MAKO 12

Ciximo cawande wamivinyo navaze vautambwile

(Mateu 21.33-46; Luka 20.9-19)

1O Kaha aputukile kuhanjika kuli vakivo nakuta Viximo. Ngwenyi, #Isa. 5.1-7.Kwapwile mutu atumbile wande wamivinyo, axicileko luxito ce ndo, afulilemo cikamwino cavinyo, atungilemo kapoxi. Auhanyine kuli vanjimi, himwaya kulifuci lyeka.

2Hangonde yamihako atumine ndungo yenyi kuli vaze vanjimi, mangana ngwenyi, akatambule kumihako yakuwande kana wamivinyo kuli vaze vanjimi.

3Vamukwacile, vamuvetele, vamuhilwixile mavokovoko.

4Ceka nawa avatuminyine ndungo yenyi weka, ikiye nawa vamutwile mbandu kumutwe, vamufwefulwile cikuma.

5Atumine weka nawa, ikiye vamujihile, naveka nawa vavavulu, vamwe vavavetele, vamwe vavajihile.

6Asalile naumwe kaha, uze mwanenyi azanga. Avatuminyineyo ikiye hakukuminyina, ngwenyi, Mwanaminyi navakamukomoka.

7Oloze vaze vanjimi valyambile ngwavo, Ou you swana. Ngwavo, Tuyenu, tumujihenu, kaha uswana hinaupwanga wayetu.

8Kaha vamukwacile, vamujihile, vamumbilile kusali yauze wande wamivinyo.

9Xikaho uze mwenyawande kana mwakalinga muka? Mwakeza nakuvanongesa vaze vanjimi, kaha wande kana wamivinyo mwakauhana kuli veka.

10Nyi cipwe Mazu-awa-vasoneka kanda muwatange tahi? ngwavo,

# Samu 118.22-23; Vili. 4.11; Petu. 1, 2.7. Lilolweli vakanyine vakakutunga

Likiko linalingi lyehi kupwa mutwe wamumbango yazuvo.

11Eci cinafumu kuli Yehova,

Cinapu cakutukomwesa kumeso etu.

12Kaha #11.18.vasakile ngwavo, vamukwate, oloze vevwile woma wavatu. Mwomwo vatacikijile ngwavo, Ciximo kana naciteletu, xikaho. Kaha vamusezele, vafumine kuze.

Kumulambwila Kesale

(Mateu 22.15-22; Luka 20.20-26)

13Vamutuminyine vaFwaliseu vamwe navaka-Helote, #Luka 11.54.mangana ngwavo, vakamute kumazu enyi.

14Vakivo hakwiza, vamwambile ngwavo, Ove muka-kunangula, tunatacikiza ngwetu, ove umukamucano, ngwetu, kawazakama cipwe mutu umweko, mwomwo kawamona vatu mweka namwekako, oloze mwamucano vene weji kunangulanga mwaya jila yaKalunga. Coloketu kumuhana Kesale milambu tahi, nyi ciku?

15Tuhane tahi? nyi tukane kuhana? Oloze Ikiye atacikijile kulyonga cavo, avehwile ngwenyi, Muli nakungwesekela ikaze? Ngunehelenu #12.15:Tala 6.37.ndenali nguyitale.

16Vayinehele. Ikiye himwavehula ngwenyi, Ou mutwe weya, nawa mazu vasonekaho eya? Vakivo vamukumbulwile ngwavo, VyaKesale.

17Yesu avambile ngwenyi, #Loma 13.7.Vyuma vyaKesale muhanenuvyo Kesale, kaha vyuma vyaKalunga muhanenuvyo Kalunga. Kaha valikomokelele cikuma kuli Ikiye.

Navehula vyahakusanguka

(Mateu 22.23-33; Luka 20.27-40)

18Kaha kuli Ikiye kwejile vaSatuse, vaze veji kwambanga ngwavo, Kusanguka cavafu cauciko. Kaha Vamwihwile ngwavo,

19Ove muka-kunangula, Mose atusonekelele ngwenyi, #Luxi. 25.5.Lunga ukweci ndumbwenyi walunga, kaci nge ndumbwenyi mwafwa nakuseza pwevo, oloze kasezele mwanako, kaha ndumbwenyi akamuxise uze pwevo lyenyi akamusemene uze ndumbwenyi vana.

20Kwapwile malunga vatanu navavali mujimo lyavo. Uze watete ambacile pwevo, kaha hakufwa kasezele mwanako.

21Kaha nauze wamucivali nawa amumbacile, afwile, kasezele mwanako. Ngoco lika nauze wamucitatu nawa.

22Kaha vaze vatanu navavali kavasezele mwanako. Kukuminyina kuli vosena nauze pwevo nawa afwile.

23Hakusanguka cavafu omu navakasanguka mwakapwa pwevo lyaumwe ulihi? Mwomwo vosena vaze vatanu navavali vamumbacile lika.

24Yesu avambile ngwenyi, Hoho vene munahungumukila nyi? mwomwo Mazu-vasoneka kamwawatacikizako, cipwe ngolo jaKalunga nawa, xikaho.

25Mwomwo haze navakasanguka kuvafu kavexi kukambata ceka mapwevoko, cipwe kuvahangisa, oloze navakapwanga nge vangelo mwilu.

