Ovun Apostol 10

1Sī neteme ra Sesaria nin isen Kornilius sentūrion isenda telien lō mori dūmne ra Itali, 2neteme aremī mori, yemtetugi ves Nōbū mirora sū ramumpon nimo isen sugkū miyi yemorun numpeleves iranda netevokontū me mufwaki iran Nōbū dan sū. 3Miyi yemokesi sū ra nilasevrevora ra sī dad poarep sī nagelo eni Nōbū yivelum (ūnisog) pugi, mori yemenūwi pugi memokū, Kornilius. 4Miyi yemtopotnemi iran nemtetugi memtagkeli memokū, Kemagkūo, Novsuromon? yemenūwi pugi memokū, ōvun nesenigi movun numpeleves sorum ūsah ūnipmi eni Nōbū oti nentemi ugi. 5Im marima tamūlora ōveteme ra Yoppa tovūni Sīmon, nalĭg eni Piter; 6iyi umante ūndū Sīmon taner nimo eni ra nakoren tok; iyi anūwi pug kĭk nagkūie konumpi. 7Im pol sugkū nagelo mori yemenūwi pugi Kornilius, yĭmpe, Kornilius, iyi yemovrokonda dūrū lĭvsaū isen, ĭm sī ra irora telien lō neteme aremī, irora dūmūtorugat iran dan sū; 8miyi yemenūwi sū punora memtamūlora ra Yoppa.

9Im rat mran polekū irora dūmavan mūmumpro keve potipot sĭti, Piter, yemete ran tan nimo worefwaki, poakas poakas. 10Miyi yemtemas me makīugi woreni: kō, pol sugkū irora dumworomon yemilasivrevora. 11Miyi yemokesi ĭm pokūp ĭtīpelah ĭm sī nūrah sugkū sēl mēeti ra navlūtni devat yetĭnēyep ra nemap ĭm ra mumpon ōvun (nūrah) kwodrūped, 12movun nurah nagon, movun nūrah ūmentavekarara, movun menok ūn eī. 13Im sī navian yemenūwi pugi mūmokū, Piter, Etūok; tī meni. 14Im Piter yemenūwi memokū Narisah. Eyi, tawi sugkū; yaū metūoni sī se sī ūr kū nelilūwo. 15Navian yomenūwi pugi nempugon dūrūgi, memokū, Siame mori Nōbū yisindumsi ves, etūnūwi mokū ūr. 16Yemorūnumpi sugkū nempugon deselugi mōĭmpĭsah nūrah miro ūnpokūp.

17Im pol sugkū Piter yemefokerarū ugi nokesi sie mori, ōveteme mori Kornilius yemtamūl ora dūmū tagkeli nimo Sīmon mūmūtūrū ra nugūn selat. 18Mirora dūmovrugi mūtagkeli nagku Sīmon Piter yemete yūi. 19Im polekū Piter yemeveleveli ugi nilasivrevora, Iyi Naviat yemenūwi pugi memokū, oveteme desel ūmnesorug kĭk. 20Etūok yep ĭm pe dal irora metūtavriri ugi sī ĭt ya otamūlora: 21Im Piter yemyep punora mori Kornilius yemtamūlora pugi, memenūwi memokū, yaū, Kūmnesorokayaū: kūvelum kūmagkūo? 22Mirora dūmūnūwi mūmokū, Kornilius sentūrion, neteme tanepo memamtetugi ves Nōbū, mōveteme Isrēel omwisū ūmnumpūvsok iran, sī nagelo tumpora Nōbū yemtamūli iyi worenūwi pugi mokū iyi ontamūli tovunok worevelum ra nimo eni ma iyi andigi nam sorum. 23Miyi yemtorora ūnisog memovunora nevag.

