Luk 1
1
1Tiofilus numposeti, sikat umasepen umprokotīyi nam mūmagkū irora wantipe ra natora ugi imosū kos kemlentavnirĭgisu, 2sugku oveteme mori dūpmōkesisū, 3mūmūti ovun nivūo ugi nam marugi nati-potni, mūmū-vug kam; yaū sugkū mokū aremi, ĭt yaū mokilisū ugi siemesū marugi nempugon ra nōbūm, 4woretĭyisū ra natora nisekom ma kĭk agkilisū itnesog ugi imosū dūmū tavsog kĭk ugi sū. 5Ra dansū mori Herod natemonok ra nūsian Yūdia, sī neteme tumpora, nin isen Sakarĭas, miyi dal ovun nesitūesitū isen Abia, im retepon isen yemne ra ovun netnime ĭtovasiven isen Eron, nin isen Elĭsabet. 6Mirora dūrū tanepo wokon ūnĭpmi isen Nōbū mūmnalekoleki ovun selnivi nam, movun nam alam omwisū isen Novsūromon mūtūareki. 7Im tawi sī netni isenda, ĭt Elĭsabet ūmlat, Im nevisū sikat iranda dūrū.
8Miyi yemumpi sakrefis ūnĭpmi isen Nōbū dal ovun nesitūesitū mori, ovun numpi sakrefis dūmnumpi sugkū, 9mūmūtipe iyi mūmōkū atni siame nempeneves ūnisog silebōkeves tumpora isen Novsūromon. 10Im semsimak omwisū ra ov netevokontū dūmūfwaki ilat ra nempugon netnasūsah. 11Im sī nagelō isen Novsūromon vemetūratumpeni pugi, memetūrūgo ra nokoren meves nefati woretnasūsah. 12Sakarĭas yemokesi memēompele memetet. 13Miyi nagelō yemenūwi pugi memokū, Sakarĭas, etūmtetugi, ĭt origi nesenog sorum, ĭm Elĭsabet retepmi ampi sī netni ĭtnataman sorum, 14konatov nin isen magkū, Yōane. Im kĭk onavos, ĭm sikat wonavos ugi numprokomol isen. 15Miyi anti nūsian ūnĭpmi isen Novsūromon. Miyi otūamoneki win kū kava, mampūarugi Naviat Tumpora marugi netnĭn dineme isen. 16Miyi ontorora ovun netnime Isrēel sikat pugi Novsūromon Nōbū isenda. 17Miyi opmampūm ūnĭpmi isen ugi naviat ĭni horog isen Elīya, magkū ampoli nowanda ovun Itemenda punora ovun netnime isenda, movun netmime mori ūtūroasendiuki nam; ra nelekon isenda ovun tanepo magkū ontōrora, lō sī ugi tarūsū ĭtevaū ūnōwanda, mori wanteme emetugives Novsūromon.
18Im Sakarīas yemtagkeli nagelō memokū, Ya agkili imo nokowo? It yaū numpūmetūo, Im retĭg, nevisū sikat iran. 19Miyi nagelō yemtamsi memenūwi pugi memokū, Yaū Kabriel, ya umantūrū potipot ūnĭpmi isen Nōbū, Im okotamūli yaū worenūwi pugkĭk, mesesi pugkĭk imo nam navosavos. 20Im kĭk anti nowampat, im tawi faneteme woram, afeli dan wonokompelisū imosū, popowo kotūtavnirĭgi nam sorūg mori wonampesogsū ra sī dan.
21Mov netevokontū dūmūtevetūi Sakarīas, mūmavlugi ma iyi yemetendōwi nempugon tantop ūnisog silebō-keves tumpora. 22Im pol sugkū iyi yōmetūratumpeni ilat iyi tawi faneteme woram punora; mirora dūmūkili ma iyi yemokesi sī nilasĭvrovora ūnisog silebōkeves tumpora. 23Miyi yemalevi niminda mematepū. Im pol sugkū iyi yemekompeli dansū isen woretorugat, iyi yive ra nimo isen.
