Luk 3
3
1Ra nevi fĭftin, Sisar-Tĭbirius yemnarisah, ĭm Pontius-Pīlat natemonok ra Yūdia, ĭm Herod teterarke ra Kalĭli, ĭm Fĭlĭp avensi isen teterarke ra Ituria, ĭm nūrūsū Trakonĭtis, ĭm Lĭsanias teterarke ra Abĭlene, movun tavsogi tumpora Anas ĭm Kaifas, 2Yōane, netni isen Sakarīas yivi nam marugi, Nōbū, ra nūrū wokon. 3Miyi yive ra nūrūsū nagkaūugi Yordan, memtorenūwisah baptisma memokū wampĭeves nowanda mampi nefielentugi sat sū isenda; sugkū nam Isēya profet yemetĭyi memokū,
4Navian isen mori onterenūwisah ra nūrū wokon magkū,
Utī selat alam nisekon Novsūromon;
Wumpi nugko ovun selemsug isen.
5Wampūarugi ōv naveran nūrūsū;
Wontasiasie ōv numpūo, movun terĭmsisah omwisū;
Wonumpi nugko ōvun selat umnagkaū,
Monlĭsū ovun nofatarū;
6Im lōsū omwisū wagesi nēōwara isen Nōbū.
7Miyi yemenūwi punora ōv numpūn lōsū mori dūmūvelum mūmōkū iyi ambaptiso iranda, Ovun netnime neskil! mē okosemevsi pugkūm woralō marugi naraki umampelum? 8Uvūo kimi ugi ōv novūanves marugi nōwami ĭtevaū; mūtūatipotni woresepen-enūwi pugkūm, magkū Ebraham itemen soret; ĭt ya umanūwi pugkūm memagkū, Nōbū, faneteme worevitūosah ōvun netnime iran Ebraham marugi imo nevat sū. 9Im marima otipe ūtevil ra noatnin nē sū; ĭm nē sū mori ūtūmampūo novūan aremi, wandevi muntafugi ra nom.
10Mov numpūn lō dūmūtagkeli iyi mūmōkū, Sie ka kelenumpi? 11Miyi yemtamsi memenūwi punora memokū, Iyi sī umantipe isen semplaūon dūrū ampugi sī tawi isen; miyi sī umantipe isen nevag onumpi sugkū. 12Movun lĭvsaū nalekon dūmūvelum, mūmōkū iyi ambaptiso iranda. Mirora dūmūtagkeli iyi mūmōkū, Tavsogi, sie ka kelenumpi? 13Miyi yemenūwi punora, memokū, Uvĭ imo wokon yempasiwugkūm ugi, 14Mōveteme ūbrami dūmūtagkeli iyi mūmōkū, Im kam, ka kelenumpi sie? Miyi yemenūwi punora, memokū, Utūumpi nugkugko iran sī; ūtūvievri iran sī; mūtūrĭgi sat ugi nipmi soremi.
15Mov netevokontū dūmūntametemetugi Mūmuntarūtarū ugi Yōane, iyi Kristo, kū tawi; 16Yōane yemtamsi memenūwi punora sū, memokū, Ya umbaptiso irami ugi nū, ko iyi mōmū horog irag umampelum; yaū tawi aremi woresūli nelis ra woravan isen; iyi ambaptiso irami ugi Naviat Tumpora ĭm nom. 17Sĭv isen ra nokoven isen, miyi onaroven sū ōv novūan isen, mōmenalekon semsimugi whit ūnisog woretavĭnapon isen; kō novkĭlien iyi atni ugi nom otūonesili. 18Miyi yemenūavso-kond ugi sieme sikat pol sugkū iyi yemtorenūwi nam navosavos punora ōv netevokontū. 19Kō Herod teterarke, mori iyi yemenūamwūs pugi popowo ugi Herodias, 20retepon avensi Fĭlĭp, ĭm popowo ugi sat sū Herod yemnumpi, yemumpi imo momū, yemsumpatamtugi Yōane ūnisog nimo nugkugko.
21Im pol sugkū ōv netevokontū sū dūmūvī baptisma iranda, Iesū sugkū yivi baptisma iran, memufwaki, ĭtipelah pokūp, 22ĭm Naviat Tumpora yemyep iran ugi nokolesiran sugkū nagkū ūmpon, ĭm sī navian yemne ra pokūp, memenūwi memokū, Kĭk nētūg paū, ya umampeotoat ugi Kĭk. 23Im nevisū iran Iesū sugkū turti, miyi, sugkū oveteme dūmōkū, netni isen Yosef, netni
24isen Helī, isen Matat,
isen Livī, isen Melkĭ,
isen Yana, isen Yosef,
25isen Matatias, isen Amos,
isen Naum, isen Eslī,
26isen Nakĭ, isen Maat,
isen Matatias, isen Semī,
isen Yosef, isen Yūda,
27isen Yōana, isen Resa,
isen Serubabel, isen Sialtiel
28isen Neri, isen Melkĭ,
isen Apī, isen Kosam,
isen Elmodam, isen Er,
29isen Yōse, isen Eliēser,
isen Yōrĭm, isen Matat
30isen Livĭ, isen Sĭmion,
isen Yūda, isen Yosef,
isen Yōnan, isen Eliakĭm,
31isen Melia, isen Menan,
isen Matata, isen Natan,
32isen Dēvĭd, isen Yesi,
isen Obed, isen Boos,
isen Salmon, isen Nason,
33isen Amĭnadab, isen Arnī,
isen Hesrom, isen Fares,
34isen Yūda, isen Yakob,
isen Isak, isen Ebraham,
isen Tira, isen Nahor,
35isen Serūk, isen Riū,
isen Pilek, isen Iber,
36isen Sala, isen Kanan,
isen Arfaksad, isen Sem,
isen Nōa, isen Lamek,
37isen Metūsela, isen Inok,
isen Yared, isen Mahalalil,
38isen Kanan, isen Enos,
isen Set, isen Adam,
isen Nōbū.
Currently Selected:
Luk 3: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
