Yoane 6

1Penūri imosū Iesū yive memtavogones ran tok Kalĭli, mori Tĭbirius; 2ĭm sī numpūn lō tamas dūmūri, popōwo irora dūmōkesi ōvun numpūrah horog mori Iyi yemumpi iranda ōvun namarat. 3Im Iesū yivesah ra numpūo, memetesep yūi dal ōvun nūrie eni. 4Paska, sī narĭgari enirora oveteme Isrēel, yemumpotipot. 5Iesū yemelagkaū memokesora numpūn lō tamas dūmūvelum pugi miyi yemtagkeli Fĭlĭp, memokū, Ia kos kwampasi yōūp nisekonda mori? 6Miyi yemokū ontapmilap iyi; ĭt Iyi yemokili sie Iyi onumpi. 7Fĭlĭp yemtamsi memenūwi pugi, memokū, Utūampasi ugi ōvun peni tū hunder, yōūp nĭsekonda omwisū ma irorasū wampī nugkon mōmū virok. 8Sī ra irora ōvun nūrie eni, Anderū, avensi eni Sīmon Piter, yemenūwi pugi, memokū, 9Sī nalaū Igko, yōūp barli sūkrĭm isen, ĭm dūrū nomū overok, kō, sie imo virok woretavūrak wokonda oveteme sikat. 10Iesū yemenūwi, memokū, Umpasewokonda oveteme mūtesep. Novo telemte ra nūrū omwisū yūi. Mōveteme dūmūtesep, irorasū sugkū fiv taūsan. 11Im Iesū yivi yōūp mori, memumpalugi, memetavūrakwokonda ōvūn nūrie eni, mōvun nūrie mori dūmūvunora dūmūtesep; ĭm nomū sugkū irora dūmakiūgi. 12Im pol sugkū yemtalira Iyi yemenūwi punora ōvun nūrie eni memokū, Walekon semsimugi ōvun nevlugkon nevag ma ūtūagkini sī. 13Mirora dūmalekon semsimugi mūmūvūara ōvun vēyū twelv ugi ōvun nevlugkon mori, marugi yōūp barli fiv mori, dūmūwi penūri omwisū dūmoni. 14Im pol sugkū oveteme mori dūmōkesi numpūrah horog Iesū yemumpi dūmūnūwi, mūmōkū, Itnesog, Iyi Profet mori, Iyi okovelum ra nemap.

15Im pol sugkū Iesū yemesepen nokili ma irora dūmōkū wampelum, monatekĭsah iran, montōri worumpi Natemonok ra nūsian, Iyi yemesepen neve, Iyi kosĭ ra numpūo. 16Pōarap-arap ōvun nūrie eni dūmūiyep wun tok mūmūsuki; 17bōt mūmōkū wontavogones ran tok mōmampe ra Kapernaum. 18Yemporaporap ĭm Iesū yetūvelum punora, yemtokĭntan ugi nūsian nemetagi mori yemelemsi. 19Mirora dūmasūo mĭl en desel kū devat mūmōkesi Iesū yemavan ran tan tok, memwosĭnterewokonda ran tok. Mirora dūmetetugi. 20Kō iyi yemenūwi punora, memokū, Yaū; ūtūmtetugi. 21Mirora dūmōkū wampī Iyi ra bōt, marimago bōt yemsah ĭkerĭ ra nūrū irora dūmūve.

