Luk 11

1Miyi ra sī nūrū, memufwaki, memenūaveni, ĭm sī ra irora ōvun nūrie isen yemenūwi pugi, memokū, Novsūromon, taysogkam worufwaki, sugkū Yōane yemtavsokonda ōvun nūrie isen. 2Miyi yemenūwi punora, memokū, Pol sugkū kūmnufwaki, ūnuwimōkū, Itemen e kam ūnpokōp, Etetumpora nin, sorum. Elum lō sorum. Umpi tarōsū sorum ra nemap, sugkū ūnpokōp. 3Ovugkam ire nevag nisekomam. 4Mefielintugkam satsū soremam, ĭt ka kemlafielintokondasū mori dūtūtam-penĭgi iramam. Metūtōrokam ra tapmi, kō, eforowugkam marugi satsū.

5Miyi yemenūwi punora, memokū, Mē sī ra kimi nagkū ampe antūnemis pumrok pugi aven isen, manūwi pugi, magkū, 6Avug, ovo yaū yōūp, desel, avūg okovelum po yaū, mōwi selat, ĭm tawi nevag sorūg woretipe ra nokoren isen; miyi ūnisog otamsi manūwi, magkū, Etūyugūri yaū; 7okosumpat nugūn nimo, mōvnetugeme ūmnalē dal yaū; ya otūontūok mampunok? 8Ya umanuwi pugkūm, memagkū, Nagku iyi otūontūok mampugi popōwo iyi aven, kō popowo ugi natekĭsah isen iyi ontūok mampugi sū mori iyi yemokū ugi. 9Im ya umanuwi pugkūm, memagkū, Wosenigi, mampugkūm; wosorugi, ĭm kĭmi kwampi; ūtetī, montīpelah irami. 10It iyi sī umnesenĭgi, umumpĭ; miyi sī umnesorugi, umagesi; montīpelah iran iyi mori umentetĭ. 11Im mē sī ra kĭmi mori itemen, nagkū netum ĭtnatanman onesenĭgi yōūp kampugi nevat, kū? ĭm nagkū sī nomū, kampugi neskil, kū? 12ĭm nagkū iyi onesenĭgi nahlen netūo, kampugi tugkelas, kū? 13Im nagkū kĭmi, ōvetemendi, kūmagkili ōvun ĭtemas aremī worevunora ōvun netnime soremi, Iyi momu, Itemen mori unpokop, ampunora mori umnesenigi Naviat Tumpora, ku?

14Miyi yemeteveleguni sī naviatindi, miyi nōwampat; ĭm pol sugkū naviatindi yive marugi, iyi nōwampat yam; mōvun numpūnlō dūmavlugi. 15Kō nugkoneme dūmūnūwi, mūmōkū, Iyi ūmantevelugunora ovun naviatindi ugi Bielsebūl, natemonok isenda ovun naviatindi. 16Im nugkoneme dūmūtagkeli sī safi marugi pokōp, mūmōkū wontapmi iyi. 17Miyi yemokili tarūsū isenda, memenūwi punora, memokū, Umnēevente lōsū mori ūmūsumpūi; mumnaseviokanda ōvun neligalaū ūmūsumpūora; 18ĭm nagkū ūmasepen sumpūi lō isen Sētan, lō isen wantendōwi nokowo? ĭt kĭtni kūmanūwi ya umantevelegunora ōvunnaviatĭndi ugi Bielsebūl. 19Im nagkū umantevelugunora ōvun naviatindi ugi Bielsebūl, ōvun netnime soremi umantevelugunora ugi mē? Popōwo imo, irora wanti ovun nūrian irami. 20Kō nagkū ya umantevelugunora ōvun naviatindi ugi dugorugon isen, Nōbū, oo, okovelumsū lō isen Nobū pugkūm.

21Pol sugku sī neteme horog umandūleki ōvun nūrah ūbrami isen, mumnafĭnte nimo isen ōvun se isen umantendōwi ra ninparata; 22kō, pol sugkū iyi mori mōmū horog iran, ampelum iran, iyi ontantevakepe iran mampi parugi nūrah sū ūbrami isen, mori iyi yemtesūo iranda, monafēokondugi siemesū mori iyi yepmeforowugi sū. 23Iyi sī tawi nandū yaū, iyi domo irag; miyi sī otūmnalekon semsimugi nandū yaū, umnaseviugi.

24Pol sugkū naviatindi okeve ilat marugi neteme, iyi umnavan ra nūrūsū laū memnesorugi nemĭndog; ĭm pol sugkū otūmagesi, umanūwi, memagkū. Ya ōmentorĭleki ra nimo sorūg, mori yaū memnewi. 25Im pol sugkū umampelum umagesi netīora ĭm netovtam. 26Miyi ōmampemontōrora ōvun naviatindi seven mōmū dal iyi, mōmū ĭtokovuki iran; mirora ūmampe ūnisog mantendōwi yūi; ĭm ra nisah neteme mori mōmū ĭtokovuki ra nōbūm.

27Im pol sugkū iyi yemenūwi imosū sī nasiven ra ōvun numpūnlō yemenūwisah, memokū, Nevīeves netnĭn mori yivi kĭk, ĭm nin yemampūni. 28Kō, iyi yemenūwi, memokū, Nevīeves mōmū irora mori ūmandĭgi nam isen, Nōbū, mumnalekoleki.

