LUKA 8
8
1Kaha casolokele, kukava muvyumevi, atambwojokele mumembo amanene nawawa amandende, #4.15; Mateu 4.23.nakwambulula mazu nakutwala mujimbu wamwaza wawangana waKalunga, navaze likumi navavali ayile navo hamwe,
2 #
Mako 15.40-41; Mateu 27.55-56; Luka 23.49. namapwevo vamwe nawa, vaze ahindwile kuli vaxipilitu vavapi nakumisongo yavo, ou Maliya wakuMangatala, muli ikiye mwalovokele vandemone vatanu navavali,
3ou Yowana, pwevo lyakaselwa kaHelote Kuza, ou Suzana, naveka nawa vavavulu, vakivo vavakafwilenga naluheto lwavo.
Ciximo camuka-kukuva
(Mateu 13.1-15, 18-23; Mako 4.1-20)
4Omu kwalihomenene liyongomena lyalinene, omu vapwile vakumembo osena nakuumbukila kuli Ikiye, ahanjikile nakuta ciximo ngwenyi,
5Muka-kukuva ayile nakukuva mbuto jenyi. Ikiye hakukuva, jimwe jaholokelele kukulo yajila, kaha vatu vajilyacile, kaha tujila vahelu vajilile.
6Jikwavo jaholokelele halilolwa, kaha linwomu vene jasokele nakumaho, mwomwo kajapwile nameyako, xikaho.
7Jikwavo jaholokelele mukaci kamingonga, kaha yize mingonga yakulile najo hamwe nakujikivisa.
8Jikwavo jaholokelele mumavu amwenemwene, jakulile nakwima, kulinona limwe limwe likulukaji likulukaji. Omu ahanjikile vyumevi, atambakanyine ngwenyi, #Mateu 11.15.Ou ali namatwitwi akwivwa, evwilile.
9Kaha tumbaji twenyi Vamwihwile ngwavo, Ciximo eci mucaya mulihi?
10Avambile ngwenyi, Enu vanamihane kutacikiza vyuma vyawangana waKalunga vyakusweka, oloze kuli veka naviximo kaha, mangana hakutala vahone kumona, kaha hakwivwa vahone kumona mwalumbunukila mangana.
11Kaha jino, ciximo kana mucaya ngana. #Teso. 1, 2.13; Petu. 1, 1.23.Mbuto jikiko mazu aKalunga.
12Ava vakukulo yajila, vakivo vene vaze vanevu, kaha liyavolo himweza nakufumisa mazu mumicima yavo, kucina navetava nakulilwila.
13Ava vahalilolwa, vakivo vene vaze hakwivwa navawetavila mazu nakuwahilila, oloze vakivo kavexi namijiko, navetava hatando yayindende kaha, oloze hamwaka wakuveseka hinavalimbuka.
14Jize jaholokelele mumingonga, ava vakivo vaze vanevu, kaha hakuya navakiva hakuzakama naluheto naviseke vyahakaye, kaha kavexi kwima mwamwenemweneko.
15Kaha jize jamumavu amwaza, ava vakivo vaze hakwivwa mazu navawalamanga namicima yamwaza yamwenemwene, kaha navakemanga nalukakacila.
Linongo lyakufwikila mumbango
(Mako 4.21-25)
16 #
11.33; Mateu 5.15. Kakwexi mutu umwe mwawika linongo nakulifwikila mumbangoko, cipwe kulihaka muxi yakahela, oloze mwalihaka halitanda lyalyo, mangana vaze navengila muzuvo vamone kumunyika calyo.
17 #
12.2; Mateu 10.26-27. Mwomwo kakwexi cuma cakuvumbama cimwe navakahona kusololako, cipwe cuma cakusweka cimwe navakahona kutacikiza nakulowela kumusanako.
18Xikaho nyingililenungomu muli nakwivwa, #19.26; Mateu 13.12; 25.29.mwomwo wose ali navyuma navakamuwezelako. Oloze wose navizeneka, cipwe cize naxinganyeka ngwenyi, Nguli naco, navakamutambulaco.
Naye yaYesu navandumbwenyi
(Mateu 12.46-50; Mako 3.31-35)
19Jino naye navandumbwenyi vejile kuli Ikiye, oloze kavahaxile kupandama kuli Ikiyeko, mwomwo lizavu lyavatu.
20Kaha vatu vamulwezele ngwavo, Noko navandumbwove vanemana haweluka, vanasake ngwavo, vakumone.
21Oloze avakumbulwile ngwenyi, #11.28; Yowa. 15.14. ava veji kwivwililanga mazu aKalunga nakuwalinganga, vakivo vene vanapu vamama navandumbwami.
Yesu ntwaholesa nyamanganda
(Mateu 8.23-27; Mako 4.35-41)
22Kaha casolokele hamakumbi aze, likumbi limwe vengilile muwato naivene natumbaji twenyi. Kaha avambile ngwenyi, Tuzaukenu tuyenu musali yacijiva. Kaha vasunwine wato.
23Oloze vakivo hakuya, Yesu asavalile tulo. Kucijiva kwahuhwile peho yanyamanganda, kaha wato wasakile kuzala nameya, wasakile kuvomba.
24Vapandamine kuli Ikiye, vamuhindwile ngwavo, #5.5; 8.45; 9.33, 49; 17.13.Ove Mwata, Ove Mwata, tunafu! Ahindukile, ahanjikilile peho nakungwanja cameya, kaha vyaholele kulu, kwaunjile kwakeke.
