Ovun Apostol 9

1Im Sol yemetevigkerora woretalokonda ovnūrie eni Novsūromon, moĭmpe pugi potni sokowar. 2Memesenĭgi ovnetīyi nisekon memokū osesi punora ra ōvun nimō tavsogi Damaskus memokū iyi ietora sū mori iyi agesora dūmūtavniri ĭtovatemen movasiven. 3Im polekū iyi yomemavan yemumpotipot Damaskus: sī nilara yemovlūselĭ (yemne ra pokop) nagkaūugi iyi. 4Miyi yumol ra nemap memorigi sī navian yemenūwi pugi memokū, Sol, 5Sol, irantie kempīesesat yaū? Miyi yemtagkeli, memokū kĭkemē, Novsūromon! Miyi Novsūromon yōmenūwi pugi memokū yaū Iesū, kĭk emumpīesesat yaū: oti nugkugko iram worowĭ novolĭpmi saū. 6Miyi yumevekūrekūr memovkorĭtiwi yemtagkeli memenūwi memokū, Novsūromon tie kem nakiugi ya onumpi! Miyi Novsūromon yemenūwi pugi memokū, Etūok impe ra sĭti ĭm sī anūwi punok sie konumpi. 7Meveteme dūmavan dal iyi dūmūtūr dūmatepū, dūmūrigi navian kō dūtokesi sī neteme. 8Im Sol yemtūok marugi nemap; ĭm pol sugkū yemelampe yetokesi; mirora dumūlekavi nokoven eni niūmūtori sugkū ra Damaskus. 9Miyi yemete yūi dan desel nimtei, iyi yetūoni metūmoneki. 10Sī nūrie ra Damaskus nin eni Ananīas; Novsūromon yemenūwi pugi ra nilasivovora memokū, Ananīas. Miyi yemenūwi pugi memokū, Okesi yaū igko, Novsūromon. 11Novsūromon yemenūwi pugi memokū etūok mavan ra selat nin Nugko ĭmtagkeli sī neteme Sol neteme Tarsus, ra nimo eni Yūdas, ĭt iyi umnufwaki; 12Miyi yemokesi ugi nilasivrovora sī neteme nin eni Ananīas yivelum ūnisog mometipe nokoven iran ma sugkū iyi ampi nelampalam. 13Im Ananīas yoimtamsi memenūwi memokū, Novsūromon yaū morigi marokonda sikat ugi imo neteme ĭm mov neleleki sikat iyi yemumpi iranda ōvun tumpora ra Yerūsalem: 14miyi okevi marokonda ōvun potni sokowar worēetora omwisū igko mori umnufwaki iram. 15Novsūromon yōmenūwi pugi memokū, Eveve ĭt iyi nūrah yaotampoli nisekūg woruriuki nin ūnĭminda lōsū, movun natemonok, mōveteme Isrēel sugkū: 16ĭt ya kosesi pugi tiame sikat iyi ampi nesorū ugi popōwo ugi nin sorūg. 17Im Ananīas yimpe memtorĭmpc ra nimo memetipe ov nokoven eni iran memenūwi pugi memokū, Avūgsī Sol, Novsūromon, Iesū mori yetūratumpeni punok ra selat kĭmavanwi, okotamūli yaū punok ma kĭk ōmene lampalam mampūarugi Naviat Tumpora. 18Im marimago yemeserem nūrah sugkū nigeven ra nipmi miyi yōmelampalam mōĭmtūok empī baptisma iran. 19Im pol sugkū iyi yivi nevag yemorigi torugat.

Im Sol yemete nugkon dan dal ovnūrie ra Damaskus. 20Marimago iyi yemtorenūwi sah memokū Krĭstō Netni isen Nōbū ra mumpon ōvun nimo tavsogi. 21Kō omwisū mori dūmūrigi dūmavlugi mūmūtagkelora mūmokū, Iyi mori yemokinora mori dūmūfwaki ra nin mori ra Yerūsalem, mokovelum ĭgko memokū onumpi sugkū, worēeti ĭm torora punora ōvun potni sokowar kū? 22Kō Sol yemtorugat mōmū mo mumpi sumpelūlya tarū isenda ōveteme Isrēel mori dūmetĭndowi Damaskus, memsese punora ĭtnesog, ma iyi mori Krĭstō.