29Im pol sugkū ōvun tentūrū dūmūtūramtokonda iyi yematipotni worenūwi, memokū, Imo palsi sat; irora ūmnesorugi sī safi, motūampunora sī safi, Yōna wokon; 30ĭt iyi Yōna yeti safi iranda ōveteme Nĭneve, Netni isen neteme sugkū, iranda ra imo palsi. 31Sī nasemnalam ra nūrū empak amsorasah ra nūrian dal ōveteme ra imo palsi menumpi irora noworepatevi; ĭt iyi yivelum, yemne ra navlūtni nemap, wororigi nam nōĭntan isen Solomon; ĭm sī ĭgko mōmū horog ra Solomon. 32Oveteme Nĭneve wontūok ra nūrian, dal imo palsi, wonumpi irora noworepatevi; ĭt irora dūmūvīeves nōwanda ra nam Yōna yemtorenūwi; ĭm sī ĭgko mōmū horog ra Yōna.

33Tawi sī penuri iyi otūgon lamp antiumpeni, kū antipe ūnisog eī nūrah; Iyi antipe ra woretipe nimsin ma irora umampelum ūnisog wagesi nilara. 34Lamp ra nokolisiran, nipmi; ĭm pol sugkū nimtum aremi, nokolisiram omwisū woneliugesi; ĭm nagkū ūr, nokolisiram alebokevat. 35Popowo imo sugkū, efĭnte ma nilara ūnisog kĭk, tawi nelebokevat. 36Im nagkū nokolĭsiram omwisū woneliugesi, ĭm tawi sī nugkon onelebōkevat, omwisū woneliugesisū, sugkū lamp, pol sugkū umneliugesisū irami.

37Im polekū iyi yemenūwi, sī Faresi yemtagkeli, memokū iyi ampag nandū. Im Iesū yive ūnisog memtesĭgi. 38Iyi Faresi mori yemokesi, memavlugi popowo iyi yetūrokilem ĭm penuri ampag. 39Novsūromon yemenūwi pugi, memokū, Itnesog kimi ovun Faresi ūmesentevi kup ĭm plēt, rantan, kō, ratūnisog, kūmovūarigi torefora ĭm satindi. 40Ovun numgī! Iyi mori yemumpi tan, yemumpi ratūnisog, kū? 41Kō, mōmū aremi kĭini kwonumpelēves iranda ōvun narumkor ugi imosū kūmantipe; ĭm siemesū wanti sentevives irami.

42Owi irami ovun Faresi! popowo kūmampugi sīugi ra narolemgosū, mĭnt, ĭm rū, ĭm topavū omwisū sugkū, kō, kūmawi tanepo, ĭm nelintugi Nōbū. Aremi kimi pumpisū imosū, ĭm pūtūwi mori mōmū.

43Owi irami Ovun Faresi! popowo kūmnelintugi ōvun woretesep nūsian aremi ra ovun nimo tavsogi, ĭm ovun nam paū irami ra ōvun nūrū nevasi.

44Owi irami ovun Somūl movun Faresi, ovun nempiri! popowo kimi ovun nokol vamon, oveteme ūmnavan rantan mūtūmagkili ugi.

45Im sī neteme Somūl yemtamsi memenūwi pugi, memokū, Tavsogi, kemanūwi imosū memamprilugkam sugkū. 46Miyi yemenūwi, memokū, Owi irami sugkū, ōvun Somūl; popōwo kūmnelĭleki iranda ōveteme ugi ōvun numpohentom tamas, ĭm kimi kūtūonelekavi ōvun numpohentom mori ugi sī dugorugomi. 47Owī irami! popōwo kūmnumpi ōvun nemaprĭmpora isenda ōvun profet, ĭm ritemene soremi dūmūtalokonda. 48Itnesog, kūmūsepen numpūvsok, mūmagkū ōvun numpūrah isenda ritemime soremi aremi; ĭt irora dūmūtalokonda ōvun profet ĭm kimi kūmnumpi nemaprimpora nisekonda, 49Popōwo imosū sugkū, Iyi mori Numpūn-Nelekon isen Nōbū, yemenūwi, memokū,

50Ya ontamūlora ōvun profet, mōvun apostol punora, ĭm nugkon irora wontalokonda, mampīesesat; ma onesorugi marugi imo palsi desū isenda ōvun profet mori dūmūrūnwosīlĭgi marugi natipotni nemap; 51marugi de isen Ebel mefeli ra de isen Sakarīa, dūmūtalugi iyi ĭlebōteven nefati ĭm nimo tumpora; ĭtnesog, umanūwi pugkūm, memagkū onesorūgisū marugi imo palsi.

52Owī irami ōvun Somūl! popōwo kūmūvī ki ra nōĭntanves; kimi kūtūve ūnisog, mirora mori dūmūvelum, mūmōkū irora wampe ūnisog, kūtūwi irora woreve.

53Im pol sugkū iyi yemenūwi imosū punora, Ovun Somūl, mōvun Faresi, dūatipotni woretampi iyi, mūmōkū iyi anūwi magkū ugi sikat; 54mirora dūmatekĭsah iran mūmōkū wosenteri nam isen, monirūara iran.

Currently Selected:

Luk 11: ERGNT79

Highlight

Copy