Luk 9

1Miyi yemsemsimokonda ōvun nūrie isen Twelv memovunora nempasiwugi ĭm horog woretevelĭgunora ōv naviatindi sū, memumkororĭgives ovun namarat; 2miyi yemtamūlora, memokū wontorenūwisah nam magkū ugi lō isen Nōbū, monumpi faneteme ovun neturumurō.

3Miyi yemenūwi punora memokū,

Utūvĭ sī se sī nimsin woravan ūselat; tawi woresentūrū, tawi vēyū, tawi yōūp, tawi muni, ĭm tawi semplaūon dūrū nisekomi. 4Nimo kwonĭntorĭmpewi ūnisog, ūtendōwi yūi afeli nempugon kwōmampe marugi. 5Mirora mori ūtūontōrokūm, pol sugkū kimi kūmampe marugi sĭti isenda, ūsemperi navivon marugi noami nĭmsĭn numpūvsok iranda.

6Mirora dūmūve mūmavan ra nimōtesū, mūmūtorenūwi nam navosavos, mūmovkororĭgives ra nūrūsū.

7Im Herod teterarke yemorigi ugi siamesū iyi yemumpi, memfokerarūgi popōwo nugkoneme dūmūnūwi, mūmōkū, Yōane omevsorasah marugi nemas; 8ĭm nugkoneme dūmokū, Elĭya ōmetūratumpeni; ĭm mōmū dūmōkū, Sī potni profet ōmevsorasah. 9Im Herod yemenūwi memokū, Yaū ĭmtantevi numpūn isen Yōane; kō, mē imo ya umandĭgi imosū ugi? Miyi yemakiugi worokesi.

10Mōvun tandeko dūmūtorĭleki, mūmūtampĭgi pugi siamesū horog irora dūmumpi; miyi yemtōrora, irorago, ra sī nūrū ra sĭti, nin Betsīda. 11Im pol sugkū ovun numpun lō dūmōkili, irora dūmūri iyi; miyi yemtōrora memenūwi punora, memokū ugi lō isen Nōbū; mirora dūmamarat horogo yemumkororīgives. 12Im pōarap irora Twelv dūmūvelum pugi mūmūnūwi, mūmōkū, Tenĭmpe ōvun numpūn lō ma irora wampe ra ōvun nimote ĭm nūrūsū nagkaūugi woralēpo, umnesorugi nevag; popowo kos ĭgko ra nūrū wokon. Miyi yemenūwi punora, memokū, Kimi ūvunora woreni. 13Mirora dūōmūnūwi, mūmōkū, Yōūp soremam sĭklem wokon, ĭm nomū dūrū; kū ka kelampe ĭm lampasi nevag nisekonda ovun netevokontū sū? 14Irorasū sugkū oveteme fiv taūsan.

Miyi yōmenūwi punora ōvūn nūrie isen, memokū, Unūwi punora, mōkū wantesep ra natora, fĭftigo. 15Mirora dūmumpi sugkū, dūmumpi omwisū woretesep. 16Miyi yivi yōūp sĭklem mori, ĭm nomū dūrū memelasah ra pokōp memumpalugi, memorūsevi, memorūn novunora ovun nūrie woretipe ra nokorĭnda ōvun netevokontū. 17Mirora dūmoni, yemtalira omwisū. Mirora dūmūsemsimugi ovun nevlugkon nevag mūmūvūarugi veyū twelv.

18Penūri iyi ko sī, memufwaki, movun nūrie, isen dal iyi; miyi yemtagkelora, memokū, Ov numpūn lō ūmanūwi mūmagkū yaū mē? Mirora dūmūtamsi mūmūnūwi, mūmōkū, Yōane, neteme Baptiso; 19ĭm nugkoneme umagkū, Elĭya; ĭm nugkoneme ūmagkū, sī potni profet omevsorasah. 20Miyi yōemtagkelora, memokū, Im Kĭmi kūmagkū yaū mē? Piter yemtamsi, memenūwi memokū, Kristo, isen Nōbū. 21Miyi yemwalivat ūnōwanda, mempasi wokonda, memokū, ūtūanūwi īmo pugi sī; 22mōmenūwi memokū, Itnesog, iyi Netni isen neteme andī gi nesorū ugi siame sikat, mōvateme Talam, mōvun tavsogi tumpora, movun Somūl, wagesĭndi iyi montalugi, ĭm ra dan deselugi iyi ōmamsorasah.

