Luk 12

1Penūri imosū, pol sugkū ōvun numpūn lō dūmūsepen semsimokonda; tentūrū tamas, mūmavan mūara, iyi yematipotni worenūwi punora ōvun nūrie isen mampūm, memokū, Ufinte kĭmi marugi leven isenda ōvun Faresi, mori nempiri; 2popōwo siemesū ūmeseni wampiatumpeni, ĭm siemesū ūmantiumpeni, wamsok. 3Popōwo imo sugkū, siemesū mori kĭmi kūmūnūwi ra nelebokevat, wandīgisū ra nilara; ĭm imo mori kūmūnūafokefo ūnisog ōvun silebok namon, wontorenūwi ratilat. 4Im ya umanūwi pugkūm, ravūgeme, memagkū, Utūmtetokonda mori ūmuntalugi nokolĭsiran, ĭm penuri, tawi mōmū irora faneteme worumpi. 5Kō, ya umesesi pugkūm iyi mori kĭmi kwamtetugi, Umtetugi, Iyi penuri otalugi, horog woretafugi ra Niswate: monokowo, ya umanuwi pugkum, memagkū, Umtetugi Iyi mori.

6Umampasi ōvun nimpem siklem ugi nugkon peni siteven, kū? motūmentavrĭvri ugi sī ūnĭpmi isen Nōbū. 7Osepisū novlĭmpū ūnumpūmi; popōwo imo sugku, ūtūmtetugi; kĭmi aremī mōmū iranda ōvun nimpem sikat. Im ya umanūwi pugkūm memagkū,

8Iyi sī ontorenūwi yaū ūnimĭnda Oveteme, Netni isen neteme sugkū, ontorenūwi iyi mori ūnimĭnda ōvun agelō isen Nōbū. 9Miyi sī anūaveni yaū ūnimĭnda ōveteme anūaveni iyi ūnimĭnda ōvun agelō isen Nōbū, 10Afielintugi iyi sī anūwi sī nam iran Netni isen neteme; kō otūafieiintugi sī osendōkia iran Naviat Tumpora.

11Pol sugkū wantipe kĭmi ūnisog ōvun nimo tavsogi isenda, mūnimĭnda ōvun narisah mōvun nelepon, ūtūtarūgi nam, kū nokōwo kwantakōsekōs, kū kwanūwi, 12ĭt iyi Naviat Tumpora ampugkūm nam kĭmi kwanūwi ra nempugon mori.

13Im sī neteme ra tentūrū yemenūwi pugi memokū, Tavsogi, enūwi pugi avūgsī mokū iyi ampoyaū nugkon netevote ĭtemenkam yemteuĭmpe pugkam dūrū. 14Miyi yemtagkeli, memokū, Woragi, Mē otipe yaū worūrian nisekomi, kū woretavūrakwagkūm? 15Miyi yōmenūwi punora memokū, Okesi, ūfĭnte kĭmi, mūtūrakĭugi. Pol sugku sī neteme umantipe isen tamas, nomūrep isen otūmamne ra ōvun se isen. 16Miyi yemenūwi punora sī parabel, memokū, Yemtelisū aremi ra ōvūn denūok isen neteme nōete. 17Miyi yemesepen tarū, Ya amsugi? tawi nūrū woretavĭnapon novūan omwisū sorūg. 18Miyi yemesepen enūwi memokū, Ya onumpi imo; ya ontasi ōyun nimo sorūg woretavĭnapon, ĭm ya omenumpi mōmū, Ovun tamas; ĭm ya onalekpn semsimugi mantipe ūnisog ōvun novūan, mōvun se sorūg, omwisū. 19Im ya anūwi pugi naviat sorūg, magkū, Naviat sorūg, otavĭnapon siemesū aremi nĭmsĭn nevisū sikat, emĭndog, meni, momoneki, mavosūwi. 20Kō, Nōbū yemenūwi pugi memokū, Sempia! imo pūmrok ampĭ marugkĭk naviat sorum; mimosū kosimansū anti nisekon mē sī? 21Im iyi sī umentavĭnepon noete nĭsekon iyi, metū tavĭnepon nōete itnesog ūnpokōp, iyi mori sugkū imo neteme nōete. 22Miyi yōmenūwi punora ovun nūrie isen memokū,

Popōwo imo sugkū; ya umanuwi pugkūm, memagkū. Utūtovatarūgi nomūrep soremi, sie kwoneni; kū, ugi nokolisiran, sie kwonevakūmugi. 23Nomūrep mōmū ra nevag, ĭm nokolisiran mōmū ra nemas. 24Weveleveli ovun nokowĭm, irora ūtūmnōwi, mūtūmnalekon semsimugi; tawi, ovun nimo woretavinpon isenda, ĭm Nōbū umnavugunora. Im kĭmi mōmū aremi iranda ovun menūk. 25Mē sī ra kĭmi ugi netovatarugi faneteme woretipe sī kūbĭt ra tantop isen? 26Im nagkū kĭmi kūtūfaneteme worumpi vilik, irasia kūmuntovatarūgi mametora? 27Weyeleveli ōvun novugon lili, ĭrora ūmūnteli nokowo? mūtūmnagalaū, mūtūmampĭ, ĭm ya umanuwi pugkūm, memagkū, Solomon ra nilasilaswi isen omwisū yetūvīugi némas nilaswi sugkū sī ra imosū. 28Im nagkū Nōbū umevarugi topavū: eugkū, mori umante ire, ĭm mran wontovuni ra nom, iyi onevakumugi, kū? Ah! kĭmi en tavniri ūrekis.

