LUKA 7

Yesu mwahindula ndungo yakapitau

(Mateu 8.5-13)

1 # Yowa. 4.46-53. Omu alingile hanakumisa lyehi kuhanjika vihande vyenyi vyosena mumatwitwi avatu, engilile muKapelenau.

2Kaha kwapwile ndungo yakapitau umwe, ou vazangile kuli kaka yenyi, apwile nakuviza, asakile kufwa.

3Uze kapitau omu evwile puho yaYesu amutuminyine vakulwane vavaYuleya vamwe, amulombele ngwenyi, eze amuhindwile uze ndungo yenyi.

4Vakivo hakuheta kuli Yesu vamulembelelele cikuma ngwavo, Ikiye atela umulingile cuma kana,

5 # Vili. 10.2. mwomwo muyaci wetu auzanga, kaha #7.5:Tala 4.16.sunangonga yetu atutungilileyo.

6Kaha Yesu ayile navo. Omu alingile hanahete lyehi kwakamwihi nazuvo, uze kapitau amutuminyine masepa jenyi vamwe, amwambile ngwenyi, Ove Mwata, kanda uliyanjisako, mwomwo kangwatelOve kwingila muzuvo yamiko.

7Ngoco nawa kangwalimwene kutela kwiza kuli Oveko. Oloze ijiva kuhanjika lizu kaha, kaha ngamba yami mwahinduka.

8Mwomwo nayami nawa ngumutu wakwononoka kuli vakulwane, nguli namaswalale vangwononokami. Nangwamba kuli ou ngwami, Yako! kaha himwaya. Kuli weka ngwami, Twaya! kaha himweza. Kuli ndungo yami ngwami, Linga munganji! kaha himwalingamo.

9Yesu hakwivwa vyumevi alikomokelele kuli ikiye, kahalumukile, ambile kuliyongomena lyapwile nakumukava ngwenyi, Nangumilweza ngwami, kanda ngumone lyehi kufwelela cacinene cipwaha ngana, cipwe muli vaIsalele caucimo.

10Kaha vaze vatumine omu vakindulukile kuzuvo, vamuwanyine uze ndungo hanahinduka lyehi.

Yesu mwasangula mwanauze pwevo watuliwe kuNane

11Kaha casolokele, hakuximbula cacindende, Yesu ayile kwimbo vavuiuka ngwavo, Nane, natumbaji twenyi nawa ayile navo, naliyongomena lyalinene.

12Omu ahetele kwakamwihi nacikolo calimbo lize, amwene vatu vali nakulovoka, vanakulika mufu walunga, ikiye mwana umwe lyamunwe kuli naye, naye nawa tuliwe. Kaha vatu vamwimbo vavavulu vapwile nanaye.

13 # 7.19; 10.1; 11.39; 12.42; 13.15; 17.5-6; 18.6; 19.8; 22.61; 24.3. Mwata hakumumona amwivwilile keke, amwambile ngwenyi, Kanda ulilako.

14Aswenyeleko, asalikile livoko lyenyi kumusela, kaha vaze vaukulikile Vemanyine kwavo. Ambile ngwenyi, Ove mwanalunga, nangukwamba ngwami, Hinduka.

15Kahou afwile akondomokele, aputukile kuhanjika. Kaha Yesu amuhanyine kuli naye.

16Vatu vosena vevwile woma, vamutohwesele Kalunga Vambile ngwavo, Muli etu munasoloka #v. 39; 24.19; Mateu 21.11; Yowa. 6.14.kapolofweto wamunene. Ngwavo, Kalunga navalakana vatu jenyi.

17Puho eyi yakumuvuluka yafumakanyine namuYuleya mwosena namumafuci aze ahatako.

Vaze atumine uze muka-kumbapacisa vatu Yowano

(Mateu 11.2-19)

18Jino tumbaji twaYowano vamulwezele Yowano kuvyuma vyosenevi.

