Yoane 5

1Penūri imosū sī narigari enirora oveteme Isrēel ĭm Iesū yivesah ra Yerūsalem.

2Ra Yerūsalem sī naūipe ra nugūn nīmpī ra ōvun pugipugi, nin ra Hibrū, Betseda, mōvun silebōk sūkrim ra mumpon. 3Dūmalē ra mumpon imosū semsimak tamas ra ōvun neturumuro, mōvun nĭmtēi, mōvun nokovumti mōvun nōwumti, mōvum nōetet, mūmūtevetūi niokevhap ra nū. 4It sī nagelō yemorūnyep ra naūipe memyoūovhap nū; miyi sī yōbūm yĭntorĭmpe ūnisog penūri niokevhap ra nū yivi horĭgives marugi namarat sī kū sī iran. 5Sī neteme yūi meturumurō nevisū turti ēt. 6Iesū yemokesi yemale memokili ma iyi yemetendōwi sugkū nevisū sikat, memtagkeli memokū, Kĭk emnakīugi horĭgives, kū? 7Neteme neturumuro yemtamsi memenūwi pugi, memokū, Narisah, tawi sī neteme enyaū woretipe yaū ūnisog naūipe pol sugkū, umeyokovhap ra nū; ĭm polekū ya umampelum sī umampūm irag. 8Iesū yemenūwi pugi, memokū, Etūok muriuki nanum enugkĭk, mavan.

9Marimago neteme mori yeti horĭgives memuriuki nanum eni memavan; danemindog.

10Mōveteme Isrēel dūmūnūwi pugi iyi mori yeti horĭgives, memokū, Danemindog, kĭk emandiuki nanum enugkĭk memnareki selnivi. 11Iyi yemenūwi punora, memokū, Iyi mori umpi yaū horĭgives yemenūwi poyaū, memokū, Uriūki nanum enugkĭk, mavan. 12Mirora dūmūtagkeli, mūmōkū, Mē neteme mori onūwi punok, memokū, Uriuki nanum enugkĭk, mavan? 13Miyi mori yeti horigives yetūkili mē iyi mori, īt Iesū yemesepen neve pelah, popōwo numpun lō ra nūrū yūi. 14Penūri imosū Iesū yemokesi iyi mori ūnisog nimo tumpora, memenūwi pugi, memokū, Orĭgi, orugkĭkves. Etūōmenunipi sat, kū en tawi sī se sī mōmū tamas ampelum iram. 15Neteme mori yivelah memenūwi punora oveteme Isrēel, memokū, Iesū yemumpi iyi horĭgives. 16Im popōwo ugi imo ōveteme Isrēel dūmūviesesat Iesū mūmnesorugi mūmōkū wontalugi Iyi, popōwo Iyi yemumpi imo ran danemindog. 17Kō, Iesū yemenūwi punora, memokū, Itemen yaū umnumpūrah mafeli nempugon marima; ĭm ya umnumpūrah sugkū. 18Popōwo ugi imo ōveteme Isrēel dūōmatekisah mūmōkū wontalugi Iyi, Iyi yemaraki selnivi ugi danemindog memenūwi memokū Nōbū Itemen eni, memesepen numpi iyi Nōbū.

19Iesū yemenūwi punora, memokū,

Itnesog, Itnesog, ya umanuwi pugkūm, memagkū, Iyi Netni otūfaneteme woresepen numpi sī se sī; sī se sī Iyi umagesi Itemen umnumpi, Iyi Netni umnumpi siamesū sugkū. 20It iyi Itemen umneliutugi Netni memesesi pugi siamesū Iyi umnumpi; miyi osesi pugi ōvun numpūrah mōmū horog ra imosū ma kimi kwonavlugi. 21It iyi Itemen umentororasah ōvun nemás memafēokondugi nomūrep; Iyi Netni sugkū umampugi sī kū sī nomūrep mori Iyi umagkū ugi. 22It iyi Itemen otūmnūrian iran sī, Iyi yemovugi Netni nūrian omwisū, 23ma ōvetemesū wosesieves iran Netni, sugkū irora umesesiēves iran Itemen. Iyi sī otūmesesiēves iran Netni otūmesiēves iran Itemen mori yemtamsi iyi. 24Itnesog, ĭtnesog, ya umanūwi pugkūm, memagkū, Iyi sī umandĭgi nam enyaū mementavnirĭgi Iyi mori yemtamūli yaū, nomūrep ūbrūni eni, otūonumpi iyi nworepatevi, popōwo iyi yemowi nemás mentorĭmpe ra nomūrep.

