Luk 4

1Im Iesū yemovūarugi Naviat Tumpora memtorĭleki memne ra Yordan, miyi Naviat yemtori ra nūrū wokon, memokū Diabolō ontapmi iyi dansū forti. 2Im ra dansū mori iyi yetūenisĭ se sī; ĭm pol sugkū ĭsūma dansū mori iyi yemtemas. 3Im Diabolō yemenūwi pugi memokū, Nagku kĭk Netni isen Nōbū, enūwi mokū imo nevat meti yōūp. 4Im Iesū yemenūwi pugi memokū, Yemetīyi memokū, Neteme otūamūrep ugi yōūp wokon, kō ugi nam omwisū isen Nōbū. 5Im Diabolō yemtori ĭm sah ra numpūo tantop, movlesesi pugi lōsū lōsū ra nemap; 6ĭm Diabolō vōmenūwi pugi, memokū, Ya ampunok imo horog ĭm nilaswi isenda omwisū, ĭt yepĭmtenĭmpesū po yaū, 7ĭm ya umampugi sī kū sī ya umagkū ugi, ĭm nagku kĭk osesiēves ūnĭmtūg, kampĭ omwisū sorum. 8Im Iesū yōmenūwi pugi memokū, Eve kitag Satan, ĭt yemetiyi memokū, Kosesiēves ūnĭpmi isen Novsūromon Nōbū sorum, ĭm kontorugat iran iyi siteven.

9Miyi yemtori ra Yerūsalem metipe iyi ra nevlokon nimo tumpora, memenūwi pugi memokū, Nagkū kĭk Netni isen Nōbū, esepentafugi kĭk marugi ĭgko ĭm sep, ĭt yemetiyi, memokū,

10Iyi onempasiwokonda ovun agelō isen wugkĭk, magkū wafĭnte kĭk;

11Mirora wosesūak ra nokovenda,

Ma kotūonetakeli noam ra nevat.

12Im Iesū yemenūwi pugi memokū, Yepmenūwi memokū, Kotū ontapmi Novsūromon Nōbū sorum.

13Im pol sugkū Diabolo yemtampelisū tapmi isen, iyi yemowi iyi lap, memokū ugi nempugon sī.

14Im Iesū yemtorĭleki ra Kalĭli ugi horog isen Naviat; ĭm narigi iyi yemokompelĭgi nūrūsū nagkaūugi. 15Miyi yemtavsokonda ra ovun nimo tavsogi isenda, ĭm omwisū dūmūvietivesep iyi. 16Miyi yōĭmpelum ra Nasaret, yūi iyi yalamwi, ĭm sugkū iyi yemnumpi, yive ūnisog nimo tavsogi, danemindog, memtūok, mokū asepi netiyi. 17Dūmovugi iyi netiyi isen Isēya profet, miyi yemselevlevi memokesi imo nam,

18Naviat isen Novsūromon irag,

Miyi am Kriso irag, magkū ya ontorenūwisah nam navosavos punora ovun narumko;

Montamūli yaū magkū ya amkororĭgives ūmnesorū ūnōwanda, montorenūwi nagkū, osūlora ovun nēeti,

Movun nimtei memagesi,

Mosemsempari iranda ovun nelileki,

19Montorenūwisah, magkū, nevĭeves isen Novsūromon.

Miyi yalnĭlni netiyi memovugi nivūo memetesep. Im omwisū ūnisog nimo dūmūtuputnemi iyi. 21Miyi yemati-potni worenūwi punora, mokū, Ire imo nam umnampesog ra telugomi. 22Mirora dūmumpūvsok ugi iyi, mūmavlugi ra nam nevĭeves iyi yemenūwi punora. Mirora dūmūsepen tagkelora, mūmōkū, Iyi netni isen Yosef, kū? 23Miyi yōmenūwi punora memokū, Oo, kimi kwanūwi po yaū magkū ugi nam mori, Neteme tavū, ovkĭkorĭgives: siemesū mori kam lorigi kemumpi ra Kapernaum, umpi sugkū ĭgko ra nūrū sorum.

