Ovun Apostol 12
12
1Ra nempugon mori Herod Natemonok ra nūsian yemeevan memokū worevīcsesat nugkon ra irora ra semsimak. 2Miyi yemtalugi Yēmes avensi eni Yōane ugi sord. 3Im popōwo iyi yemokesi ōveteme Isrēel dūmavos ugi, iyi yemupi mōmū, memokū ampi Piter sugkū, ra nempugon mori dūmoni yōūp, tawi leven iran. 4Im pol sugkū iyi yemelekavi yemetipe ūnisog nimo nugkugko, memetipe ōveteme ūvrami woravles ugi ōvun telien devat; memokū ontori ūniminda ovnetevokontū pol sugkū paska isūma. 5Piter ūnisog nimo nugkugko; kō semsimak dūmūsenigi Nōbū mūmatekisah popōwo ugi iyi. 6Im pol sugkū Herod yemokū ontori ilat, ra pūmrok mori Piter yemaleepo ilevoteven ōvun ūvrami metin nēeti ugi tori endūrū ra nevat, movun navlis ran tan buketampet dūmūfinte nimo nugkugko. 7Im sī nagelo eni Novsūromon yemevelum pugi, ĭm nilara yemeselĭ ūnisog nimo nugkugko, miyi yateki nokorin Piter moyugi me menūwi memokū, Etūok itnum; movun tori ra nevat dūmol marugi nokoven eni. 8Miyi nagelo yemenūwi pugi memokū, Etoetigi kĭk e pe kĭk, me mēetavsivsi woravan sorum; miyi yemumpi sugkū. Miyi yomenūwi pugi memokū, Semplaūon nemas sorum iram, mūri yaū. 9Im pol sugkū yetūratumpen ilat iyi yemūri; me metūkili memamgaiugi pe mori nagelo yemumpi iran kō yemokū iyi yemokesi nilasevrevrevora. 10Im pol sugkū irora dūmavan ilevoteven sĭlevok sī, ĭm dūrū, dūmūvelum ra buketampet ra nevat ra nokorin sĭti yimesepen tīpelah iranda; mirora dūmūve ilat, mūmavango sī selat alam, marimago nagelo yemowi iyi. 11Im pol sugkū Piter yemesepen tarū yomenūwi memokū, Marima, yakum magkili ugi Novsūromon okatamūli nagelo me sukilekilwi iran marugi nokoven eni Herod, ĭm nakiugi isenda ōveteme Isrēel. 12Im pol sugkū iyi yeumeveleveli ugi yōĭmpe ra nimo eni Mēri dineme eni Yōane nalig eni Mark; yūi sem simokonda sikat dūmmūfwaki. 13Im pol sugkū Piter yemtetī buketampet sī ĭtnumpokon, yive wororigi, nin eni Rode. 14Im pol sugkū iyi yemokili navian eni Piter, yetū tī pelah buketampet popōwo ugi navos isen, kō yimalo ūnisog me menūwi punora memokū Piter yemetūrū ran tan buketampet. 15Mirora dūmūnūwi pugi mūmokū kĭkem nĭmpaviag, kō iyi yematekisah memenūwi memokū, ĭtnesog. Mirora dūmūnūwi mūmokū, Nagelo isen. 16Kō Piter yemorūm tetī, ĭm pol sugkū dōmūtĭ pelah mūmokesi dūmugkeritūwi. 17Miyi yemtenakavokovora yemenūwi punora nokowo Novsūromon yemtori iyi ilat marugi nimo nugkugko. Miyi yemenūwi punora, Uve mū tampigi imo pugi Yēmes ĭm punora ravetme. 18Miyi yemowi irora mempe ra nūrū sī. Yemumti dan telien lō ūvrami mūmeompeli ugi Piter. 19Im Herod yemesorugi metokesi, miyi yemorun tagkelora ōvun navlis memenūwi memokū wuntalokonda. Miyi yemeyep yemne ra Yūdia ra Sesaria memetendowi yūi.
20Im Herod yemaraki punora ōveteme Tīr ĭm Sīdon: kō irora dūvelum pugi igi tarū siteven, ĭm dumumpi Blastus avenda, nivūo ra nusian ra ōvun sĭlevokeves worale eni Natemonok mūmūnūwi mūmokū irora wontasiasge, popōwo irora dūmūvĭ nevag marugi nurū eni Natemonok. 21Im sī dan Herod yemevĭugi nemas nilasilaswi memtorenūwi punora. 22Im lō dūmpasiwali, mūmūnūwi mūmokū, Navian eni nōbū ĭm tawi eni neteme. 23Marimago sī nagelo eni Novsūromon yimtī iyi popōwo iyi yetūvugi Nōbū nilasilaswi ugi: movun nilas dūmmolentevi; isūma nesumsak. 24Im nam eni Nōbū yemteli memalapalam tamas.
25Im Barnabas ĭm Sol dūmūtorileki dūmūwi Yerūsalem pol sugkū dūmūkompeli numpūrak isenda ugi ōvun itemas mori mūmūvī Yōane eni Mark, dal irora.
Currently Selected:
Ovun Apostol 12: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
