ZEFWANYIYA 3
3
Omu Unavulumuna Yelusalema nomu navakalilwila
1Mama lelo halyeli #Yele. 5.23.linalikange #Ezeke. 23.30.nakujiluluka, halimbo lyeji #Yele. 6.6.kulisanga vatu nacikela!
2 #
Yele. 7.23-28. Kalyevwililile mulizuko, #Yele. 2.30; 5.3.kalyetavilile kulizangamisako, kalyafwelelele kuli Yehovako, kalyapandamine kuli Kalunga kalyoko.
3Vaka-kulitulaho jalyo vali mulikiko vanapu vandumba vakukumbwoka, vaka-kuyula jalyo vanapu tungunge vakwiza kucingoloxi, kavexi kusezaho nahakucako.
4Vapolofweto jalyo vanapu vatu vakulitukwojola vaka-kumbembejeka. Vapilixitu jalyo vanayijilulula lyehi zuvo yajila, vanajilyane lyehi jiximbi.
5Yehova wakwoloka ali mulikiko. Kexi kukalinga mwakuhengako, eji kulowelanga ciyulo cenyi kumusana hacimene hacimene, kexi kukahonahoko. Oloze vaka-kuhengesa kavatacikiza sonyiko.
6Ngunatetatetako lyehi vaka-mafuci, tupoxi twavo tunapu twahwilici. Ngunenyejeka lyehi mujijila javo, ngoco kamwexi nou mwahitamoko. Membo avo ananongo lyehi, ngoco kamwexi mutuko, ngoco kamwexi nou mwatwamamoko.
7Ngwambile ngwami, Kaci naungwivwanga woma, itavila kukuzangamisa, ngoco Utwamo walyo kaci kavexi kukautetako nge kutesa namwosenomu ngunalitongwela lyehi. Oloze vamenekelenga cimenemene nakwenyejeka vilinga vyavo vyosena.
8Xikaho Yehova ngwenyi, Nguvandaminenu, palanga nakulikumbi lize nangukakatuka nakumikwata, mwomwo ngunayulu lyehi ngwami, Nangukavakungulula vaka-mafuci, mangana ngukawahomese mawangana, mangana ngukavahingunwine matoto ami, liyena lyautenu wami lyosena, mwomwo kumavu kwosena navakalyalyako kukakahya kalisungu lyami.
9Mwomwo haze vene nangukavalumwina vatu veka naveka lilimi litoma, mangana vakivo vosena vakasanyikenga Yehova halijina lyenyi, mangana vakamuzacilenga namucima umwe.
10Vaka-kungulembelela, vaze vana vavava ngunapuzumuna, navakaneha wana wami kufuma musali yatulwiji twaEcopa.
11Halikumbi lize kavexi kukakwivwisa sonyi havilinga vyove vyosenevi unazombwojoka jiximbi jamiko, mwomwo haze vakwenu veji kulisambanga nakulivwimba nangukavafumisa muli ove, kaha kawexi kukatunda ceka kupili yami yajilako.
12Oloze nangukaseza vatu vakumona malwa vakuhutwa muli ove, kaha navakacinyinanga mulijina lyaYehova.
13VaIsalele vaze navakasalaho kavexi kukalinga mwakuhengako, cipwe kuhanjika mwakwonga. Kaha mutunwa twavo kavexi kukawanamo lilimi lyakutangisako, mwomwo vakivo navakalyalya nakuutajama, nou mwakavacikimisa wauci.
14Ove mwanaZeyone, twako jingunda. Ove Isalele, likuwe. Ove mwanaYelusalema, wahilila, ulisambe namucima wove wosena.
15Yehova nafumisa lyehi vyakukupayisa, navatalisa lyehi vaka-kole jove kweka. Mwangana waIsalele, ou Yehova, ali muli ove, kawexi kukevwa ceka woma walupiko.
16Halikumbi lize navakamba kuYelusalema ngwavo, Ove Zeyone, kanda wivwa womako, mavoko ove kanda akazeukako.
17Kalunga kove Yehova ali muli ove, Ikiye Cindume, mwakulwila, mwasambwojokanga hali ove nakuwahilila, mwalyungumikanga muzangi yenyi, mwakinyinyinanga hali ove nakutwa jingunda.
18Ava veji kunyengetelelanga ciwanyino cakutongola nangukavakungulula, ava vapwile vakuli ove, ava vanamono citeli cili halikiko ngwavo, Kutomba.
19Tala, kumwaka uze vosenava veji kukumwenesanga malwa nangukavazangamisa. Vaka-kunjalikita nangukavalwila, vaze vahangile nangukavahomesa ceka. Kaha nangukavalingisa kupwa yakwalisa, hilijina, ava vakweci sonyi yavo yinapunga kumavu kwosena.
20Hamwaka uze nangukamingisa, hamwaka uze nangukamihomesa, mwomwo nangukamilingisa kupwa mulijina, muvakwalisa muli vatu vahamavu veka naveka vosena, omu nangukakindulwisa ceka ufunge wenu kumeso enu. Mukiko mwanambe Yehova.
Currently Selected:
ZEFWANYIYA 3: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
