Apocalípsis 7
7
Payman creyikuqkunata Dios Yaya señalanqan
1Tsaypitanam chusku angelkuna kay patsapa chuskun kuchunchö ichiraykäyaqta rikarqä.#Dan. 7.2; Zac. 6.5. Tsay angelkunam wayrata tsaparäyarqan kay patsaman, lamarman ni ima jachamanpis mana wayrämunanpaq. 2Paykunam poderyuq kayarqan kay patsata y lamartapis castigayänanpaq.
Tsaynöllam rikarqä rupay yarqamunan kaqläpita imayyaqpis kawaq Dios Yayapa sëllun aptashqa juk ángel shamuykaqta. Tsay angelmi patsapa kuchunkunachö kaykaq chusku angelkunaman jinchi qayakur 3nirqan: <<¡Diosnintsikpa serviqninkunata urkunkunachö manaraq señalaptïqa#Eze. 9.4, 6. kay patsachö y lamarchö kaqkunata ni jachakunatapis ama ushakätsiyayraqtsu!>>
4Tsaypitam ayka runakunata señalanqanta wiyarqä. Tsay runakunam pachak chusku chunka chusku waranqa (144,000) kayarqan. Llapanpis Israel trïbukunapitam kayarqan:
5Judá trïbupitam chunka ishkay waranqa (12,000) kayarqan.
Rubén trïbupitam chunka ishkay waranqa (12,000) kayarqan.
Gad trïbupitam chunka ishkay waranqa (12,000) kayarqan.
6Aser trïbupitam chunka ishkay waranqa (12,000) kayarqan.
Neftalí trïbupitam chunka ishkay waranqa (12,000) kayarqan.
Manasés trïbupitam chunka ishkay waranqa (12,000) kayarqan.
7Simeón trïbupitam chunka ishkay waranqa (12,000) kayarqan.
Leví trïbupitam chunka ishkay waranqa (12,000) kayarqan.
Isacar trïbupitam chunka ishkay waranqa (12,000) kayarqan.
8Zabulón trïbupitam chunka ishkay waranqa (12,000) kayarqan.
José trïbupitam chunka ishkay waranqa (12,000) kayarqan.
Benjamín trïbupitam chunka ishkay waranqa (12,000) kayarqan.
Maytsikaq runakuna yuraq llatapashqa ciëluchö kayanqan
9Tsaypitam rikarqä Dios Yaya jamanqan trönupa puntanchö y Cordërupa puntanchö yupaytapis mana puëdiypaq maytsikaq runakuna palmankuna aptashqa y yuraq llatapankuna shukushqa kaykäyaqta. Paykunam kayarqan maytsay nación runakuna, maytsay trïbukuna, maytsay marka runakuna y tukuyläya idiöma parlaq runakuna. 10Paykunam jinchi niyarqan: <<¡Trönuchö jamaykaq Dios Yaya y läduykichö kaykaq Cordëru, qamkunam salvayämashkanki!>>
11Tsaymi Dios Yayapa puntanchö kaykaq chusku kawaqkuna, ishkay chunka chusku (24) mayor runakunawan llapan angelkunapis pelatakuykur Dios Yayata alabarnin 12niyarqan:
<<¡Amén!
¡Diosnintsik alabashqa kaykullätsun!
¡Payllam llapanta musyan!
¡Imayyaqpis payta agradëcikushun!
¡Pay japallanmi poderösu kaykan!
¡Payta imayyaqpis alabashun!
¡Amén!>>
13Tsaymi Dios Yayapa puntanchö ishkay chunka chusku (24) mayor runakunapita juknin tapumarqan: <<¿Pikunatan tsay yuraq llatapashqa runakuna kayan? ¿Maypitatan shayämushqa?>>
14Tsaymi nirqä: <<Taytay, qammi musyanki>>.
Tsaynö niptïmi nimarqan: <<Paykunam imayka ñakaykunata päsaq runakuna kayan.#Dan. 12.1; Mat. 24.21; Mar. 13.19. Cordëru yawarninta jichar wañunqanpitam perdonashqa kayan. Cordërupa yawarninwan taqshakushqa kayaptinmi llatapankunapis yuraq kaykan.#Juan 1.29; 1Juan 1.7. 15Tsay runakunam Dios Yaya jamanqan trönun puntanchö kayan.
<<Paqasta junaqtam templunchö alabayan.
Trönuchö jamaykaq Dios Yayam paykunata imaypis rikanqa.
16Paykunaqa manana ni imaypis mallaqäyanqatsu ni yakunäyanqatsu.
Paykunataqa rupaypis manam rupanqatsu.
Achaypis manam ajayätsinqatsu.#Sal. 121.6; Isa. 49.10.
17Dios Yaya jamanqan trönun lädunchö Cordërum paykunata mitsinqa.#Sal. 23.1; Eze. 34.23; Juan 10.1-16.
Imaypis mana yakunäyänanpaqmi kawatsikuq yakuman pushanqa.#Sal. 23.2; Isa. 49.10; Juan 4.10; 7.37.
Kikin Dios Yayam shoqarninkuna weqinkunatapis pitsanqa>>.#Isa. 25.8; Apoc. 21.4.
Currently Selected:
Apocalípsis 7: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