23Miyi yemenūwi punora sū, memokū, Nagkū, sī umagkū iyi onūri yaū, aremi iyi asepenōwi sep iyi mandiuki nēūmparum isen dansū, memnūri yaū. 24It iyi sī umagkū ampiēōwara nomūrep isen ampiugki; miyi sī ampiugki nomūrep isen popowo ugi yaū, ampiēōwara. 25Sie aremi nisekon neteme nagkū, iyi ampī isen nurūsū nūrūsū, masepen neviugki iyi pe iyi, kū asepen nirūara iran? 26It iyi sī onarumprum ugi yau, im nam sorug, Netni isen neteme onarumprum ugi iyi pol sugku iyi onampelum ra nilasilaswi isen, im isen itemen misenda ovun agelo tumpora.

27Itnesog, ya umanūwi, pugkūm memagkū, Nugkoneme mori ūmantūrū īgko, ūtūamas afeli nempugon wagesi lō isen Nōbū.

28Imosū yemetepū, im penūri dansū sugkū ēt, yivi Piter, ĭm Yakōbō ĭm Yōane, mōĭmsah ra numpūo worufwaki. 29Im pol sugkū yemufwaki, yetin sumpoli nipmi isen, ĭm némas eni yeti nesebo im nilasilaswi. 30Im pah, dūam nandū oveteme endūrū, mori Moses ĭm Elīas: 31Mirora dūmūtūratumpeni ugi nilasilaswi, mūmūnūwi ugi nemás isen moko iyi onekompeli sū ra Ierūsalem. 32Kō Piter miroa dal iyi dūmūsela ugi nalēepo: im pol sugkū dūmūelampia, irora dūmokesi nilaslaswi isen, ĭm oveteme endūrū mori dūmūtūr dal iyi. 33Yemetepū, pol sugkū, dūmnarugi, Piter yemenūwi pugi Iesū, memokū, Narisah, aremī kos ke lete ĭgko: aremi ka ke lenumpi ūvrok endesel; sī nīsekom, sī nisekon Moses, im sī nisekon Elīas: yetūkili sie yemenūwi. 34Im pol sugkū yemenūwi imo, sī numpūaū yivelvm, mōĭmtenīsevora: mirora dūmetet polekū numpūaū yemtenisevora. 35Im sī navian yemne marugi numpūaū, memokū, Imo Netūg paū: ūvandegugi iyi. 36Im pol sugkū navian yemenūwi sū dūmokesi Iesū iyi ko sī. Mirora dūmcteteven, mūtūnūwi pugi sī ra dansū mori sī se sī ugi imosū irora dūmōkesi.

37Im rat mran, pol sugkū dūmūyep marugi numpūo, ōvun numpun lō, tentūrū tamas dūmūvtĭt iran. 38Im sī neteme ra irora yemovrugisah, memokū, Tavsogi, ya umnesenugkik, okesi netūg ĭtnataman, ĭt iyi siteven sorūg, 39ĭm sī naviatindi umandūleki, ĭm marimago iyi umamperugisah; mōĭmninatevi iyi, ĭm nakĭk, memawi iyi ugi nukugko, mumnelĭleki iran. 40Im ya osenĭgora ōvun nurie sorum, memokū irora wanteveliguni iyi, mirora tawi faneteme. 41Im Iesū yemtamsi memenūwi memokū; Ah kimi palsi ōvun netūtavniri, mōvun sempia, ya antendōwi dal kĭmi afeli nĭgoi, ĭm nomolsep? Tori netum īgko. 42Im pol sugkū yemumpotipot, neviatĭndi mori yeminatevi, memlaswoni iran; ĭm Iesū yemenūamwūs pugi navĭatindi, memumpi horĭgives nalaū, memovugi itemen isen. 43Im omwisū dūmōvkirĭtwi ra horog ra nūsian isen Nōbū.

