Popular Bible Verses from MAKO 11

Share

Xikaho nangumilweza ngwami, Vyuma vyosena, vyexovyo namulomba nakusaka, vifwelelenu ngwenu, Natuvitambula, kaha namuvimona.

Mwomwo Camwenemwene nangumilweza ngwami, Wose mwamba kupili yino ngwenyi, Tutuluka, kalimbile mukalungalwiji, nge kexi kukakasana mumucima wenyiko, oloze mwafwelela ngwenyi, Omu ngunambe namusoloka, mumwamona vene.

Kaha cosena namwimana nakulomba, kaci nge muli nacuma namutu, mukonekelenuco, mangana naSenu ali mwilu nawa amikonekelenu vilinga vyenu vyakuhingika.

Yesu amukumbulwile nakuvamba ngwenyi, Mufwelelenunga Kalunga.

Kaha avanangwilenga nakuvamba ngwenyi, Kavasonekako numba? ngwavo, Zuvo yami navakayivulukanga ngwavo, Zuvo yakulombela yavaka-mafuci osena. Oloze enu munayitenge nge muutwamo wavihwanga.

Navaze vatwaminyinengako navaze vakavilenga munyima vapwile nakutambakana ngwavo, Hozana! VamukisulengOu mweza mulijina lyaYehova.

Ngwavo, Vakisulenga wanganou uli nakwiza, ou vene wakakuluka yetu Ndavici! Hozana muze mwakulitulaho mwilu!