19Yowano asanyikile tumbaji twenyi vavali veze kuli ikiye, avatumine kuli Mwata nakumwihula ngwenyi, Ove yove vene Uze mweza tahi? nyi Ou tuli nakutalilila weka?

20Vaze malunga omu vejile kuli Ikiye, vamwambile ngwavo, Mukakumbapacisa vatu Yowano natutumu kuli Ove nakukwihula ngwenyi, Ove yove vene Uze mweza tahi? nyi Ou tuli nakutalilila weka?

21Halwola luze #Mateu 4.23; Mako 3.10.ahindwile vatu vavavulu kumisongo yavo nakuvihuli vyavo nakuli vaxipilitu vavapi, kaha atonesele tupuputa vavavulu.

22Kaha avakumbulwile ngwenyi, Yenu mukamwambulile Yowano evi munamono nevi munevu. Ngwenu, #Isa. 29.18-19; 35.5-6.Tupuputa vali nakutona, vakakumbilikita vali nakutambuka, vakambumba vali nakutoma, tujikamatwitwi vali nakujikuka, vafu vali nakusanguka, #4.18-19; Isa. 61.1.vaka-kuhutwa vali nakuvambulila mujimbu wamwaza.

23Kaha atokwa Wexowo mwakana kumona cakumufuiwisa muli Ami.

24Kahomu valingile vaze vatumine kuli Yowano hivanakatuka lyehi, aputukile kuhanjika kumayongomena nakumuvuluka Yowano ngwenyi, Mwalovokele nakuya mupambo ngwenu, mukatale ika? Lihongo lyakunyikisa kupeho tahi?

25Nyize mwalovokele ngwenu, mukamone ika? Mutu wakuvwala mahina amavwovu tahi? Ivwenu, ava vavwala mahina aupahu, ava vatwama mwawangana, vali muvipango vyavamyangana.

26Oloze mwalovokele ngwenu, mukamone ika? Kapolofweto tahi? Nangumilweza ngwami, Mwomwo vene, ou nahambakana kapolofweto cikuma.

27Ou you vene uze vavuiuka hakusoneka ngwavo,

# Mala. 3.1; Mateu 11.10; Mako 1.2. Tala, nangukatuma muluwa wami kumeso ove,

Ikiye mwakalongesa jila yove kulutwe lwove.

28Nangumilweza ngwami, Muli vakusemuwa kuli mapwevo kamwexi weka naumwe wakumuhambakana Yowanoko. Oloze cipwe ngoco, uze napu wamundende kaha muwangana waKalunga ikiye namuhambakana.

29Kaha vatu vosena hakucivwa, navaka-kukonga milambu nawa, vamusambixile Kalunga, mwomwo #3.12; Mateu 21.32.vavambapacixile kukumbapacisa caYowano, xikaho.

30Oloze vaFwaliseu #Mateu 22.35.navaka-jiximbi valeunwine punga yaKalunga yahali vakivo, mwomwo kavavambapacixile kuli Yowanoko, xikaho.

31Mwata ambile ngwenyi, Kahaze vatu vaka-tanga yino nanguvafwanyisa nge ika?

32Vanafwane nge vanyike, ava vanatwame kucilanjilo, navalisanyika navakwavo navalyamba ngwavo, Tunamimbila jipanda, oloze kamwakinyineko, ngwavo, Tunamimbila lungungu, oloze kamwalilileko.

33Mwomwo muka-kumbapacisa vatu Yowano neza, #1.15.alilenga mboloko, kanwinenga vinyoko, kaha hinamwamba ngwenu, Ali nandemone, xikaho.

34Mwanamutu neza, #5.29; 15.1-2; 7.36-50.eji kulyanga eji kunwanga, kaha hinamwamba ngwenu, Talenu mutu muka-kufwa hakulya nahakunwa vinyo, sepa lyavaka-kukonga milambu navaka-xili!