24Penūri dan sū mori, Elĭsabet retepon isen isar, memesepen nelesakapūn itīs sĭklĭm, memenūwi memokū, 25Iyi Novsūromon yemokesives irag, memokū ampĭpelah narumprum sorūg ūnimĭnda oveteme.
26Itīs sĭklĭm mesikĭugi Iehōva yemtamūli Kabriel ra sī sĭti ra Kalĭli, nin Nasaret, pugi sī ĭtnumpōkon mori yeteventerugi sī neteme, nin isen Yosef, 27iyi yemne ra Dēvĭd; nin ĭtnumpōkon, Mēri. 28Miyi nagelō yivelum pugi ūnisog memenūwi memokū, Kĭk e paū; kĭk nevĭeves, Novsūromon nandū kĭk; kĭk nevĭeves ūniminda ōvasiven. 29Miyi yemokesi memēōmpelĭgi nam isen, memtarūgi, sugkū sie nam paū mori. 30Miyi nagelō yōmeūwi pugi, memokū, Mēri, etūmtetugi, Nōbū okesokves. 31Orĭgi, Kĭk ampi ūnetnĭn sorum mamprokomol sī netni ĭtnataman, Im konatov nin isen magkū, IESU.
32Iyi anti ra nūsian, wanūwi ugi magkū, NETNI ISEN TANTEVAKEPE. 33Im Iehōva Nōbū ampugi potnūmputūo isen Dēvĭd, itemen isen; miyi onarisah iranda mori dūmne ra Yakob, ra palsisū; Im lō isen ūtūamwi.
34Mēri yemtagkeli nagelō, meruokū, Imo anti nokowo, it ya otūkili nataman?
35Miyi nagelō yemtamsi memenūwi pugi memokū, Naviat Tumpora ampelum iram, im horog isen Tantevakepe onamolen iram, im popowo anti sugkū, wanūwi magkū ugi imo tumpora kĭkanti, NETNI ISEN NOBU. 36Origi, Elĭsabet, apmisī okotandiokumpōh ugi sī netni ĭtnataman ra numpūmetūō isen, im imo itĭs mesikīugi iran iyi dūmūnūwi mūmōkū ūmlat; 37ĭt iyi Nōbū ra nūsian go sū onakompelisū nam isen.
38Im Mēri yōmenūwi memokū, Yaū nasiven, torugat isen Novsūromon, etinumpi irag sugkūū nam sorum. Miyi nagelō yive marugi.
39Ra dansū mori Mēri yemtūok mevugovag ra sī nūrū tampūntap, ra sī sĭti ra Yūda, 40mempe ūnisog nimo isen Sakarīas, mempasiwugi Elĭsabet. 41Im pol sugkū Elĭsabet yemorigi nam paū isen Mēri, nalaū yemwīok ūnetnĭn isen, 42ĭm Elĭsabet yemovuarugi Naviat Tumpora, memenūwi ugi naviansah memokū,
Kĭk nevīeves ūnimĭnda ōvasiven, ĭm nevĭeves nalaū ūnetnĭn sorum. 43Im nokowo imo irag ma dineme isen Novsūromon sorūg okevelum po yaū? 44It nempugon pol sugkū naviam oketĭ telugūg, nalaū okowĭok ūnetnĭg ugi navos. 45Im nevīeves iyi mori otavnirĭgi popōwo wonokompelisū imosū Novsūromon onūwi pugi. 46Im Mēri yenienūwi memokū;
Ya ūmampietivesep Novsūromon ūnōwag,
47Im naviat sorūg umnavosavos ugi Nōbū Nēōwara sorūg,
48It iyi yemokesi narumkor sorūg, nasiven torugat isen;
Marugi nempugon marima palsi sū wampīeves yaū;
49It iyi mori ra nūsian umpi aremi tamas nĭsekog:
Nin isen tumpora.
50Im togesoveli isen iranda-sū mori ūmamtetugi iyi,
Marugi palsi ra palsi,
51Iyi umpi ōv numpūrah tamas ugi nĭlepon nokoven isen;
Iyi aseviokonda ovun niaūiaū ra netevotarusū ūnōwanda.
