Apocalípsis 8

Rölluchö qanchis kaq laqaraykaq sëlluta jipinqan

1Rölluchö qanchis kaq laqaraykaq sëlluta Cordëru jipiskiptinmi ciëluchö pullan höranö pipis parlayarqantsu. 2Tsaypitanam Dios Yayapa puntanchö qanchis angelkuna ichiraykäyaqta rikarqä. Paykunam cada ünu cornëtankuna chaskiyarqan.

3Tsaypitanam Dios Yayapa trönun puntanchö kaykaq altarman juk ángel charqan#Éxo. 30.1, 3. inciensiu qoshnïtsikunan aptashqa. Altarpis inciensiu qoshnïtsikunanpis qoripitam karqan. Tsaychömi atska inciensiuta chaskirqan Diosman creyikuqkuna mañakuyanqantawan#Sal. 141.2; Apoc. 5.8. altarman churananpaq. 4Altarchö inciensiuta qoshnïtsiptinmi creyikuqkuna mañakuyanqanwan inciensiupa qoshnin Dios Yayaman charqan.

5Tsay angelmi inciensiu qoshnïtsikunanman altarchö shanshata wiñarkur kay patsaman jitarpamurqan.#Lev. 16.12; Eze. 10.2. Tsaymi chipakyarraq illaqukurqan, maqakuypis alläpam bunrurümurqan y patsapis alläpam kuyurqan.#Éxo. 19.16; Apoc. 11.19; 16.18.

Chusku angelkuna cornëtata töcayämunqan

6Tsaypitanam cornëtata chaskiq qanchis angelkuna töcayänanpaq alistakuyarqan.

7Punta kaq ángel cornëtata töcamuptinmi ninawan yawar tallushqa runtu tamya kay patsaman shikwamurqan.#Éxo. 9.23-25; Eze. 38.22. Tsaywanmi cäsi pullan kay patsa rupar ushakarqan. Tsay runtu tamya chanqan kaqmi jachapis qewapis llapan ushakarqan.

8Tsaypita ishkay kaq ángel cornëtata töcamuptinmi jatun jirkanö rupaykar lamarman tallpurqan. Tsaymi cäsi pullan lamar yawarman tikrarqan.#Éxo. 7.17-21. 9Yawarman tikranqan kaqchömi llapan wañuyarqan. Tsaychö kaykaq llapan büquikunapis jundikarmi ushakäyarqan.

10Kimsa kaq ángel cornëtata töcamuptinmi jatun rupaykaq qoyllur shikwamurqan. Tsay qoyllurmi cäsi pullan mayukunaman y cäsi pullan pashtaq yakukunaman shikwarqan.#Isa. 14.12. 11Qoyllurpam shutin karqan Ayaq. Ayaq kaptinmi tsay qoyllur chanqan kaq yaku ayaqman tikrarqan.#Jer. 9.15; 23.15. Tsaymi tsay yakuta upyaq kaqkunaqa maytsikaq wañuyarqan.

12Chusku kaq ángel cornëtata töcamuptinmi rupaywan killapis qeshyarqan. Tsaymi rupaypis ni killapis shumaq atsikyämurqannatsu.#Éxo. 10.21-23; Isa. 13.10; Eze. 32.7; Joel 2.10, 31; 3.15. Tsaynöllam cäsi pullan qoyllurkunapis atsikyäyarqannatsu.

13Tsaypitanam juk pitsak#8.13 Wakin qepa kaq griego copiakunachömi ángel nin. altuchö tumaykaqta rikarqä. Tsay höram tsay pitsak jinchi nimuqta wiyarqä: <<¡Allaw, allaw, allaw! Patsachö kawaqkuna ¡imanöraq kayanqa! ¡Kimsa angelkunaraqmi cornëtata töcayämunan faltan!>>

Currently Selected:

Apocalípsis 8: qxn

Highlight

Copy