Popular Bible Verses from LUKA 7

Share

Xikaho nangukulweza ngwami, Milonga yenyi yaxili, eyi yinapu yayivulu, vanamukonekelayo, mwomwo anguzanga cikuma. Oloze ou vanakonekela yayindende kaha anguzanga cacindende kaha. Kahambile kuli uze pwevo ngwenyi, Milonga yove yaxili vanakukonekelayo lyehi.

Ou youwiyaze mwakonekela cipwe milonga yaxili? Kaha Yesu amwambile uze pwevo ngwenyi, Kufwelela cove Cinakulwili, yakonga nakuunda.

Emanyine munyima kumahinji enyi nakulila, aputukile kuzovesa mahinji enyi namasoji enyi, kaha awahunjile najikambu jakumutwe wenyi, amusweswenyele cikuma kumahinji enyi, awakwicile aze maji.

Ngoco nawa kangwalimwene kutela kwiza kuli Oveko. Oloze ijiva kuhanjika lizu kaha, kaha ngamba yami mwahinduka. Mwomwo nayami nawa ngumutu wakwononoka kuli vakulwane, nguli namaswalale vangwononokami. Nangwamba kuli ou ngwami, Yako! kaha himwaya. Kuli weka ngwami, Twaya! kaha himweza. Kuli ndungo yami ngwami, Linga munganji! kaha himwalingamo. Yesu hakwivwa vyumevi alikomokelele kuli ikiye, kahalumukile, ambile kuliyongomena lyapwile nakumukava ngwenyi, Nangumilweza ngwami, kanda ngumone lyehi kufwelela cacinene cipwaha ngana, cipwe muli vaIsalele caucimo.

Halwola luze ahindwile vatu vavavulu kumisongo yavo nakuvihuli vyavo nakuli vaxipilitu vavapi, kaha atonesele tupuputa vavavulu. Kaha avakumbulwile ngwenyi, Yenu mukamwambulile Yowano evi munamono nevi munevu. Ngwenu, Tupuputa vali nakutona, vakakumbilikita vali nakutambuka, vakambumba vali nakutoma, tujikamatwitwi vali nakujikuka, vafu vali nakusanguka, vaka-kuhutwa vali nakuvambulila mujimbu wamwaza.