29Kimi, ūtūosorūgi, mōkū, sie kwoneni, kū sie kwamoneki mūtūtĭvrevorūi, 30ĭt lōsū ra nemap umnesorugi imosū omwisū; ĭm Itemen soremi umagkili ma imosū sugkū, aremī nisekomi. 31Kō, ūsorugi lō isen Nōbū; ĭm imosū omwisū ampugkūm. 32Semsimak vilik, ūtūmtetugi, popōwo, Itemen, soremi umagkū aremi worovugkūm lō mori. 33Uvasi ōvun se soremi, mūmpelēves ugi; wumpi nĭsekomi ōvun vēyū mori ūtūamtĭmte, nōete ves ūnpokōp mori ūtūampia, ĭm tawi sī numprok umnumpotipot yūi, ĭm ūriven nē ūtūmnumpi ūr; 34popowo ra sī nūrū yūi noete soremi, yūi sugkū, tarūsū soremi. 35Utendōwi netōetĭgi ōvun nelōhelōheva soremi, mōvun lamp soremi ūmneliugesi, 36ĭm kĭmi sugkū oveteme ūmuntevetūi natemonok isenda, pol sugkū iyi umampelum marugi nempōelah, ontetĭ, ma irora wontīpelah ĭtnum iran. 37Nevĭeves ōvun lĭvsaū mori, pol sugkū Novsūromon ōmampelum agesora ūmuntevetūi iyi. Itnesog, ya umanūwi pugkūm, memagkū, iyi asepen netōetĭgi iyi, monumpi irora woretesĭgi, mampelum, montorugat iranda. 38Im nagkū iyi umampelum yetūnemis pumrok, kū mĭndan umampelum, memagesora sugkū, nevĭeves irora ōvun lĭvsaū mori.

39Ukili imo, nagkū iyi neteme ra nimo pĭpmokili ra nugkon pūmrok neteme numprok pivelum, iyi pevsora ma sugkū iyi otūonevlugi nimo isen. 40Kĭmi sugkū, ūtendōwi tavesves; popowo Netni isen neteme umampelum ra nempugon kūtūmuntarūgi.

41Im Piter yemtagkeli, memokū, Novsūromon, konūwi imo parabel pugkam, kū punora omwisū? 42Novsūromon yemenūwi, memokū, Im mē iyi nivūo tanepo, Im nōĭntanwi Narĭsah isen yemetipe worafĭnte irora ra nimo isen, memavugunora ōvun lĭvsaū isen dansū?

43Nevĭeves nivūo mori nagkū Narisah isen, pol sugkū ōmampelum, agesi iyi umnumpi sugku.

44Itnesog, ya umanūwi pugkūm, memagkū, iyi antipe iyi worivūo ra netevotesū isen.

45Kō nagkū nivūo mori asepen enūwi ūnōwan, memagkū, Narisah sorūg otūvelum, monatipotni woreselatevora ōvun lĭvsaū ĭtovataman mitovasiven dal, memneni, memnamoneki, memaūeteremlū, 46Narisah isen nivūo mori ōmampelum ra dan iyi otūontevetūi, ĭm ra nugkon dan iyi otuagkiliugi, mosentevi iyi, mampugi nipmi isen dal ōvun nempiri. 47Sī lĭvsaū mori yemokili tarū narisah isen, metūsiman, metūumpisugkū tarū isen, onsēlatevi iyi nempugon sikat. 48Miyi sī mori yetūkili, kō, yemumpi imosū aremi woretampenĭgĭ sugkū, onselatevi iyi vilik. Iyi sī yemovugi tamas, ōmenesorugi tamas marugi. Miyi sī dūmūtipe nisekon, wōmontagkeli mōmū.

49Yaū ĭmpelum mēmokū antipe nom ra nemap; ĭm ya amsugi nagkū otūgon marima? 50Kō sī baptisma ambaptiso yaū ugi; ĭm ya umasepen sokomulepwi afeli nempugon onokompelisū. 51Kūmagkū yaū ĭmpelum woretipe ninparata ra nemap kū? Ya umanūwi pugkūm, memagkū, tawi sugkū; 52kō, nemlag; popōwo marugi imo nempugon wamlag irora ūnisog sī nimo, siklem irorasū, ĭm ra sī nugkon, desel, ĭm ra sī, dūrū; 53Itemen ĭm netni isen ĭtnataman wamlag; dineme ĭm netni isen itnasiven; ĭm dĭnemam ĭm rovugon, wamlag sugkū.

54Miyi yomenūwi punora ōvun tentūrū, memokū, Pol sugkū kūmagesi nakop umisah ra neleompeni, marimago kumanūwi, magkū, ampĭp, im anti sugkū. 55Im pol sugkū natūga, kūmanūwi, mūmagkū, onen; ĭm anti sugkū. 56Ovun nempiri, kūmagkili ugi pokōp ĭm tan nemap; kō, Kĭmi kūtūmagkili imo nempugon, nokowo? 57Irasie kimi kūtūmasepen tarū ves? 58Im pol sugkū kemampe nandū novsen nakan sorum pugi natemonok osenigi ūselat, mokū iyi ontenĭmpe kĭk, mōtūontōrok pugi natemonok nūrian, miyi natemonok nūrian onteĭmpe kĭk pugi nivūo isen, miyi nivūo osumpatamtugkĭk ūnisog nimo nugkugko. 59Ya umanūwi pugkūm, memagkū, kĭk otūōmantūratumpeni ilat afeli nempugon kontarapenĭgi omwisū.

Currently Selected:

Luk 12: ERGNT79

Highlight

Copy