22Im rat mran numpūn lō mori dūmūtūrū nugkon nūmpe dūmōkesi ma tawi sī mōmū bōt yūi, imo siteven mori ōvun nūrie dūmūsuki, mūmūkili ma Iesū yetūve ra mumpon dal ōvun nūrie eni; irora wokon dūmūve. 23Kō ōvun lō ovirok dūmūvelum dūmne ra Tībirius, potipot nūrū mori irora dūmoni yōūp pol sugkū Novsūromon yemumpalugi. 24Im pol sugkū numpūn lō dūmōkesi ma Iesū tawi yūi, ĭm tawi irora ōvum nūrie eni, irora sugkū dūmūsuki ōvun lō mūmūve ra Kapernaum, mūmosorugi Iesū. 25Im pol sugkū dūmōkesi Iyi nugkon nūmpe dūmūtagkeli mūmōkū, Rabī, nĭgoi kokovelum Igko? 26Iesū yemtamsi memenūwi punora, memokū, Itnesog, itnesog, ya umanuwi pugkūm, memagkū, kimi kūmnesorokoyaū, tawi popōwo kūmōkesi ōvun numpūrah horog, kō popōwo kūmoni yōūp ūtalikūm. 27Utūsorugi nevag mori umampia; ūsorugi nevag mori umantendōwi ra nomūrep ūbrūni, mori Netni eni neteme ampugkūm, popōwo Itemen Nōbū, yemetipe safi iran. 28Mirora dūmutagkeli Iyi, mūmōkū, Sie ka kelenumpi worumpi ōvun numpūrah eni Nōbū? 29Iesū yemtamsi memenūwi punora, memokū, Imo numpūrah mori Nōbū umagkū ugi, ma kimi kwontavnirĭgi iran Iyi mori iyi yemtamūli. 30Mirora dūōmūtagkeli, mūmōkū, Im sie numpūrah horog kosesi pugkam ma ka kelagesi ĭm lentavnirĭgi kĭk? Sie numpūrah horog kenanumpi? 31Ritimame dūoni mana ra nūrū wokon; yemetiyi nam, memokū, Iyi yemovunora yōūp marugi pokōp woreni, 32Iesū yemenūwi punora, memokū, Itnesog, itnesog, ya umanūwi pugkūm, memagkū; Mōses yetūvugkūm yōūp mori marugi pokōp; kō Itemen yaū umampug kūm yōūp itnesog marugi pokōp. 33It yōūp eni Nōbū imo mori umeyep marugi pokōp memampunora nomūrep ra nemap. 34Irora dūmūnuwi pugi, mūmōkū, Narisah, ovugkam ĭndōwi imo yōūp. 35Iesū yōmenūwi punora memokū, Yaū yōūp nomūrep mon. Iyi sī umampelum poyaū otūontemas; miyi sī umentavnirigi yaū otūampiumnōk. 36Kō, ya onūwi pugkūm, memokū, kimi kūmagesi yaū, kō kimi kūtūmuntavnirigi. 37Omwisū mori Itemen umampoyaū wampelum poyaū, miyi sī umampelum poyaū yaotūontafugi ratilat. 38Popōwo yaū mēyep marugi pokōp memokū ya otūonumpi sugkū tarū enyaū kō, sugkū tarū eni Iyi mori yemtamūli yaū. 39Im imo tarū eni Iyi Itemen mori yemtamūli yaū, emagkū, ya otūampiugki sī marugi omwisū mori Iyi yemovoyaū, kō, ontōrisah marugi nemás ran dan nisah. 40Miyi mori yemtamūli yaū emagkū, omwisū mori umagesi Netni mūmumtavnirĭgi iran, irorago wampī nomūrep ūbrūni, ĭm ya ontorisah ran dan nisah.

41Oveteme Isrēel dūmūtavuntan Iyi popōwo Iyi yemenūwi, memokū, Yaū yōūp mori yemyep marugi pokōp. 42Mirora dūmūsepen tagkelora, mūmōkū, Iyi Iesū netni eni Yosef, kū? kos kemlagkili itemen eni ĭm dineme, kū ĭ im sie imo iyi umanūwi, memagkū, Yaū mēyep marugi pokōp? 43Popōwo imo sugkū Iesū yemtamsi memenūwi punora, memokū. Utūsepen tavūntami. 44Tawi sī faneteme worevelum poyaū nagkū Itemen mori yemtamūli yaū otūonereveni iyi; ĭm ya ontōrisah ran dan nisah. 45Imo nam ra mumpon ōvun netiyi isenda ōvun Profet, Nōbū ontavsokondasū. Miyi umandĭgi mementavsogi ugi Itemen mori, umam pelum poyaū; 46kō, tawi sī yemokesi Iyi Itemen, Iyi wokon mori yemne ra Nōbū, Iyi yemokesi Itemen. 47Itnesog, itnesog, ya umanuwi pugkūm memagkū, Iyi sī umentavnirĭgi irag umantipe isen nomūrep ūbrūni Yaū yoūp nomūrep. 48-49Ritimeneme soremi dūoni yōūp ra nūrū wokon, mūmas. 50Imo yōūp mori yemyep marugi pokōp ma iyi sī oneni otūamas. 51Yaū yōūp umnomūrep mori yemne ra pokōp; nagkū sī oneni imo yōūp iyi amūrep īndowi; ĭm yōūp mori ya ampugi fan enyaū, mori ya ampugi tovuni nomūrep punora, ra nemap.