25Itnesog, ĭtnesog, ya umanuwi pugkum, memagkū, nempugon umampelum, otanepugon marima, pol sugkū ōvun nemás wandigi navian eni Netni eni Nōbū, mirora mori umandigi wamūrep. 26Nomūrep isen Iyi Itemen, miyi yemovugi Netni nomūrep isen Iyi sugkū. 27Miyi yemovugi horog worumpi nūrian, popōwo Iyi Netni eni neteme. 28Utūavlugi ugi imo, popōwo nempugon ampelum pol sugku omwisū ra ōvun velitenemi wandigi 29navian isen, mirora wantūratumpene ilat; nugkon mori dumumpi ōvun numpūrah aremi, ra nevsorasah tovuni nomūrep; ĭm nugkon mori dumnumpi ōvun numpūrahindi, ra nevsorasah tovuni nemas.

30Yaū wokon tawi faneteme worumpi sī se sī; ya umentarū sugkū ya umandĭgi, ĭm tarū enyaū tanepo, popōwo yo otūmnesorugi siame sugkū tarū enyaū, kō, sugkū tarū eni Itemen mori yemtamūli yaū. 31Nagkū ya umnumpūvsok irag, numpūvsok mori tawi itnesog. 32Umante sī, Iyi umnumpūvsok irag; ĭm ya umagkili ma numpūvsok mori Iyi, umnumpūvsok irag ĭtnesog. 33Kimi kūtamūli pugi Yōane miyi yemumpūvsok irag ugi ĭtnesog. 34Kō, ya otūmumpī numpūvsok irag marokonda ōveteme; kō, ya umanūwi imosū ma kimi kwampi nēōwara. 35Iyi mori Lamp yemeliugesi memeselī, ĭm kimi kūmnagkīugi woravosūwi ra nilara eni. 36Kō, ya umumpī numpūvsok irag mōmū horog ra imo eni Yōane; ōvun numpūrah mori Itemen yemetipe, memokū ya onumpisū, ōvun numpūrah mori ya umnumpi umnumpūvsok irag ma Iyi Itemen yemtamūli yaū. 37Miyi Itemen mori yemtamūli yaū, Iyi yeinumpūvsok irag. Kĭmi kūtūmandĭgi navian eni, kūtūmagesi namonamon iran; 38ĭm nam eni otūmantendōwi ūnisog kimi; popōwo Iyi mori iyi yemtamūli, kimi kūtūmuntavnirĭgi. 39Usorugi fan nam ra mumpon ōvun netiyi tumpora; ĭt kĭmi kūmagkū nomūrep ūbrūni ra mumpon irora nisekomi, mirora mori ūmnumpūvsok ugi yaū. 40Im kimi kūtūmnakiugi worevelum poyaū worevi nomūrep. 41Ya ōtumampī nilasilaswi marokonda ōveteme. 42Kō, ya umagkilokūm ma nelintugi eni Nōbū tawi ūnisog kimi. 43Yaūĭmpelum ra nin eni Itemen yaū; ĭm kimi kūtūmumpī yaū nagkū sī ampelum ra nin eni iyi, kĭmi kwampi iyi. 44Kimi kwontavnirĭgi nokowo? kĭmi kumumpī nevietevisep marugkūm, ĭm kūtūmnesorugi nevietevisep mori umamne ra Nōbū wokon. 45Utōkū ya onoworepatovokūm ūnĭpmi eni Itemen yaū. Umante sī mori umoworepatovokūm, Mōses, iyi mori kūmuntesūo iran. 46Nagkū kimi pūtavnirigi Mōses, kĭmi pūtavnirĭgi yaū, ĭt iyi yemetiyi nam, memokū ugi yaū. 47Kō, nagkū kimi kūtūmuntavnirĭgi ōvun netīyi eni, kwontavnirĭgi nam enyaū nokowo?

Currently Selected:

Yoane 5: ERGNT79

Highlight

Copy