Im rat mran Piter yempe dal irora ĭm nugkon ravinsīeme ra Yoppa dūmūve dal. 24Im weme dūmūntorimpe ra Sesaria. Kornilius yemtevetūwora, mepmovrokonda ravensieme eni movun raveneme. 25Im pol sugkū Piter yive ūnisog nugūn nimo Kornilius yemevtitran mumol ra nowon eni meni tivita iran, 26Kō Piter yemevietūkesah memenūwi memokū, Etūok, yaū sī neteme. 27Miyi yemprokam pugi memintor ūnisog memokesora, sikat mori dūmū semsimokonda: miyi yemenūwi punora memokū, 28Kūmagkili nokowo yemenūwali punora ōveteme Isrēel memokū ūtūosemsimokonda dal, kū wampe punora ōveteme pelah sī; 29kō Nōbū okosesi poyaū woretūnūwi magkū sī neteme, neteme wokon kū pelah: popōwo imo sugkū, sugkū ya okevelum yaotū onimrū. 30Im yakum mentagkolokūm, kūm nesorokoyau ugi sie nam? Im Kornilius yemenūwi memokū, Nowinag yaū mufwaki mafeli imo nempugon ra dan, ĭm poarap yaū mufwaki ūnisog nimo sorūg, 31memokesi sī neteme yetūrū ūnimtūg yivīugi nemas nesevavtiti, Yemenūwi meniokū Kornilius origi, 32nufwaki sorum mov numpelēves sorum umnetemi ūnĭpmi eni Nōbū. Popōwo imo sugkū tamūlora ra Yoppa tovūni Sīmon nalig eni Piter, iyi ra mumpon nimo eni Sīmon taner ra nokorin tok, ĭm pol sugkū iyi ampelum anūwi nam pugkĭk. 33Marimago yaū ĭmtamūli tovūnok; aremī kokovelum. 34Marima kam sū ĭgko ūnĭmpi eni Nōbū wororigi sū mori Nōbū yempasiwug kĭk ugi. Im Piter yemenūwi memokū,

35Itnesog, yakum magkili ma Nōbū otūmagesi ves iranda nugkon ōveteme wokon: Popōwo ra lō sū neteme mori umamtetugi Iyi, meni numpi tanepo, Iyi umagesi ves iyi. 36Nam mori Iyi yemtamūli punora ōveteme Isrēel, memtorūwi sah ugi Iesu Kristo (Iyi Novsuromon isenda omwisū)—imo nam kĭmi kemagkili 37dūmūtorenūwi sah ugi ra nūrū sū Yūdia, mematipotni ra Kalĭli, penūri Yōane yemtorenūwi sah nam omwisū ugi baptisma, 38nokowo Nōbū yemavūi Iesū neteme Nasaret ugi Naviat Tumpora ĭm horog: mori yemavan, memnumpi aremī, memumkororĭgives irora mori dūm molaswoni ugi sētan; popowo Nōbū ūtidū iyi. 39Im kam ōvgn numpūvsok ugi siame sū iyi yemumpi ra nūrū sū isenda ōveteme Isrēel, ĭm Yerūsalem sugkū; mori dūmūtalugi iyi ra nē ūmparum. 40Nōbū yemtori sah iyi ran dan deselugi mo meviatūratumpeni iyi. 41Tawi punora netevokontū omwisū, kō punora ōvun numpūvsok mori Nōbū yep memtampolora, kam mori leni ĭm lamoneki dal iyi penūri Iyi yemtūok marugi nemap. 42Miyi yemempasewugkam woretorenūwi sah punora ov netevokontū momumpūvsok iran ma Nōbū yemetipe Iyi Natemonok nurian iranda ōvun nomūrep movun nemás. 43Ovun profet omwisū dūmumpūsok iran mūmokū irora mori ūmontavnirĭgi afielintugi sat sū isenda ugi nin isen.

44Polekū Piter yōĭmemenūwi imo nam, Naviat Tumpora yemumol iranda sū mori dūmūrigi nam. 45Moveteme ra Isrēel mori dūmūtavnirĭgi dūmovkpritwi, mori dūmūvelum dal Piter, popōwo yemavūora lō sū itemas ves Naviat Tumpora sugkū. 46It irora dūmūrigora dūmūnūwi ōvun nam sī mō nevietevisep Nōbū. 47Piter yemtagkeli memokū, Me faneteme worenūali ugi nū woretū baptiso iranda mori ūvĭ Naviat Tumpora sugkū kam? 48Miyi yemempasewokonda memokū wampī baptiso iranda, ra nin eni Novsūromon. Mirora dūmosenigi iyi mūmokū iyi antendowi dal irora nugkon dan.

Currently Selected:

Ovun Apostol 10: ERGNT79

Highlight

Copy