MAKO 13
13
Kunongesa tembele, navinjikizo vyahakukuminyina
(Mateu 24.1-28; Luka 21.5-24)
1Ikiye hakulovoka mutembele, kambaji kenyi umwe amwambile ngwenyi, Ove Muka-kunangula, talawa malolwa omu apwa, nawawa mazuvo!
2Yesu amwambile ngwenyi, Mazuvo amanene awa munawamono nyi? #Luka 19.43-44.Kavexi kukaseza kuno lilolwa limwe helu lyalikwavo lyakuzeneka kwandumwina hamavuko.
3Omu atwamine hapili yaMilive kwakulitalasana natembele, #5.37; 9.2; Mateu 17.1.Petulu naYakova naYowano naAndelei Vamwihwile kwauka wavo ngwavo,
4Tulwezeko mwane, #Luka 17.20.vyumevi navikasoloka mwaka uka? Kaha nacinjikizo cakutacikijilomu navikasaka vyuma vyosenevi kulumbunuka cika?
5Yesu aputukile kuvalweza ngwenyi, Nyingililenunga kucina navakamihungumwisa kuli mutu umwe.
6Nakukeza vavavulu mulijina lyami nakwamba ngwavo, Yami vene, kaha navakahungumwisa vavavulu.
7Kahomu namukevwa majita namangwavo akuvuluka majita, kanda mukalinyengako. Kuvanga vyumevi vinasoloka, oloze kukuma camyaka yino kacexi kukasolokelahoko.
8Mwomwo vaka-lifuci limwe navakafumbukila vaka-lifuci likwavo, vaka-wangana umwe nawa navakafumbukila vaka-wangana ukwavo. Nakukapwa mindenda kweka nakweka, nakukaholoka nawa myaka yazala yakalombolombo. Evi navikapwa kuputuka camisongo yakusema.
9 #
Mateu 10.17-22; Luka 21.12-17. Oloze lilamenunga, mwomwo navakamitwalatwala #13.9:Nge ngwavo, Kuli vaka-zango. Sunendeline yapwile liuka lyavakulwane javaYuleya vakulitulaho.kujisunendeline, navakamivetaveta #13.9:Tala 1.21.mujisunangonga javo, namukemana kumeso avanguvulu navamyangana, hali Ami, mangana cikapwe unjiho kuli vakivo.
10Kaha kuvanga mujimbu wamwaza vanalivange kuwambulula kuli vaka-mafuci osena.
11 #
Luka 12.11-12. Kaha cose navakamitwala nakumihana kuli vakivo, kanda mukavangila kuzakama mwakuhanjikilako, oloze mwexomwo navakamihana halwola luze, mwomwo vene hanjikenumo, mwomwo kamwexi yenu namukahanjikako, oloze #Yowa. 14.26; 16.7-11.Xipilitu wajila, xikaho.
12Kaha mutu mwakahana ndumbwenyi kukufwa, ise yamutu mwakahana mwanenyi, kaha vana navakavakatukila visemi vyavo nakuvajihisa.
13 #
Yowa. 15.21. Navakamihunganga kuli vatu vosena halijina lyami, oloze ou mwakakakacilanga palanga nakusongo, ikiye navakamulwila.
14Oloze omu namukamona #Ndanye. 9.27; 11.31; 12.11; Mateu 24.15.cize cakwivwisa unyengwe cakulingisako kupwa kwahwilici, hakucimona kwimana kuze kwacijila (ou ali nakutanga cimulumbunukile), haze vene vaze vali muYuleya vakacinyine kujipili,
15uze ali helu lyazuvo yenyi kanda akasulukahoko, cipwe kwingilamo ambate cuma camuzuvo yenyi,
16kaha uze ali kuwande kanda akakinduluka munyima ambate cikuto cenyiko.
17Oloze #Luka 21.23; 23.29.mama lelo hali vaze vali namajimo, nahali vaze vali nakwamwisa vana hamakumbi aze!
18Lombenunga mangana cikazeneke kupwa hamwaka wacixika.