52Mōveteme Isrēel dūmūsepen nūrē ūnimĭnda, mūmōkū, Neteme mori ampugkos eni woreni, nokowo? 53Popōwo imo sugkū Iesū yemenūwi punora, memokū, Itnesog, itnesog, ya umanūwi pugkūm, memagkū, Nagkū kimi kūtūoneni fan eni Netni eni neteme mamoneki de eni, kimi kūtūampĭ nomūrep. 54Iyī sī umneni fan enyaū memnamoneki de enyaū umumpī nomūrep ūbrūni, ĭm ya ontorisah iyi ran dan nisah. 55It fan enyaū nevag nevag, itnesog woramoneki. 56Iyi sī umneni fan enyaū memnamoneki de enyaū umantendōwi ra mumpon yaū, ĭm yaū ra mumpon iyi. 57Sugkū Itemen mori umnomūrep yemtamūli yaū, ĭm ya umnomūrep ugi Itemen, iyi sugkū mori umneni yaū amūrep ugi yaū. 58Iyi yōūp mori yemyep marugi pokōp; tawi sugkū ritimeneme mori dūmneni mana, tnūmas. Iyi sī umneni imo yōūp amūrep ūvūm nevisū. 59Miyi yemenūwi imosū ra Kapernaum, pol sugkū Iyi yemtavsokonda ra nimo tavsogi.

60Im sikat ra irora ōvun nūrie eni dūmūrĭgi, mūmūnūwi mūmōkū, Nam nugkugko; mē faneteme worevī. 61Iesū yemesepen nokili ma ōvun nurie eni dūmūtavuntan ugi imo nam, miyi yemtagkelora, memokū, Kūmuntam sal ugi imo, kū? 62Im nagkū kimi kwagesi Netni eni neteme umampe ūnpokōp yūi Iyi yepmetendōwi; 63Iyi Naviat umampugi nomūrep; fan, pe fan wokon Nam mori ya umanūwi pugkūm, naviat ĭm nomūrep. 64Kō nugkon ra kĭmi ūtū mintavnirĭgi. Iesū yemokili marugi ra nōbūm irora mori dūtū mintavnirĭgi, ĭm iyi mori anti nimpirĭgi iyi. 65Im iyi yemenūwi, Popōwo pe ya onūwi pugkūm, ma tawi sī neteme faneteme worevelūm poyaū, nagkū Nate yetūvugi horog woretōri iyi po yaū.

66Marugi nempugon mori sikat ra irora mori dūmnūri Iesū dūmūwi mōmūtūavan dal Iyi. 67Popōwo imo sugkū Iesū yemtagkelora Twelv, memokū, Im kĭmi kūmnakĭugi mampe sugkū, kū? 68Sīmon Piter yemtamsi memenūwi pugi, memokū, Novsūromon, ka kelampe pugi mē? kĭk emantipe sorum nam ugi nomūrep ūbrūni. 69Im ka kemlentavnirigi ĭm lagkili ma kĭk Krĭstō, Netni eni Nōbū umnomūrep. 70Iesū yōmenūwi punora, memokū, Yaūĭmtampoli kĭmi Twelv, kū? ĭm sī ra kĭmi sī diabolo. 71Iyi yemokū ugi Yūdas Iskariot, netni eni Sīmon, ĭt iyi yemesepen nokili ma iyi onempirĭgi Iyi, miyi sī ra irora Twelv.

Currently Selected:

Yoane 6: ERGNT79

Highlight

Copy