Luk 10

1Penūri imosū iyi Novsūromon yemtampolora seventi, memtomūlora dūrūgo worōbūm iran ra sĭti sū, ĭm nūrūsū iyi yemokū ampewi. 2Miyi yemenūwi punora, memokū, Novūan tamas, kō, oveteme woralekon, tawi sikat; wosenigi Novsūromon, isen novūan, mōkū iyi ontelielora ovun torugat ra denūok isen.

3Uve; ūrĭgi; ya umentamūlōkūm sugkū ovun lam ra ovun wūlf. 4Utūriuki woretatevote, kū vēyū, kū woravan; mūtūam punora ūselat. 5Ra sī nimo kwonĭn-torĭmpewi, ūnūwi mampūm, mōkū, Eti nĭnparata irami; 6ĭm nagkū ninparata ūnōwanda, nĭnparata soremi antendōwi iranda ĭm nagkū tawi, ōmontorĭleki pugkūm. 7Utendōwi ra nimo mori, woni, mūmoneki imosū wampugkūm; popōwo aremi worovugi neteme torugat nipmi isen. Utūavan ra nimosū. 8Im nimote sī kū sī kwonĭntorĭmpewi ūnisog, nagkū wontōrokūm, woni imo wantipe ra nokorami. 9Umkoroĭgives ōvun namarat ūnisog mori, mūnūwi punora, mōkū, Lō isen Nōbū okovelum potipot pugkūm. 10Im nimote sī kū sī kwonĭntorĭmpewi ūnisog, mirora ūtūontōrokūm, pol sugkū kwampe ilat ra ūntemne, ūnūwi, memōkū, 11Navivon ra nimote soremi mori umamplesi kam, ka kemlenesemperi irami; kō, ukili imo, Lō isen Nōbū okovelum potipot.

12Kō, ya umanūwi pugkūm, memagkū, Anti ĭtemelepon ra Sodom, ra imo dan, mōmū ra nimōte mori.

13Owi iram, Korasĭn! Owi iram, Betsĭda! popōwo ōvun numpūrah horog umnumpi irami, nagkū pūpmūmnumpi sugkū ra Tīrus ĭm Sīdon, irora pūvīeves nowanda ĭtetūī, ĭm pivarugi némas nyielugelug, ĭm pitesep ra mugkebū. 14Kō, anti mōmū vilik iran Tīrus ĭm Sīdon ra nūrian, ĭm mōmū tamas irami.

15Im kĭk Kapernaum, yemetipesah mefeli ra pokōp, ontalepasisep ra neswate.

16Iyi sī umandĭgi kimi, umandĭgi yaū; miyi sī umagesĭndi kĭmi, umagesĭndi yaū; miyi sī umagesĭndi yaū, umagesĭndi iyi mori yemtamūli yaū.

17Mirora seventi dūmūtorĭleki ugi navos, mūmūnūwi, mūmōkū, Novsūromon, ovun naviatindi, irora sugkū, ra mumpon kam, ra nin sorum. 18Miyi yemenūwi punora, memokū, Ya okesi Sētan umol sugkū turepis marugi pokōp. 19Urĭgi, ya umampugkūm nempasiwugi worōwī iranda ovun neskil, mōvun skorpion, miran horog omwisū isen Novsen nakan; ĭm tawi sī se sī antipe nesorū irami. 20Kō, ūtūavos ugi imo, popōwo ōvun naviatindi ra mumpon kĭmi; wavosavos popōwo yemetīyi nin soremi ūnpokōp. 21Ra nempugon mori Iesū yemevootoat ra naviat, memenūwi, memokū, Kompalugi, Nate, Novsūromon pokōp mūnemap ma kemetiumpeni iinosū marokonda ovun Somūl, mōvun nōĭntanwi, memsesisū punora ōvalalaū; oo, Nate, popowo kemokū aremi sugkū ūnĭmtum. 22Itemen sorūg yemovoyaū siemesū; ĭm tawi sī umagkili Netni, Itemen wokon; kū Itemen, Netni wokon, ĭm sī kū sī mori Netni asepen agkū woresesi pugi. 23Miyi yemelagkaū memokesora ōvun nūrie isen, memenūwi punora, irorago, memokū, Nevīeves niminda mori ūmagesi imosū kūmagesi; 24ĭt ya umanūwi pugkūm, memagkū, Ovun profet sikat, mōvum natemonok ra nūsian dūmakīugi worokesi imosū kūmagesi mirora dūtōkesi, memorĭgi imosū kūmandĭgi mūtūrĭgi. 25Im sī neteme Somūl yemtūok, memokū ontampi iyi, memtagkeli, memokū, Tavsogi, Ya onumpi sie worevi nomūrep ūbrūni? 26Miyi yemtagkeli, memokū, Yemetīyi sie ra ōvun selnivi nam? Kĭk emasepi, memagkū sie?

27Miyi Yemtamsi memenūwi, memokū, Konelintugi Novsūromon Nōbū sorum, ugi pōwam omwisū, mugi naviat sorum omwisū, mugi horog omwisū sorum, mugi tarūsū sorum omwisū; ĭm numpūnaram sugkū kĭk pe kĭk. 28Miyi yōmenūwi pugi, memokū, konūwi ves; umpi sugkū ĭm kĭk amūrep.

29Miyi yemokū asepen numpi iyi tanepo, mōĭmtagkeli Iesū, memokū, Im mē numpūnarag. 30Iēsū, yōĭmtamsi memenūwi, memokū, Sī neteme yemne ra Yerūsalem miyep ra Yeriko, memumol ra ovun nokolag, mirora dūmūvī parugi omwisū, mūmūtipe toris iran, mūmūve, mūwi worumti nesumsah. 31Im sī neteme sakrefis yemyep yūi, memtanepugon iyi, memelani. 32Im sī neteme Livĭ sugkū, yivelum, memokesi, memelani. 33Im sī neteme Samēria yemavango memtanepugon, memosentogesoveli iyi, mempe pugi, 34memēeti nokolisiran mori yorovag memavūi ugi dumpon im win, memuriuki, memetipe ran tan nūrah isen, memtōri ra simanlō, memtapmet, iran. 35Im rat mran pol sugkū yemokū ampe, iyi yivi dūrū peni, memovugi neteme isen simanlō, memenūwi pugi, memokū, Tapmet iran, ĭm nagkū kampugi momū, pol sugkū ya umampelum ya ōmampunok. 36Kemagkūo? Mē iyi ra irora desel numpūnaran isen neteme mori yumol ra ovun nokolag? 37Miyi yemenūwi, memokū, Iyi mori yemtogesoveli iran. Im Iesū yōmenūwi pugi, memokū, kĭk, eve, mumpi sugkū.

38Mirora dūmūve, miyi yĭntorimpe ra sī nimote, ĭm sī nasiven, nin isen Marta, yemtori iyi ūnisog nimo isen; 39avensi isen, Mēri, miyi yemesepen netesep ra noan isen Iesū, mempendugugi nam isen. 40Kō, Marta yemetovatarūgi sieme sikat; miyi yemetūrū potipot iyi, memtagkeli, memokū; Novsūromon, kotōkesi kū? avugsi owi yaū ko sī worotorugat. Enūwi pugi, mokū iyi onesitū irag. 41Im Iesū yemtamsi memenūwi pugi, memokū, Marta, Marta, kementarūtarū memesepen sokomulepwi ugi sieme sikat; 42kō, siteven aremi, ĭm Mēri yemtampoli imo mori aremi otūampī marugi,

Currently Selected:

Luk 10: ERGNT79

Highlight

Copy