Luk 2

1Ra dansū mori Sisar Okustus yempasewugi memokū wonetīyi ninda lōsū lōsū; 2mematipotni woretĭyi ninda ra nempugon Sīrenius natemonok Sĭria; 3mūmūvesū mūmōkū wonetīyi nindi isendawi. 4Im Yosef yivesah marugi Kalĭli ra Yūdia, memne ra sĭti, nin Nasaret, mempe ra Betlehem, sĭti isen Dēvĭd; 5it iyi yemne ra nimo mov netnĭndeme isen Dēvĭd; memokū onetĭyi nin isen nandū Mēri, mori iyi yemeteventerugi, miyi yitandiokumpōh. 6Im pol sugkū irora dūrū yūi isūma dansū worevi netni, 7miyi yivi netni isenĭtnataman, ĭtnetemefe, memovsen ugi ōv nevlugkon némas, memetipe ra krĭb, popowo tawi nūrū nisekonda ūnisog simanlō. 8Mōveteme mori dūmafinte ovun pugipugi dūmūtendōwi yūi ūnavonavo, mūmavles, mositūasitū pumrok ra ovun semsimak isenda. 9Im sī nagelō isen Novsūromon yemovkoretūrū, ĭm nĭneaū isen Novsūromon yemeli-ugesi nagkaūwokonda, mirora dūmtetugi ugi nemtetugi tamas. 10Miyi nagelō yemenūwi punora memokū, Utumtetugi, ĭt ya umandiuki nam aremi pug kūm, nam navosavos mori wontorenūwi punora ōv netevo-kontū omwisū.

11Omprokomol ire, Nēōwara nisekomi, iyi Kristo Novsūromon, ra sĭti isen Dēvĭd; 12ĭm imo pe safi nisekomi; kimi kwagesi sī Dalaū movsen ugi ōv nevlugkon nēmas memnalē ra sī krĭb. 13Marimago dal nagelō sī semsimak ra ovun tentūrū ūnpokūp, mirora dūmarūfoves numpĭlĭn isen Nōbū, mūmūnūwi mūmōkū,

14Warūfoves numpĭlĭn Nōbū ra nūrūsū tantevakepe,

Im ra nemap, ninparata, nelugelugives iranda oveteme.

15Im pol sugkū ovun agelō mori dūmūve marokonda mūmūvesah ūnpokūp, ovun nefĭnte pugipugi dūmūsepen ūnūwi punora naūmōkū, Kos lampe mafeli ra Betlehem ĭm lagesi imo mori oti, mori Novsūromon onūwi pugkos. 16Mirora dūmūvugovag mūvelum mūmōkesi Mēri, ĭm Yosef, ĭm nalaū mori yemalewi ra krĭb. 17Im pol sugkū irora dūmōkesi dūmūtampĭgi nam punora netevokontū mūmōkū ugi nam yemenūwi punora ugi nalaū mori. 18Im omwisū mori dumūrĭgi dūmavlugi ra nam mori ovun nefĭnte pugipugi dūmūnūwi punora. 19Kō Mēri yementemi imosū omwisū memneveleveli ugi. 20Movun nefĭnte pugipugi mori dūmūtorileki, mūmarūfoves numpĭlĭn mūselekoleki Nōbū ugi simesū imosū irora dūmūrĭgi, mūmōkesi sugkū nam yemenūwi punora.

21Isūma dansū sĭklem desel worumpi namon iran, dūmatovnin isen mūmōkū IESU, mori nagelō yep-menūwi pol sugkū iyi yetūte ūnetnĭn. 22Im pol sugkū ĭsūma dansū dūmūsendumsi, sugkū nam alam isen Moses, irora dūmūtōri ra Yerūsalem, mūmūtipe iyi ūnĭpmi isen Novsūromon; 23sugkū yeroetĭyi nam alam isen Novsūromon, memokū, ĭtovataman omwisū ĭtnetemefe, tumpora nisekon Novsūromon; 24mūmūvugi sakrefis mori yemenūwi, memokū ugi ra ovun nam alam isen Novsūromon, memokū, ĭtovataman omwisū ĭtenetemefe, tumpora nisekon Novsūromon; mūmūnūwi sakrefis mori yemenūwi memokū ugi ra ovun nam alam isen Novsūromon ūmpon turtel dūrū, Kū dūrfi nōū vilik.

