ZEFWANYIYA 2
2
Kuvindama cavaka-mafuci anahateko jingulwixi
1Enu vaka-lifuci #Yele. 3.3; 6.15.mwazeneka sonyi, likungululenu mukunguluke,
2Ximbu kanda cilika ciseme, ximbu kanda likumbi libitemo nge muzungu, ximbu kanda liyena lyautenu waYehova limiwane, ximbu kanda likumbi lyautenu waYehova limiwane.
3Enu muvavwovu vahamavu muvosena, mutondenu Yehova, enu munalingi mwaya ciyulo cenyi, tondenunga kwoloka, tondenunga kuvova. Kwiji, pamo namukapwa muvakuyoleka halikumbi lyautenu waYehova.
4Mwomwo Ngaza nalikapwanga valiseza lyehi kwalyo, Axakelone nalikapwanga lyahwilici. Axatote navakalihanga hamulungu, Ekelone navakalitukulamo.
5Mama lelo hali ava vatwama kucikulo cakalungalwiji, hamuyaci wavaKelete! Ove Kanane, ove lifuci lyavaFwilixite, lizu lyaYehova lili hali ove. Nangukakunongesa, mangana kukazenekengou mwakatwamako.
6Kaha kucikulo cakalungalwiji nakukapwanga kwamalilo, kwamaxima atufunga namalimba avimuna vavandende.
7Kucikulo nakukapwanga kwavava vakuzuvo yaYuta navakasalaho. Navakalixilangako vimuna javo. Navakautamama mujizuvo jaAxatote kucingoloxi, mwomwo Kalunga kavo Yehova mwakavalakana, kaha ufunge wavo mwakaukindulwisa ceka, xikaho.
8Kutomba cavaMowave ngunacivu lyehi, nakutukana cavana vaAmone nawa, omu vanatombo vatu jami, nomu vanalitohwesa kungiza yavo.
9Xikaho Yehova wamayongomena, Ou Kalunga kaIsalele, ngwenyi, Omu ngwayoya tu, Camwenemwene Mowave nalikapwanga nge Sotome, vana vaAmone navakapwanga nge Ngomola, hiluheto lwakanyunge, himena amungwa, hikwahwilici haya myaka yosena. Navakavakwata ufunge kuli vatu jami vaze navakasalaho, navakavaswana kuli vaka-lifuci lyami vaze navakasalaho.
10Mukiko vene munavakamona hakulivwimba cavo, mwomwo vanavatombo lyehi vatu jaYehova wamayongomena nakulitohwesa kuli vakivo, xikaho.
11Yehova mwakapwa wakuvevwisa woma, mwomwo tulunga vahamavu vosena mwakavahwakukisa, xikaho. Kaha vatu navakalifukulanga kuli Ikiye, mutu himutu hakufuma kuma lyenyi, matungu avaka-mafuci osena.
12Nayenu vaEcopa nawa, navakamijihajiha kupoko yami yamukwale.
13Mwakolola livoko lyenyi kunote nakunongesa Asulya, kaha mwakalingisa Nyineve kupwanga lyahwilici, lyakuma cau nge pambo.
14Mulikiko namukautamanga mautanga, tunyama vamiyaci yosena. Mambondo navisekele navakatwamanga kumitwe yajipanda jalyo, mazu avo nawakavumanga kujinjanena, kumikwilici nakukapwanga kupelwomwoka, mwomwo nazulu lyehi vyuma vyakusonga namixitale, xikaho.
15Eli lyeli limbo lyakulisamba, lize lyatwaminenga mukufwelela, lize lyalyambilenga mumucima walyo ngwalyo, Yami vene, kakwexi lyeka nawako. Omwo vanalilingixila kupwa lyahwilici hikwakuutajama tunyama! Vexovo vakuhicilako kulikiko veji kulivingilanga nakuhungisa mavoko avo.
Currently Selected:
ZEFWANYIYA 2: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
