Mark 16

1Isūma danemĭndog Mēri Makdaleni, ĭm Mēri dineme eni Yakōbō ĭm Salomi dūvasigi ōvim nūrah sū mampen e ves mō mūve woresoveli nokolisiran eni. 2Im pol sugkū yumti dan ran danemĭndog mampūm ĭtevaū pol sugkū nĭpminen yemtūok irora dūmūvelum ra veli. 3Mirora dūmūnūwi punora mūmokū, Mē onevolevoli nevat marugi nūgon veli nĭsekont? 4Mirora dūmokesi ma nevat mori yeti nevolevoli pelah; ĭt nevat mori yeti tamas. 5Im pol sugkū dūmĭntorimpe ra veli dūmokesi sĭ neviarep miyi yeme esep ra nokoven meves, mevĭugi nemas tantop ĭm nesebo, mihora dūmūmtetugi. 6Miyi yemenūwi punora memokū, Utumtetugi; Kimi Kūmnesorugi Iesū neteme Nasaret, mori dūtalugi iyi ra nē-ūmparum: iyi omevsorasah; iyi tawi ĭgko; okesi nūrū mori irora dūmūtipewi iyi. 7Uve, mūnūwi punora ōvun nūrie eni, ĭm Piter, ma iyi opmampūm irami ra Kalĭli; Kĭmi kwagesi iyi yūi, sugkū iyi yepmenūwi pugkūm. 8Mirora dūmūvugevag ilat mō malo marugi veletenemi, mirora dūmūvūkūrkūra, mirora dūmūtūnūwi nam pugi sĭ ĭt irora dūmamtetugi. 9Miyi yemovsorosah numti dan ran danemĭndog mampūm miyi yetūratumpeni mampūm pugi Mēri Makdaleni, marugi mori iyi yemetevelĭgora ōvun nagelō sat seven; 10Miyi yive mōmenūwi punora mori dūpmūte dal iyi, dūmūrĭgumpūnū mom ageri. 11Mirora pol sugkū dūmurĭgi nam ma iyi yōmūmūrep miyi Mēri yemokesi, irora dūtūtavnirĭgi.

12Penūri imosū, iyi yemesepen netūratumpeni iyi pugi ōveteme endūrū polekū irora dūmavan devsego nūrū ĭmpe miyi yetin sumpoli; 13Mirora dūrū dūmūve mōmūnūwi punora mori dūtūrĭgi: Kō irora mori dūtū tavnirigi. 14Penūri pol sugkū irora dūmūtesĭgi iyi yemesepen netūratumpeni punora Eleven, miyi yemevriuri irora popōwo irora dūmūtūtavnirigi ĭm popōwo nowanda nugkugko, popōwo irora dūmūtūtavnirigi irorasū mori dūmokesi iyi, miyi yeti nevsorosah. 15Miyi yemenūwi punora memokū, Uve kĭmi ra nūrūsū nūrūsū ra nemap omwisū mōmūtorenūwisah nam navosavos punora fan omwisū.

16Iyi sĭ mori ontavnirigi mō mampi baptisma iran, anti neviēōwara iyi; miyi sĭ mori otū ontavniri anti noworepatevi tovūni nemás. 17Mōvun safi wonūrora mori wontavnirigi ima sū; irora wontaveligunora ōvun naviatindi ra nin enyaū mirora wanūwi gi ōvun nĭluamen ĭtevaū. 18Mirora wandiukisah ōvun neskil; ĭm nagkū irora womoneki sī en tie sĭ mori onumpi nemás pe mori otū ontalokonda; mirora wantipe nokovenda iranda ōvun namarat mirora wampī horĭgeves. 19Miyi Narisah pol sugkū yemenūwi aveni punora yeti nevĭsah ūnpokūp, mō metesep ra nokoven meves eni Iehōva. 20Mirora pol sugkū dū mūve dūmuntorenūwisah ra nūrūsū nūrūsū, miyi Novsjīromon yemnesitū iranda, mō mumpi nam worampelesi ugi ōvun safi mori dūmūri. Amen.

Currently Selected:

Mark 16: ERGNT79

Highlight

Copy