25Sī neteme ra Yerūsalem, nin isen Sĭmion, miyi tanepo mementemives iran Nōbū; memtametugives nam navosavos nisekonda lō Isrēel, im Naviat Tumpora nandū iyi. 26Naviat Tumpora yemsesi pugi ma iyi otū amas afeli nempugon iyi agesi Kristo, isen Novsuromon. 27Miyi yivelum ūnisog nimo tumpora ugi Naviat; im pol sugkū, dineme im ĭtemen dūmūtōri nalaū mori, Iesū, ūnisog, mūmōkū wonumpi nisekon sugkū nam alam, 28iyi yemalekoleki ugi nĭlepon nokoven isen, memumpalugi ves iran Nōbū, memenūwi, memokū,

29Ah Narisah, marima kĭk emĭntenĭmpe yaū, lĭvsaū sorum mampe ra nĭmparata,

Sugkū nam sorum,

30It nĭmtūg okesi nēōwara sorum,

31Mori Kĭk okosimansū ūnimĭnda lōsū lōsū;

32Sī nilara woreliugesora ovun nelebokevat,

Im nilasilaswi isenda netevokontū sorum, lō Isrēel.

33Im itemen isen, im dineme dūmavlugi ra imosū mori yemenūwi ugi iyi. 34Im Sĭmion yivīeves irora, memenūwi pugi Mēri dineme isen memokū,

Orĭgi, iyi mori umnalē ma sugkū oveteme Isrēel sikat wamol mōmamsorasah, miyi sī safi wanūĭndi ugi; 35im sī sord osē naviat sorum kĭk, ma sugkū ōv netevotarū ūnōwanda sikat wamsok.

36Im Ana sī profet itnasiven, netni isen Fanūel, ra savūta Aser; nevisū sikat iran, miyi nandū asūon marugi nempugon iyi ĭtnumpōkon im nevisū seven iran; 37miyi neviumpūi, nevisū ēti-fōr iran, miyi yetūwi nimo tumpora, nempugon pūmrok im dan iyi yementeveta ugi netevokom im nufwaki. 38Miyi yemovletūrū potipot memumpalugi, iran Novsūromon, memenūwi memokū ugi iyi punora sū ra Yerūsalem, mori dūmūtevetūi nēōwara. 39Im pol sugkū irora dūmokompeli-sū sugkū nam alam isen Novsūromon irora dūmūtorĭleki ra Kalĭli ra Nasaret, sĭti isenda.

40Miyi nalaū yemalam memtorugat ra naviat isen memovūarugi numpūn nelekon, ĭm nevīeves isen Nōbū iran. 41Mitemen ĭm dineme isen dūmūve ra Yerūsalem ra paska nevisū. 42Im pol sugkū nevisū twelv iran irora dūōmevesah ra Yerūsalem, sugkū dūmumpi ugi narigari mori. 43Isūma dansū ugi, irora dūmūtorĭleki, kō nalaū Iesū yemetendōwi ra Yerūsalem, mitemen ĭm dineme dūmūtūkili ugi; 44dūmokū iyi dal semsimak, mirora dūmūtorĭleki mōmavan sī dan, mūmūsorugi dal raveneme, mov numpūnaranda, ĭm tawi iyi; 45mirora dūmūtorĭleki ra Yerūsalem, mōmūsorugi iyi. 46Im penūri dan desel irora dūmōkesi iyi ūnisog, nimo tumpora, yemetesep dal ōv nate tavsogi, memorĭgora memtagkelora. 47Im omwisū mori dūmūrĭgi iyi dūmavlugi ugi numpūn nelekon isen movun tamsi isen.

48Im pol sugkū irora dūmōkesi iyi, dūmovkeritwi; ĭm dineme isen yemtagkeli memokū, Netūg, kumpi sugkū iramam, irasie? Itum ĭm yaū ka kūosorug kĭk ugi norigumpūnū. 49Miyi yemtagkelora memokū, Irasie kūosorokoyaū? Kūtūkili ma aremi ya umnumpūrah ra nimo isen Itemen sorūg, kū? 50Mirora dūmūmgīugi nam mori iyi yemenūwi punora. 51Miyi yemyep dal irora mōĭmpe ra Nasaret, mōmesendiukives irora; ĭm dineme isen yemafĭnte imosū omwisū nam ūnōwan isen. Im Iesū yemorūnevī numpūn-nelekon, memalam, ĭm nelugelugives isen Nobū misenda oveteme yemete iran.

Currently Selected:

Luk 2: ERGNT79

Highlight

Copy