26Oloze hakuvuluka vafu nomu navakasanguka, kamwatangile kumukanda waMoseko tahi? kuze kwakuvuluka ngwavo, kuCiputa, muze ahanjikile Kalunga kuli ikiye ngwenyi, #Kulo. 3.6.Ami yami Kalunga kaApalahama, nguKalunga kaIsaka, nguKalunga kaYakova.

27Ikiye kexi Kalunga kavafuko, oloze wavava vavatonyi. Ngoco munahungumuka cikuma.

Luximbi lwalunene

(Mateu 22.34-40)

28 # Luka 10.25-28. Kwejile muka-kusoneka, kaha avevwile hakulihwojola. Atacikijile ngwenyi, #Luka 20.39-40.Yesu navakumbulula kanawa. Kaha amwihwile ngwenyi, Luximbi luka lwapwa lwatete kujiximbi josena?

29Yesu amukumbulwile ngwenyi, Lwatete vene elu, ngwavo, #Luxi. 6.4-5.Ivwa, ove Isalele, Yehova Kalunga ketu Ikiye Yehova umwe kaha.

30Ngwavo, Kaha muzangenga Yehova Kalunga kove namucima wove wosena, namwono wove wosena, namanganove osena, nangolo jove josena.

31Lwamucivali nawelu ngwavo, #Levi 19.18; Loma 13.9; Ngale. 5.14; Yako. 2.8.Zanganga mukwenu nganomu walizangilove lyavene. Luximbi lweka lwakuhambakaneji lwauciko.

32Uze muka-kusoneka amwambile ngwenyi, Ove muka-kunangula, pundu vene, unahanjika mwamucano ngwove, Ikiye apwa umwe, ngwove, #Luxi. 4.35.kakwexi wekako kuvanga Ikiye kaha.

33Kaha kumuzanga namucima wosena namanganosena nangolo josena, nakuzanga mukwenu nganomu walizangilove lyavene, #Samwe. 1, 15.22; Hoze. 6.6; Mika 6.6-8; Mateu 9.13; 12.7.cinahambakana mawana akulumba osena navimuna vakuvatula.

34Yesu hakumona ngwenyi, nakumbulula namangana, amwambile ngwenyi, Kawexi kwakusuku nawangana waKalungako. Kaha #Mateu 22.46.kufuma haze mutu naumwe pimbi ahasukile ceka kumwihula lizu.

Yesu mwavehula vyamwanaNdavici

(Mateu 22.41-46; Luka 20.41-44)

35Omu apwile #Mateu 26.55.hakunangula vatu mutembele, Yesu ahanjikile nakuvehula ngwenyi, Ngacilihi veji kwambanga vaka-kusoneka ngwavo, Kulixitu Ikiye #Mateu 9.27.mwanaNdavici?

36Mwomwo ivene Ndavici ambile muli Xipilitu wajila ngwenyi,

# Samu 110.1; Vili. 2.34-35; Hepe. 1.13. Yehova ambile kuli Mwata wami ngwenyi,

Twamanga kulivoko lyami lyacilyo,

Palanga nomu nangukavahaka vaka-kole jove muxi yamahinji ove.

37Ivene Ndavici amuvuluka ngwenyi, Mwata, kaha napu mwanenyi ngacilihi? Kaha vaze vatu vavavulu vapwile nakuwahilila hakumwivwilila.

Yesu mwavahanjikila vaka-kusoneka

(Mateu 23.1-36; Luka 11.37-54; 20.45-47)

38Mukunangula cenyi ambile ngwenyi, Lilamenunga kuli vakakusoneka, ava vazanga kutambuka namahina akukuluka, #Luka 11.43.nakuvamenejeka kuvilanjilo,

39navitwamo vyaulemu #12.39:Tala 1.21.mujisunangonga, natuhela twaulemu kuviwanyino vyakulya,

40ava veji kulyanga mazuvo avatuliwe vamapwevo, kaha veji kulyonganga hakulomba nakutwalaho cikuma. Vakivo navakamona kupaya cakuhambakana.

Wana wapwevo watuliwe

(Luka 21.1-4)

41Atwamine kuze kwakulitalasana #Yowa. 8.20.namuze mwakulamina vikumba, amwene muze vapwile vatu nakuhakahaka jimbongo muze mwakulamina vikumba. Kaha vavavulu vaze vapwilenga vaka-luheto vahakilemo vyavivulu.

42Kaha kwejile pwevo watuliwe muka-kuhutwa, ahakilemo jimbongo jajindende jivali, kujifutula jinahete mupene yimwe.

43Yesu avasanyikile tumbaji twenyi veze kuli Ikiye, kaha avambile ngwenyi, Camwenemwene nangumilweza ngwami, Ou pwevo watuliwe mukakuhutwa nahakemo wana wakuhambakanawa avakwavo vosenava vali nakuhaka omu mwakulamina vikumba.

44Mwomwo vakivo vosena vanahakemo kuvyuma vyavo vyakulisupako, oloze ikiye nakukalikiza cenyi nahakemo vyenyi apwanga navyo vyosena, kulya cenyi cosena.

Currently Selected:

MAKO 12: LUE70

Highlight

Copy