Popular Bible Verses from LUKA 8

Share

Kaha jize jamumavu amwaza, ava vakivo vaze hakwivwa mazu navawalamanga namicima yamwaza yamwenemwene, kaha navakemanga nalukakacila.

Jize jaholokelele mumingonga, ava vakivo vaze vanevu, kaha hakuya navakiva hakuzakama naluheto naviseke vyahakaye, kaha kavexi kwima mwamwenemweneko.

Ava vahalilolwa, vakivo vene vaze hakwivwa navawetavila mazu nakuwahilila, oloze vakivo kavexi namijiko, navetava hatando yayindende kaha, oloze hamwaka wakuveseka hinavalimbuka.

Avehwile ngwenyi, Kufwelela cenu cilihize? Vakivo vevwile woma, valikomokelele, valihwojwele ngwavo, Kahou youwiyaze numbambe cipwe napeho nameya, kaha vyononokenga ngana kuli ikiye?

Ava vakukulo yajila, vakivo vene vaze vanevu, kaha liyavolo himweza nakufumisa mazu mumicima yavo, kucina navetava nakulilwila.

Mwomwo kakwexi cuma cakuvumbama cimwe navakahona kusololako, cipwe cuma cakusweka cimwe navakahona kutacikiza nakulowela kumusanako.

Uze pwevo omu amwene ngwenyi, Ngunahono kuswama, ejile nakucikima, alimbilile hamavu kumeso enyi, amulwezele kumeso avatu vosena nomu amusalikilanga, nomu nahindukila linwomu. Kaha Ikiye amwambile ngwenyi, Ove mwanami, kufwelela cove cinakuhindula, yakonga nakuunda.

Vapandamine kuli Ikiye, vamuhindwile ngwavo, Ove Mwata, Ove Mwata, tunafu! Ahindukile, ahanjikilile peho nakungwanja cameya, kaha vyaholele kulu, kwaunjile kwakeke.