44Im polekū omwisū dūmavlugi popowo ugi imosū Iesū yemnumpi, iyi yemenūwi punora ovun nurie isen, memokū, Utipe imo iram ra telugomi.

It iyi netni isen neteme wonempirigi ka nokobenda oveteme.

45Kō, irora dūmūmgiugi imo nam; yemseni marokonda ma sugkū ūtūagkili; mirora dūmūmtetugi woretagkeli igi ugi imo nam.

46Yivelum imo tarū ūnōwanda, mē iyi ra irora ra nūsian. 47Im Iesū yemelavenūri tarū ūnōwanda, memtori sī nalalaū mometipe ra nokoren isen memenūwi punora memokū, 48Iyi sī ontōri imo nalaū ra nin sorūg, ontōri yaū; miyi sī ontōri yaū, ontōri iyi mon yemtamūli yaū; it iyi sī amplūtenū ra kimi omwisū, iyi mori anti ra nūsian.

49Im Yōane yemtamsi memenūwi, memokū, Novsūromon, ka kolokesi sī yetevelugunora ovun naviatindi ra nin sorum, ĭm ka kūnūali pugi, popowo iyi otūmnūri dal kam. 50Im Iesū yemenūwi pugi memokū, Etūnūali; it iyi sī otūmnaverora ovun novsen nakan soret umnavore kos. 51Im pol sugkū yemumpotipot nempugon worevīsah iyi, iyi yemevoli nipmi, memokū ampe ra Yerūsalem; memtainūlora ōvun tandeko worōbūm iran. 52Mirora dūmūve mūmentorīmpe ra sī nimote isenda oveteme Samēria, mūmōkū wosiman nisekon; 53mōveteme dūtūtori iyi, popowo nipmi isen yemevoli ra Yerūsalem. 54Movun nūrie isen, Yakobo im Yōane, dūmōkesi, mūmūtagkeli, mūmōkū, Novsūromon, kemagkū ka kelenempasiwugi nom woriyep amne marugi pokōp matni irora, kū? sugkū Elīya yemumpi. 55Miyi yemelagkaū memenūamwūs punora, memokū, Kĭmi kūtūmagkili nokowo ra naviat soremi; 56ĭt iyi Netni isen neteme yetūvelum woretevavtĭti nomūrep isenda ōveteme kō worumkorēōwara. Mirora dūmūve ra nimote sī.

57Im pol sugkū irora dūmavan ūselat, sī yemenūwi pugi memokū, Narisah, ya onūrok ra nūrū sī kū sī kemagkū kampewi. 58Im Iesū yemenūwi pugi, memokū, ōvun nelni isenda ōvun fokes, mōvun sumpelok isenda ōvun menōk ūnēĭ, kō tawi sī nūrū isen Netni isen neteme woretipewi numpūn. 59Miyi yemenūwi pugi sī mōmū, memokū, Uri yaū: kō, iyi yemenūwi, memokū, Narisah, tenĭmpe yaū mampūn, ma ya ampe ĭm tenemi itemen sorūg. 60Kō, Iesū yemenūwi pugi, memokū, aremī ōvun nemás wontenemi ōvun nemás isenda: kō, kĭk, eve ĭmtorenūwi nam mokū ugi lō isen Nōbū. 61Im sī mōmū yemenūwi, memokū, Ya onūrok, Narisah, kō, mampūm tenĭmpe yaū, ma ya ampe mempasiwokonda ra nimo sorūg. 62Im Iesū yemenūwi pugi, memokū, Sī neteme mori olekavi nokoven pĭlaū, memnelagkaū, iyi tawi aremi nimsin lō isen Nōbū.

Currently Selected:

Luk 9: ERGNT79

Highlight

Copy