnisog ōv nokolistan numpūmetūo; ĭm nagkū sugkū, win ĭtevaū wampulet ovun nokolistan mōwosĭlĭgi ilat, mōv nokolistan wagkini. 38Aremi wosĭlĭgi win ĭtevaū ūnisog ovun botel ĭtevaū, ĭm kwafĭnte dūrūsū. 39Im tawi sī neteme omoneki win nĭmperĭtwi, marimago onakīugi win ĭtevaū; iyi umagkū nĭmperĭtwi aremi mōmū.

Currently Selected:

Luk 5: ERGNT79

Highlight

Copy