52Iyi oketalepasisep ovun horogisah marugi ovun potnumpūtūo isenda,
Memetipesah ovun noramel;
53Memtalira ovun temas ugi siamesū aremī,
Memtamūlora ovun noete wokon.
54Iyi avori Isrēel lĭvsaū isen,
Memokū onentemi togesoveli isen;
55Mori iyi yemenūwi punora ritemendeme soret,
Ebraham, movun netnĭndeme isen ra palsi sū.
56Im Mēri yemetendōwi nandū iyi itĭs endesel, memtorĭleki isenwi.
57Isūma dansū isen Elĭsabet worevi netni, miyi yivi netni ĭtnataman. 58Movun numpūranda ĭm raveneme dūmūrĭgi nam, Novsūromon yemumpi ōv numpelēves tamas nisekon; mirora dūmavoswi dal iyi. 59Im ra dan sĭklem deselugi irora dūmūvelum mūmōkū wonumpi namon iran nalaū, mūmatovnin isen mūmōkū ugi itemen, Sakarīas. 60Im deneme isen yemtamsi memenūwi memokū, Tawi; Kwonatovnin isen magkū, Yōane. 61Mirora dūomūnūwi pugi mūmokū, Tawi sī ra irora rapmime dūpmatovnin isenda mūmōkū sugkū. 62Mirora dūmalevi nipmi itemen isen, mūmōkū wagkili iyi onatovnin isen magkū mē. 63Miyi yemtagkeli selēt metīyi nam memokū, Yōane nin isen. Mirora sū dūmavlugi. 64Marimago itĭpelah naveran, memsūli sĭlūamen, miyi yemenūwi memumpalugi ves iran Nōbū.
65Im omwisū mori dūmūtendōwi nagkaū wokonda dūmamtetugi; im ra nūrūsū tampūntap ra Yūda, dūmūsepen enūri mūmōkū ugi imosū. 66Im omwisū mori dūmūrĭgi dūmentemi, mūmūsepen tagkelora, mūmōkū, Mē imo nalaū? Im nokoven isen Novsūromon nandū iyi. 67Im Sakarīas, itemen isen yemovūarugi Naviat Tumpora, memenūwi memokū;
68Nevĭeves Novsūromon, Nōbū isen Isrēel,
It iyi otopotnemora mokū amkorēōwara netevokontū isen,
69Metipesah sī nĭmpati nēōwara nĭsekont
Ra nimo isen Dēvĭd lĭvsaū isen;
70Sugkū nam mori iyi yemenūwi ugi naveranda ovun profet tumpora isen marugi ra nōbūm,
71Memokū, amkosēōwara marokonda ovun novsen nakan soret, ĭm nokovenda omwisū umnakan pug kos;
72Monokompelisū togesoveli nisekonda ritemendeme soret;
Monentemi nam ūnam tumpora isen;
73Nam ūnam mori iyi yepmievūos pugi
Ebraham ĭtemen soret,
74Memokū iyi amkosēōwara marugi nokovenda ōven novsen nakan soret,
Mōmampugkos nĭnparata, ma sugkū kos kelentorugat iran ugi sentevives ūnōwant,
75Im tanepo ūnĭpmi isen dansū omwisū soret.
76Im kĭk, nalaū, wanūwi magkū, kĭk Profet isen Tantevakepe;
It kĭk opmampūm ūnĭpmi isen Novsūromon, magkū ontĭ ovun selat isen,
77Montavsokonda netevokontū isen nēōwara
Ugi nefielentugi sat sū isenda,
78Ugi nōsen togesoveli isen Nōbū soret;
Potnilara marugi pokūp otopotnemekos ugi imosū,
79Mokū ampunora nilara, mori ūmantesep ra nelebokevat ĭm namolĭn nēmas,
Montōrokos ra selat ninparata.
80Miyi nalaū yemalam, memtorugat ra naviat isen, memetendōwi ra ovun nūrū wokon mefeli dan iyi yōmetūratumpeni ūnimĭnda lō Isrēel.
Currently Selected:
Luk 1: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