24Miyi yōmenūwi punora memokū, Itnesog, ya umsnūwi pugkūm memagkū, Oveteme ūtūmasiugi sī profet ra nūrū isen. 25Kō itnesog imo ya umanuwi pugkūm memagkū, Ov neviumpūi sikat dūmūtendōwi ra Isrēel ra dansū isen Elĭya, pol sugkū yemsumpat pokūp nevi desel mitis siklem mesikĭ, 26ĭm temas tamas ra nūrūsū; metūtamūli Elĭya pugi sī kū sī ra irora, kō pugi sī neviumpūi ra Sarepta, ra nūrū Sĭdon. 27Mōvun lepros sikat ra lō Isrēel, pol sugkū Elĭsa profet; metūmesendumsi sī ra irora, kō Nēēman neteme Sĭria. 28Im omwisū ra nimo dūmūrĭgi imosū mūmarakĭ tamas, mūtūok mūtevĭleguni ratilat sĭti, 29mūmūtori iyi ra telugon tovat ra numpūo, rantan mori dūpmumpi ōv nimo ra siti isenda, mūmōkū wonesalumpūan iyi. 30Kō iyi yemavan ileboteven irora mōempe.

31Miyi yemyep ra Kapernaum sī sĭti ra Kalĭli memtavsokonda ra danemindog; 32mirora dūmavlugi ra nam tavsogi isen, ĭt nam isen sugkū sī yemesepen netipe horog isen. 33Sī neteme ra nimo ĭm sī naviatindi yive iran, memasora gi nasora tamas, memenūwi memokū, 34Owi kam, kemagkū sie ugi kam, Iesū, neteme Nasaret, kokevelum mokū ontĭvavtĭti kam, ya umagkilok kĭk netni tumpora isen Nōbū. 35Im Iesū yemenūamwū pugi memokū, Eteteven, elum ilat marugi; ĭm naviatĭndi yemelĭleki iyi ūnimĭnda, mivelum ilat marugi, memētū torĭs iran. 36Im omwisū dūōvkerĭtwi, mūmūsepen enūwi punora mūmōkū, Sie imo nam, ĭt iyi umnempasiwokonda, ōv naviatĭndi ugi nam ūnam ĭm horog, mirora umampelum ilat. 37Im narigi iyi yemekompelĭgi nūrūsū nagkaūugi.

38Miyi yemtūok memōwi nimo tavsogi, mempe ūnisog nimo isen Sīmon. Mĭtemakesi itnasiven isen Sīmon yemaūaū tamas ugi namri; mirora dūmūtagkeli iyi ugi. 39Miyi yemetūrū ra nokorin isen, memenūamwūs pugi namri mori, yemowi; marimago iyi yemtūok memtorugat iranda.

40Im pol sugkū nĭpininen yemyep omwisū mori ĭm raveneme isenda dūmamarat ugi ōv namarat sikat, dūmūtōrora pugi, miyi yemetipe nokoven iranda sū, memumkororĭgives. 41Mov naviatindi dūmūvelum ilat marokonda sikat, mūmasora, mūmūnūwi, mūmokū. Kĭk Kristo, Netni isen Nōbū. Miyi yemenūali punora memokū irora wonteteven, ĭt irora dūmōkili ma iyi Kristo.

42Im prūbokūm iyi yōmavan mempe ra sī nūrū wokon, mōv numpūn lō dūmosorugi mūmūvelum pugi, mūmūtanti iyi, mūmōkū iyi, otūawi irora. 43Miyi yemenūwi punora memokū, Aremi ya ontorenūwisah nam navosavos ugi lō isen Nōbū punora ra ōv nimote sū, popowo okotamūli vaū ugi imo. 44Miyi yemtorenūwisah ra ōv nimo tavsogi ra Kalĭli.

Currently Selected:

Luk 4: ERGNT79

Highlight

Copy