19Mwomwo hamakumbi aze nahakapwa luyando, kanda kusoloke lyehi luyando lupwahaze kufumisa kukuputuka kutanga vyuma atangile Kalunga, nakuneha kulikumbi lyalelo. Cipwe kulutwe nawa kakwexi kwiza kukasoloka ceka luyando lweka lupwahazeko.
20Kaha kaci Yehova kakehesele makumbi azeko, kaci ukweci mujimba naumwe pimbi mwakalilwila. Oloze hali vaze vasakula, vaze asakwile, vakivo navakavakehesela makumbi aze.
21Haze vene, kaci nge nakukamyamba mutu ngwenyi, Talenu, Kulixitu ali kuno, mokomoko ngwenyi, Talenu, ali kuze, kanda mukamwitavako.
22Mwomwo nakukalovoka vakakulyongela ukulixitu #Mateu 7.15.navakakulyongela upolofweto, navakalinga #Mateu 24.24; Yowa. 4.48.vinjikizo navyuma vyakukomwesa, mangana, kaci nge Cinahase, vakavahungumwise vaze vasakula.
23Oloze enu kwenu nyingililenunga. Ivwenu, ngunalivange kumilweza vyuma vyosena.
Kwiza caMwanamutu
(Mateu 24.29-35, 42-44; Luka 21.25-36)
24Oloze hamakumbi aze, hakukumisa luyando luze, likumbi nalikelava wi, kakweji kexi kukalovola myeji yenyiko,
25vatanganyika navakahosomokanga mwilu, kaha ngolo jamumelu hinajikalinyika.
26Numbanyi vakamumone Mwanamutu #8.38; Mateu 16.27; Ndanye. 7.13.ali nakwiza mumavwi nangolo jajivulu naupahu.
27Haze vene mwakavatuma vangelo jenyi, kaha mwakavakungulwila vatu jenyi asakula hamwe, nakuvafumisa kumitamba yosena yiwana, kufumisa kusongosongo yamavu mbwe nakusongosongo yalilu.
28Jino, linangulenu ciximo kumukuyu. Hexoho nayivova mitango yawo, nakusokolwela mafo, Hiunatacikiza ngwenu, mwaka waliyena uli kwakamwihi.
29Ngoco vene nenu nawa, omu namukamona vyosenevi vili nakusolojoka, tacikizenu ngwenu, ali kwakamwihi, kuvikolo vene.
30Camwenemwene nangumilweza ngwami, Vaka-tanga yino kavexi kukahitako, kuvanga vyuma vyosenevi vinasoloka.
31 #
Mateu 5.18; Luka 16.17. Nalilu namavu navikahita, oloze mazu ami kawexi kukahitako.
32Oloze #Mateu 24.36; Vili. 1.7.kulikumbi lize cipwe lwola luze mutu naumwe pimbi natacikizako, cipwe vangelo vamwilu, cipwe Mwanakalunga, xina Ise kaha.
33Nyingililenunga, #Efwe. 6.18; Kolo. 4.2.vangulukenunga, lombenunga, mwomwo mwaka uze kamwautacikizako, xikaho.
34 #
Mateu 25.14. Cinafwane nge mutu, omu mwazuzumana kulifuci lyeka, naseze zuvo yenyi, nahane ngolo kuli vandungo jenyi, kuli mutu himutu namilimo yenyi, kaha nalixiki namuka-kulama kucikolo ngwenyi, Tonanga.
35 #
Mateu 24.42; Luka 12.25-40. Xikaho tonenunga, mwomwo kamwatacikijile mwaka uze mwakeza mwenyazuvoko, kwiji, halikumbi lyaciteuko, nyi mukaci kaufuku, nyi handembamutete, nyi nacimene ngana,
36kucina hakwiza cakumikasumuna, mwakamiwana #Loma 13.11.muli mutulo.
37Kahomu nguli nakumyambenu, mukiko munangwamba vosena ngwami, Tonenunga!
Currently Selected:
MAKO 13: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
