Luk 6

1Im ra danemindog dūrūgi iyi yemavango ra ovun denūok whit; movun nūrie isen dūmareki dugon whit mūmūsendokon mūmoni. 2Im nugkon ovun Faresi dūmōkesora, mūmūtagkelora, mūmōkū, Irasie kūmnumpi imo mori mūmnareki danemindog? 3Im Iesū yemtamsi memtagkelora memokū, Kūtūsepi nam ugi imo Dēvĭd yemumpi pol sugkū iyi yemtemas, iyi mirora dal, nokowo iyi yentorĭmpe ra nimo isen Nōbū, 4mempī yōūp tumpora, memoni, memovunora dal iyi, ĭm nam alam umanūwi, oveteme sakrefis wokon woneni imo, kū? 5Miyi yemenūwi punora memokū, Iyi netni isen neteme Novsūromon ra danemindog.

6Im danemindog sī iyi yĭntorĭmpe ra nimo tavsogi, memtavsokonda, ĭm sī neteme yūi, nokoven meves navsilni; 7movun Somūl, movun Faresi dūmūterareki nagkū iyi umpi horĭgives ra danemindog, mūmōkū wampievri iyi. 8Miyi yemesepen nokili tarūsū isenda memenūwi pugi neteme nokoven navsilni, Etūok metūrū ĭlebōteven. 9Miyi yemtūok metūrū. Im Iesū yōmenūwi punora memokū, Ya ontagkolokūm sī, Ra danemindog aremi worumpi aremi, kū worumpi sat? woreviēōwara, kū woretalugi? 10Miyi yemelagkaū iranda sū memenūwi pugi neteme, memokū, Eevan. Miyi yemumpi sugkū ĭm nokoven yēipoipo sugkū moor. 11Mirora dūmarakī tamas, mūmūnūwi punora irora, mūmōkū wonumpi sie iran Iesū.

12Ra dansū mori iyi yive ra numpūo, memokū worufwaki; memufwaki iran Nōbū pūmrok omwisū. 13Im prūbokūm iyi yemovrokonda ovun nūrie isen, memtampolora twelv, mōmatovninda, memokū, ovun tandeko; Sīmon, mori iyi yatov nin, memokū, 14Piter, ĭm Anderū avensi isen, Yakobo ĭm Yōane, Fĭlĭp ĭm Bartolomū, Matĭyū ĭm Tomas, 15Yakōbō, netni isen Alfius, ĭm Sīmon, nalĭg isen Selōtes, 16Yūdas, avensi isen Yakobo, ĭm Yūdas Iskariot, mori yempirĭgi iyi. 17Miyi yemyep dal irora memetūrū rasĭnūrū nomolsep, ĭm dal irora sī semsimak ra ovun nurie isen, mov netevokū semsimak tamas mori dūmne ra Yūdia ĭm Yerūsalem, ĭm Tĭr ĭm Sīdon ra nokoren tok, mūmōkū wandĭgi iyi mampi horĭgives marugi ōv namarat isenda; 18miyi yemumkororĭgives irora mori ōv naviatindi dūmnelĭleki iranda. 19Mirora sū ra numpūn lō dūmōkū wosugkori iyi, popowo horog yemne ra iyi memumkororĭgives irora sū. 20Miyi yemelasah memokū agesora ovun nūrie isen, memenūwi memokū,

21Nevĭeves kimi ovun narumkor, ĭt lō isen Nōbū soremi. Nevĭeves kimi mori kūmuntemas marima, ĭt wontali kūm.

Nevĭeves kimi mori kūmnageri marima, It kimi kwaseragi.

22Nevĭeves kimi pol sugkū oveteme wonakan pugkūm, mosatevugkūm, mamprēurokūm, muntafugi nin sotemi sugkū sat, popowo ugi Netni isen neteme. 23Wavosavos ra dan mori, mūvotoat, ĭt nipmi soremi tamas unpokūp; ĭm ritemendeme isenda dūmumpi sugkū iranda ovun profet.

24Owi irami oveteme noete, ĭt kĭmsi kūvĭsū aremi soremi. 25Owĭ irami ūmuntalikūm, ĭt kimi kwontemas.

Owi irami ūmuntufop marima, it kimi kwandĭgumpūnū, mūmnageri.

26Owĭ irami pol sugkū oveteme sū wamkūmotevisep, ĭt ritemendeme isenda dūmumpi sugkū ugi ovun profet nempiri.

27Kō, ya umanūwi pugkūm mori kūmandĭgi, memagkū, Wolintokonda ovun novsen nakan soremi.

