MAKO 11

Yesu mwengila mwamwangana muYelusalema

(Mateu 21.1-11; Luka 19.28-40; Yowa. 12.12-19)

1Omu vapwile nakupandama kuYelusalema, kuMbetefwaje nakuMbetane kutwala kupili yaMilive, Yesu atumine tumbaji twenyi vavali,

2avambile ngwenyi, Yenu kwimbo lize lili kulutwe namuya, kaha linwomu vene hakwingilamo namuwana livuvu Nacimbulu wakukasa, acili kanda vamunyine kuli mutu. Mukasununenu mumunehe.

3Kaha kaci nge mutu mwamihula ngwenyi, Ikaze muli nakulingila ngana? kamwambuliienu ngwenu, Mwata namusake. Kaha linwomu vene mwamutuma kuno.

4 # 14.16. Vayile, vawanyine livuvu Nacimbulu wakukasa kwakamwihi nacikolo kuweluka kutapalo, kaha hinavamukasununa.

5Vamwe vaze Vemanyine kuze vavehwile ngwavo, Muli nakulinga ika ngana nakumukasununou livuvu Nacimbulu?

6Vakivo vavambulilile nge muze avalwezele Yesu, kaha vavecele.

7 # Yowa. 12.12-15. Vamunehele uze livuvu kuli Yesu, vamuhakile mahinavo, kaha atwamineho.

8Vatu vavavulu valile mahinavo mujila. Vakwavo valilemo mafo vatetele kucipapa.

9Navaze vatwaminyinengako navaze vakavilenga munyima vapwile nakutambakana ngwavo, #11.9:Nge ngwavo, Acilwile! Likiko lizu Nakumulemesa hawangana.Hozana! #Samu 118.26; Mateu 21.15; 23.39.VamukisulengOu mweza mulijina lyaYehova.

10Ngwavo, Vakisulenga wanganou uli nakwiza, ou vene wakakuluka yetu Ndavici! Hozana muze mwakulitulaho mwilu!

11Kahengilile muYelusalema namutembele. Omu alingile hanatale lyehi kwosena kuvyuma vyosena, hakulembalemba calikumbi #Mateu 21.17.alovokele, ayile kuMbetane navaze likumi navavali hamwe.

Yesu mwangula mukuyu

(Mateu 21.18-19)

12 # Luka 13.6-9. Hakuca, omu vafumine kuMbetane, evwile zala.

13Kaha omu amwene mukuyu kwakusuku uli namafo, ayileko nakutala numba nge mwawanako kamwe. Hakuhetako, kawanyineko cuma cekako, xina mafo kaha, mwomwo kahapwile hangonde yajikuyuko, xikaho.

14Kaha Yesu ahanjikile nakuwamba ngwenyi, Kanda mutu umwe akalya ceka mihako kuli oveko, nahaya myaka yosena. Kaha tumbaji twenyi vevwileko.

Yesu mwatomesa mutembele

(Mateu 21.12-17; Luka 19.45-48; Yowa. 2.13-22)

15Kaha hinaveza kuYelusalema. Engilile mutembele, aputukile kuvahangamo vaka-kulanjisa navakakulanda mutembele, jimesa javakakutambasana jimbongo ajikatumwine, navitwamo vyavaka-kulanjisa tutela nawa.

16Ketavile mutu kumbata cuma nakupulasana naco mutembeleko.

17Kaha avanangwilenga nakuvamba ngwenyi, Kavasonekako numba? ngwavo, #Isa. 56.7.Zuvo yami navakayivulukanga ngwavo, Zuvo yakulombela yavaka-mafuci osena. Oloze #Yele. 7.11.enu munayitenge nge muutwamo wavihwanga.

18Vapilixitu vavalemu navakakusoneka vacivwile. Kaha vasakilenga ngwavo, vawane mwakumujihila, mwomwo vamwivwile woma, mwomwo vatu vosena vapwilenga nakulihomokela kukunangula cenyi, xikaho.

19Kaha #Luka 21.37.hakulembalemba calikumbi valovokele munganda.

Mazu akulilweza kumukuyu wakuma

(Mateu 21.19-22)

20Hakupalikako nacimene, vamwene #v. 12-14.uze mukuyu unomu lyehi cau, kufuma kumiji yawo.

21Petulu hakuvezuka amwambile ngwenyi, Ove #11.21:Tala 9.5.Lapi, tala, ou mukuyu wangulanga unomu lyehi cau.

22Yesu amukumbulwile nakuvamba ngwenyi, #Mateu 17.20; Luka 17.6.Mufwelelenunga Kalunga.

23Mwomwo Camwenemwene nangumilweza ngwami, Wose mwamba kupili yino ngwenyi, Tutuluka, kalimbile mukalungalwiji, nge kexi kukakasana mumucima wenyiko, oloze mwafwelela ngwenyi, Omu ngunambe namusoloka, mumwamona vene.

24Xikaho nangumilweza ngwami, Vyuma vyosena, #Mateu 7.7-8.vyexovyo namulomba nakusaka, vifwelelenu ngwenu, Natuvitambula, kaha namuvimona.

25Kaha cosena namwimana nakulomba, #Mateu 6.14-15; 18.35.kaci nge muli nacuma namutu, mukonekelenuco, mangana naSenu ali mwilu nawa amikonekelenu vilinga vyenu vyakuhingika.

26Oloze kaci nge enu kamwexi kuvakonekela vakwenuko, kaha cipwe Senu ali mwilu nawa kexi kumikonekela havilinga vyenu vyakuhingikako.

Ngolo jaYesu navajihula

(Mateu 21.23-27; Luka 20.1-8)

27Kaha hinavaheta ceka kuYelusalema. Omu apwile nakutambuka mutembele, vapilixitu vavalemu navaka-kusoneka navakulwane vejile kuli Ikiye,

28kaha vamwihwile ngwavo, Vyumevi uli nakuvilinga nangolo jika? Kahou akuhana ngolo eji mangana ulingenga vyumevi, ikiyeya?

29Yesu avambile ngwenyi, Nangumihula lizu limwe, ngukumbululenu, numbAmi ngumilweze ngolo nguli nakulinga najo vyumevi nawa.

30Ngwenyi, Lumbapaciso lwaYowano lwapwile lwamwilu tahi? nyi lwakuli vatu? ngulwezenu.

31Valihwojwele ngwavo, Kaci nge natumwamba ngwetu, Lwapwile lwamwilu, kaha mwatwamba ngwenyi, Nyi ikaze mwakanyinyine kumwitava?

32Oloze nge natumwamba ngwetu, Lwapwile lwakuli vatu,—vevwilenga woma wavatu, mwomwo vatu vosena vamujinyinenga Yowano ngwavo, Apwile kapolofweto vene, xikaho.

33Vamukumbulwile Yesu ngwavo, Katwatacikijileko. Yesu avambile ngwenyi, Cipwe Ami nawa kangwexi kumilweza ngolo nguli nakulinga najo vyumeviko.

Currently Selected:

MAKO 11: LUE70

Highlight

Copy