23Im penūri dan sikat ōveteme Isrēel dūmaūor ugi mūmokū wontalugi iyi: 24kō Sol yemorigi dūmūsenteri iyi. Mirora dūmavlis ra ōvun puketampet dan ĭm pūmrok mūmokū woretalugi iyi: 25kō ōvun nūrie dūmūvī iyi pūmrok mūmūvkisep ra mumpon woretovi ra nokoren novūvent.

26Im pol sugkū Sol yivelum ra Yerūsalem yemokū iyi onūrie iranda ovnūrie; kō irora sū dūmūmtitugi iyi mūtūtavnirĭgi ma iyi sī ra irora ovnūrie. 27Im Barnabas yivi iyi memtori punora ōvun apostol memenūwi punora memokū ugi nokowo iyi yokesi Novsūromon ra selat, mori yemenūwi pugi, ĭm nokowo ra Damaskus iyi yemtorenūwi sah nam ra nin eni Iesū. 28Miyi yempe ūnisog momemetūratumpeni ratilat dal irora ra Yerūsalem, 29miyi yememūasūmperi nam ra nin eni Iesu Novsūromon: meturamtugi nam enirora ōveteme Helene, mirora dūmokū wontalugi iyi. 30Kō pol sugkū raveneme dūmokili ugi irora dūmūtori ra Sesaria mūmūtamūli iyi ra Tarsus.

31Movun semsimak dūmūte ra ninparata ra nūrū sū Yūdia ĭm Kalĭli ĭm Sameria mūmūteli horog. Im pol sugkū dūmavan ra nimtetugi ves Novsūromon ĭm nelintugi eni Naviat Tumpora mūmūtendam.

32Im Piter yemavan ra nūrū sū yemeyep ra Lidapunora ōvun tumpora mori dūmūtindowi yūi. 33Miyi yemokesi yūi sī neteme nin eni Enias mori yemale ra nevlok eni nevi ēt; miyi yivi namarat palsi. 34Im Piter yemenūwi pugi memokū, Enias, Iesū Krĭstō umnumpi kĭk horigeves; etūok mēeve nevlok enugkĭk. 35Marimago iyi yemtūok. Momwisū ra Lida ĭm Saron dūmokesi iyi dūmūsorugi Novsūromon.

36Im sī nūrie ra Yoppa nin eni Tabisa nalig Dorkas, imo navisen yemnumpi ōvun numpūrak aremī sikat, mov numpelēves. 37Metepō ran dan sū mori iyi yivī ratekomisah. Im Lida potipot Yoppa, movnūrie dūnamarat momas: 38dūmūrowugi mūtipe iyi ra silevck mūrigi Piter yūi, mūmūtamūli dūrū ōveteme pugi mūmūsenigi worovelum itnum punora. Im Piter yemtūok moĭmpe dal irora. 39Im pol sugkū yivelum dūmūtori musah ra silevok ratekomisah: movun ne viumpūwi omwisū dūmūtūr ra nokoren eni mū mageri mūmūsesi ōvun simplaūon movun nemas mori Dorkas yemeteri polekū iyi dal irora. 40Im Piter yemtamūlora sū ratilat, miyi yemseumpūneterin memufwaki, miyi yemtopotnemi nokolisiran memen ūwi memokū, Tabisa, Etūok. Miyi yemelampe; ĭm pol sugkū yemokesi Piter yemtūok metesep.

41Miyi yemovugi nokoven memtūki sah iyi; ĭm pol sugkū yemovrokonda ōvun tumpora neviumpuwi yemetipe iyi ūniminda nomūrep. 42Narĭgi yemokompeligi Yoppa omwisū, ĭm sikat dūmūtavnirĭgi iran Novsūromon. 43Miyi yemete dan sikat ra Yoppa, ūndū Simon taner.

Currently Selected:

Ovun Apostol 9: ERGNT79

Highlight

Copy