HANGAI 1
1
Vatu navavaxinjila ngwavo, vatunge tembele
1Hamwaka wamwangana Ndaliu wamucivali, hakakweji wamucitanu naumwe, halikumbi lyakakweji lyakulivanga, lizu lyaYehova lyejile muli kapolofweto #Ezela 5.1; 6.14.Hangai kuli #Ezela 2.2; Nehe. 7.7; Zeka. 4.6.Zeluvavele mwanaXeyalacele, nguvulu yavaYuta, nakuli #Ezela 3.2; Nehe. 12.1; Zeka. 3.1; 6.11.Yoxuwa mwanaYehozatake, ou kapilixitu wakulitulaho, ngwenyi,
2Yehova wamayongomena nambe ngwenyi, Vatu ava veji kulyambanga ngwavo, Mwaka kanda uhete, ou mwaka wakutunga zuvo yaYehova.
3Kaha lizu lyaYehova lyejile muli kapolofweto Hangai ngwenyi,
4Unapu mwaka wakutwamenu mujizuvo jenu jakufwika namaliva tahi, ximbu yinatwame zuvo yino yamokomoko?
5Xikaho Yehova wamayongomena nambe ngwenyi, Nyingililenu jino jijila jenu.
6Munakuu jajivulu, munengisa ceka jajindende. Mweji kulyanga, oloze kamwekucileko. Mweji kunwanga, oloze kexi nganomu munasakeko. Munavwale, oloze kakwexi nou nevu songonyokoko. Kahou vanakambe eji kutambwilanga fweto mukangonga kali namiteta.
7Yehova wamayongomena nambe ngwenyi, Nyingililenu jijila jenu.
8Kandukenu kupili, mukanehe mitondo, mukatunge zuvo yino, kaha nangukayivwilanga kuwaha, nayikangutohwesanga. Mukiko mwanambe Yehova.
9Mwatalijijilenga vyavivulu, kaha kumana, vyalingile kupwa vyavindende, kahomu mwavinehele kujizuvo jenu ngwavipepwile. Yehova wamayongomena ngwenyi, Mwomwo ika? Mwomwo hazuvo yami yinatwame yamokomoko ximbu namulahenu mutu himutu kuzuvo yenyi.
10Xikaho mwilu munajiki, kamwexi nakuhana mumeko, mwomwo hali enu. Xikaho kumavu kunajiki, kawexi nakuhana vyakwimahoko.
11Ngwasanyikile canga halifuci nahajipili nahakulya camanona nahawala wamihako yavinyo nahamaji nahavize vyakusoka mumavu nahali vatu nahavimuna nahakukilikita camavoko cosena.
12Ngoco Zeluvavele mwanaXeyalacele naYoxuwa mwanaYehozatake, ou kapilixitu wakulitulaho, navatu vosena vaze vasalileho, vononokele mulizu lyaKalunga kavo Yehova, mumazu akapolofweto Hangai, nganomu vamutumine kuli Kalunga kavo Yehova, kaha vatu vevwile woma kumeso aYehova.
13Ngoco muluwa waYehova Hangai avambulilile vatu mujimbu waYehova ngwenyi, Yehova ngwenyi, Ami nguli nenu hamwe.
14Yehova akatwile Xipilitu yaZeluvavele mwanaXeyalacele, ou nguvulu yavaYuta, naxipilitu yaYoxuwa mwanaYehozatake, ou kapilixitu wakulitulaho, najixipilitu javatu vosena vaze vasalileho, kaha vejile, #Ezela 5.2.vazacile milimo kuzuvo yaKalunga kavo Yehova wamayongomena,
15halikumbi lyakakweji lyakusokesa mumakumi avali naawana, hakakweji wamucitanu navavali, hamwaka wamwangana Ndaliu wamucivali.
Currently Selected:
HANGAI 1: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
