Ovun Apostol 11

1Movun Apostol ĭm raveteme ra Yūdia dūmūrigi ma irora ōvun nelevōkevat dūmūvi nam eni Nōbū. 2Im pol sugkū Piter yemsah ra Yerūsalem irora mori dūti numpi namon iranda dūmūnūwi pugi, 3Mūmokū, kĭmpo ūnisog punora ōveteme dūtū umpi namon iranda me meni dal irora. 4Kō Piter yemati potni memenūwi sū punora ūtūvinatora, memokū. 5Yaū ra siti Yoppa mufwaki: Im pol sugkū yaū malepatemas yaū mokesi ra nilasivrovora, sī vesel yemyep sugkū sēl horog, yetin yep marugi pōkop ugi navlūtni devat, 6ĭm pelum poyaū: ĭm yaū imtopotnemi, memneveleveli ugi, memokesi ōvun kwodrūped ra nemap movun kwodrūped nagon, ĭm nūrah umun tavokorara movun menūk ūneī. 7Im yaū morigi sī navian yemenūwi po yaū, memokū, Etūok, Piter; tī meni. 8Kō yaū menūwi memokū, Eyi Narisah Tawi sugkū, yaū metūoni sī ūr kū nelilūwo. 9Kō navian mori yōmenūwi po yaū marugi pokop, nempugon dūrigi memokū siame mori Nōbū sindumsi ves etūnūwi mokū ūr. 10Yemorun numpi imo nempugon desel: memorevenisah omwisū ūnpō kop. 11Marimago ōveteme desel dūmūtūrū ra nugon nimo yūi yaū metewi yemtamūlora poyaū dūmne ra Sesaria. 12Miyi Naviat yemenūwi po yaū memokū ya ampe ĭm tawi metūontavrivri. Im iroramo ravensieme soret siks dūmūve dal yaū; ĭm kam lintorĭmpe ra nimo eni neteme mori. 13Miyi yemenūwi pugkam nokowo iyi yemokesi nagelo ūnisog nimo isen yemetūrū memenūwi pugi (memokū), Tamūlora ōveteme ra Yoppa tovuni Sīmon Piter, 14iyi anūwi pugkĭk nam ugi pe mori amkĭkēyōwara, kĭk mirora su ra numpon nimo sorum sugkū. 15Im pol sugkū yaū matepotni woram punora, Naviat Tumpora yemumol iranda sugkū irant ra nōbūm. 16Im yaū mentime nam eni Novsūromon, mori iyi yemenūwi memokū, Yōane yemumbaptiso ugi nū; kō ambaptiso irami ugi Naviat Tumpora. 17Im nagku Nōbū yovunora itemas siteven sugkū kos pol sugkū dūtavnirĭgi iran (Novsūromon) Iesū Krĭsto Novsūromon yaū mē woreturamtugi Nōbū? 18Pol sugkū irora dūmūrigi imo dūmūteteven, mū mūvitevisep Nōbū, mūmūkū, Im Nōbū yovunora ōvun nilevōkevat nevīeves nowanda worevi nomūrep.

19Mirora mori dūtin nasiviokonda popōwo ugi nevīesesat penūri dūmūtalugi Stifan, dūmavan mafeli ra Fenīse, ĭm Sīprus, ĭm Antiok, mūmprokotorenūwi nam punora ōveteme Isrēel wokon. 20Kō nugkon ra irora mori ōveteme Sīprus ĭm Sīrine, mirora pol sugkū dūmūvelum ra Antiok dūnūwi nam navosavos ugi Iesu Novsūromon. 21Im horog eni Novsūromon dal irora: ĭm sikat dūmūtavnirĭgi mū mūtorileki pugi Novsūromon. 22Narigi imo yempelum ra semsimak ra Yerūsalem ugi irora; mirora dūtamūli Barnabas mūmokū ampe mafeli ra Antiok: 23ĭm pol sugkū yive pelum me mokesi ĭtemas eni Iehōva, yavosavos; memenūavsokonda woramplesi iran Novsuromon ugi natekisah: 24It iyi neteme aremī yovūwarugi Naviat Tumpora ĭm tavniri: ĭm numpun lō tamas dūmamplesi iran Novsūromon. 25Im Barnabas yimpe ra Tarsus woresorugi Sol: 26ĭm pol sugkū yemokesi iyi yemtori ra Antiok. Mirora dūmūsemsimokonda ra sī nevi dal semsimak mūmūtavsokonda. Im ra Antiok mampūm dūmatov ninda numpūn lō tamas ōvun nurie mūmokū, ōvun Krĭstian.

27Im, ran dan sū mori ōvun profet dūmūvelum dūmne ra Yerūsalem ra Antiok. 28Im nin isen sī ra irora Akabus, iyi yemtūok, memenūwi punora ugi Naviat, memokū, temas ampelum ra nūrū sū nūrū sū, mo meti sugkū ran dan sū eni Klodius. 29Movnūrie omwisū dūmūnūwi mūmokū, wōntamuli ōvun itemas woretevūrak wokonda isenda ravensieme ra Yūdia sugkū irora dūmūtipe: 30Irora dwūmpi sugkū mūmūtamūli punora ōveteme talam ugi Barnabas ĭm Sol.

Currently Selected:

Ovun Apostol 11: ERGNT79

Highlight

Copy