28Wumpeleves iranda mori ūmnakan pugkūm Utesukives nisekonda mori ūmasepam ugi kĭmi.

Ufwaki nisekonda mori ūmūntavuntan sat irami.

29Miyi sī ampi ateki waū nogūm, ovoli pugi nugkon. Miyi sī ampi parugkik nemas sorum worekafugi, etūsiugi semplaūon sorum.

30Uvunora sū mori ūmnesenĭgi, ĭm pol sugkū sī umampi ovun se sorum, etūōmuntagkolugi. 31Sugkū kūmnakiwo-konda oveteme worumpi nisekomi, wumpi nisekonda.

32It nagkū kūmnelintokonda wokon mori ūmnelintugkūm, mē onumpalugi irami? ĭt ovun nareki ūmnelintokonda mori ūmnelintokonda. 33Im nagkū kūmumpeleves iranda mori ūmumpeleves irami, mē onumpalugi irami? ĭt ovun nareki ūmnumpi sugkū. 34Im nagkū kūmampunora mori kūmagkū wōmampugkūm, mē, onumpalugi irami? ĭt ovun nareki umampunora ovun nareki, ma sugkū wōmampĭ.

35Kō wolintokonda ōv novsen nakan soremi. Wumpelēves, mūvugi wokon, mūtūōmamtemetemetugi mōmū, im nipmi soremi wanti tamas, ĭm kimi kwanti ovun netnime isen Tantevakepe; ĭtiyi umnumpelēves iranda mori ūtūmumpalugi, mōvetemendi.

36Kĭmi ūtogesoveli, sugkū Itemen soremi umentogesoveli. 37Utūtarū sat ma otūontarū sat irami; mūtūnūwi mōkū, umnoworepatevi, ma otūanūwi magkū, kūmnowore-patevi.

38Ufielintokonda ma afielintugkūm; ūvugi, mōmampugkūm; oveteme wampugkūm, mampūarugisū, moneraterugi monugkeri semsimugi, moselugilat. Wōmentalug pugkūm sugkū kūmūntalug punora.

39Miyi yemenūwi sī parabel punora, memokū, Neteme nimtei faneteme mentōri sī neteme nĭmtēi kū? Dūrūsū wamol ra nokol, kū? 40Sī nūrie tawi mōmū horog ra tavsogi isen; kō, omwisū mori ūmagkilisū fan nam wanti sugkū nagkū ovun tavsogi isenda. 41Im irasie kĭk emnelarkēi navivon nē ūnĭpmi apmisĭ, metūmagkū ugi nelumpoi nē ūnĭmtura? 42Kū, nokowo kanūwi pugi apmisĭ, magkū, Avūgsĭ, aremi ya osemsi navivon nē marugi nimtum, im kĭk otūmagesi nelumpoi nē ūnĭmtum kĭk? Neteme nempiri mampum nevi nelumpoi nē marugi nimtum kĭk, im penuri komagesi nelampalam mesemsi navivon nē marugi nipmi isen apmisī.

43Tawi sī nē aremi umampūo ugi novūan ūr; ĭm tawi sī nē ūr umampūo ugi novūan aremi. 44Umagkilora nēsū ugi novūanda; oveteme ūtūmnesevi weve ra nē nemlowongo, kū novūan vin marugi topavū sat. 45Sī neteme aremi umumpī siame aremi marugi woretavĭnapon ūnōwan; ĭm sī netemendi umumpĭ sieme sat marugi woretavinpon ūnōwan; ĭt iyi umanūwi sugkū siamesū sikat ūnōwan.

46Im kimi kūmamperoko yaū, mūmagkū, Novsūromon, Novsūromon, irasie? ĭm kūtūmnumpi sugkū ya umanūwi pugkūm. 47Iyi sī umampelum po yaū memandĭgi nam sorūg, memnumpi, ya umanūwi pugkūm meniagkū iyi sugkū mē, 48iyi sugkū neteme mori yemumpi nimo, memokolugi ĭmpwap memetipe potnin ran tan vetūnam; ĭm pol sugkū yeti nōisap ĭm numpūn nesop yevelugi ra nimo mori, metūnēeliel, popowo yematipotnĭn ra vetūnam. 49Miyi sī umandĭgi, metūmnumpi, iyi sugkū neteme yemumpi nimo ra nemap, ĭm tawi potnin, numpūn nesop yemevelugi, memumol itnum, ĭm talepasi nimo mori tamas.

Currently Selected:

Luk 6: ERGNT79

Highlight

Copy