35Oloze mangana vanawasambisa kuli vana vawo vosena.

Yesu hakupwa muzuvo yayauze kaFwaliseu Ximona

36 # Mateu 26.6-13; Mako 14.3-9; Yowa. 12.1-8; Luka 8.48. Kuli vaFwaliseu kwapwile umwe #11.37; 14.1.amusakile Yesu ngwenyi, alye nenyi. Engilile muzuvo yayauze kaFwaliseu, asendavalile kumesa.

37Kaha kumana, kwejile pwevo wamwimbo lize, apwile muka-xili, omu atacikijile ngwenyi, Yesu nasendavala kumesa muzuvo yakaFwaliseu, anehele saji yalilolwa lyaunga yamaji.

38Emanyine munyima kumahinji enyi nakulila, aputukile kuzovesa mahinji enyi namasoji enyi, kaha awahunjile najikambu jakumutwe wenyi, amusweswenyele cikuma kumahinji enyi, awakwicile aze maji.

39Jino kaFwaliseu uze asanyikile Yesu, omu acimwene, alyambile mumucima wenyi ngwenyi, Kaci ou lunga apwanga #v. 16; 24.19; Mateu 21.11; Yowa. 6.14.kapolofweto, kaci natacikizou pwevo namusalika livoko lyenyi nomu apwa, mwomwo ikiye muka-xili.

40Yesu amukumbulwile ngwenyi, Ove Ximona, nguli nalizu limwe nangusaka kukulwezalyo. Ikiye ngwenyi, Ove muka-kunangula, ijiva kuhanjika.

41Ngwenyi, Kwapwile mutu mukakulevanyisa apwile navaka-mikuli yenyi vavali. Umwe apwile namukuli #7.41:Ndenali yimwe yapwile kafwe sikisi natiki.wajindenali makulukaji atanu, mukwavo apwile namukuli wamakumi atanu.

42Omu #Mateu 18.25.vahonene vyakukuka, avakonekelele vosena vavali. Kaha kuli vakivo umwe ulihi mwahambakana kumuzanga?

43Ximona amukumbulwile ngwenyi, Ami ngwami, ou vene akonekelele waunene. Yesu amwambile ngwenyi, #10.28.Unayulu mwakwoloka.

44Kaha asetumukile nakumutala uze pwevo, amwambile Ximona ngwenyi, Unamumono uno pwevo nyi? Ami hakwingila muzuvo yove, ove #Kupu. 18.4; 19.2; 43.24; Kuyu. 19.21.kawanguhanyine meya akusana kumahinji amiko, oloze ikiye nazovesa mahinji ami namasoji enyi, nawahundu najikambu jenyi.

45Ove #Samwe. 2, 15.5.kawangusweswenyeleko, oloze ikiye kufumisa hakwingila cami muno kalitwaminyine kungusweswenya cikuma kumahinji amiko.

46Kawanguwavixile maji kumutwe wamiko, oloze ikiye nangukwici maji kumahinji ami.

47Xikaho nangukulweza ngwami, Milonga yenyi yaxili, eyi yinapu yayivulu, vanamukonekelayo, mwomwo anguzanga cikuma. Oloze ou vanakonekela yayindende kaha anguzanga cacindende kaha.

48Kahambile kuli uze pwevo ngwenyi, #Mateu 9.2; Mako 2.5; Luka 5.20.Milonga yove yaxili vanakukonekelayo lyehi.

49Vaze vapwile nakusendavala nenyi hamwe vaputukile kulihwojola mumicima yavo ngwavo,

50Ou youwiyaze mwakonekela cipwe milonga yaxili? Kaha Yesu amwambile uze pwevo ngwenyi, #Mateu 9.22; Mako 5.Kufwelela cove Cinakulwili, yakonga nakuunda.

Mapwevo vamwe naveza naYesu

Currently Selected:

LUKA 7: LUE70

Highlight

Copy