25Avehwile ngwenyi, Kufwelela cenu cilihize? Vakivo vevwile woma, valikomokelele, valihwojwele ngwavo, Kahou youwiyaze numbambe cipwe napeho nameya, kaha vyononokenga ngana kuli ikiye?
Muka-ndemone wakuNgelase navamuhindula
(Mateu 8.28-34; Mako 5.1-20)
26Kaha Vahetele kulifuci lyavakaNgelase, lyamusali yacijiva, Nakulitalasana nalifuci lyaNgalileya.
27Omu alingile hanalovoka lyehi muwato hanayi hatunda, kwamuhumanganyine lunga wamwimbo lize, apwile navandemone. Aximbwilenga cikuma cakuzeneka kuvwala mahina, katwaminenga muzuvoko, xina muvimbumbe kaha.
28Omu amwene Yesu, atetele nakulimbila hamavu kumeso enyi, amwambile nalizu lyakukanguka ngwenyi, Ove Yesu, Ove #Mako 5.7.MwanaKalungOu alitulaho, #Mateu 8.29; Mako 1.24; Yowa. 2.4.unambe kulinga muka nayami? Ngunakulembelela, kanda unguyanjisako.
29Mwomwo amwambile uze Xipilitu wamupi ngwenyi, alovoke muli uze lunga, xikaho. Mwomwo uze ndemone amukwacilenga kakavulu, kaha vatu vamulaminenga nakumukasa malenge najikuli, oloze vize Vamukaxile avimbitwojwele mbitumbitu, kaha vamulalwililenga kuli uze ndemone mupambo yamokomoko.
30Yesu amwihwile ngwenyi, Lijina lyove yoveya? Ikiye amwambile ngwenyi, Yami Liyongomena, mwomwo vandemone vavavulu vengilile muli ikiye, xikaho.
31Kaha vamulembelelele Yesu ngwavo, Kanda utuhangila muze #Kuso. 9.2, 11; 11.7; 17.8.muwina wakuzeneka kukumako.
32Jino kuze kwapwile utanga wavangulu vavavulu vapwile nakulya kuze kupili. Vaze vandemone vamulembelelele ngwavo, etave vengile muli vakivo. Avetavilile.
33Vaze vandemone valovokele muli uze mutu, vayile vengilile muli vaze vangulu, kaha uze utanga wangulumukilile kuze kwakungulumuka cu namucijiva, kaha vafwile mumeya.
34Tufunga twavo omu vamwene cuma kana cinasoloka, vacinyine, vacambulwile mwimbo lize namulifuci lize.
35Kaha vatu vayile vakatale cuma kana casolokele. Vahetele kuli Yesu, kaha uze mutu alovokele vaze vandemone vamuwanyine hanatwame lyehi kumahinji aYesu, navwale, naliunjika lyehi, kaha vevwile woma.
36Vaze vacimwene vavambulilile omu vamuhindwilile uze apwile navandemone.
37Kaha vatu vosena vakulifuci lyavaka-Ngelase lyosena vamulembelelele Yesu ngwavo, avaseze, mwomwo vevwile woma cikuma, xikaho. Kaha Ikiye engilile muwato, akindulukile.
38Oloze uze lunga alovokele vaze vandemone amulembelelele ngwenyi, amwitavile ayenga nenyi. Oloze Yesu amusuwile ngwenyi,
39Hiluka kuzuvo yove ukambululenga vyuma vyavinene vipwaha nakulingila Kalunga. Ayile, kaha vyuma vyavinene vize vamulingilile kuli Yesu avyambulwilenga mwimbo lize lyosena.
MwanaYailu, napwevo uze asalikile livoko lyenyi kulihina lyaYesu
(Mateu 9.18-26; Mako 5.21-43)
40Yesu omu akindulukile, liyongomena lyamusambililile, mwomwo vosena vapwile nakumuvandamina, xikaho.
41Kaha kumana, kwejile lunga, lijina lyenyi apwile ikiye Yailu, ikiye apwile #Mako 5.22. mukulwane #8.41:Tala 4.16.wasunangonga. Alimbilile hamavu kumahinji aYesu nakumulembelela ngwenyi, eze kuzuvo yenyi.
42Mwomwo apwile namwanenyi umwe kaha lyamunwe, wapwevo, kafwe wamyaka likumi nayivali, apwile nakufwa. Oloze Yesu hakuyako, mayongomena apwile nakumuxindakana.
43Kaha kwapwile pwevo apwilenga namusongo wakuhicisa manyinga myaka likumi nayivali, amanyixile lyehi vikumba vyenyi vyosena kuli vimbuke, oloze naumwe pimbi ahaxile kumuhindula.
44Ikiye ejile munyima yenyi, asalikile livoko lyenyi kuzombo jalihina lyenyi, kaha linwomu vene manyinga apwilenga nakuhita omine cau.
45Yesu ambile ngwenyi, Ou nangusalika livoko lyenyi iya? Omu vahamikile vosena, Petulu navaze apwile navo vamwambile ngwavo, #5.5.Ove Mwata, mayongomena ali nakukujingilika nakukuxindakana.
46Oloze Yesu ambile ngwenyi, Kuli mutu angusalikanga livoko, mwomwo Ami ngunevu muli Ami munalovoka #5.17; 6.19.ngolo.
47Uze pwevo omu amwene ngwenyi, Ngunahono kuswama, ejile nakucikima, alimbilile hamavu kumeso enyi, amulwezele kumeso avatu vosena nomu amusalikilanga, nomu nahindukila linwomu.
48Kaha Ikiye amwambile ngwenyi, Ove mwanami, #7.50; 17.19; 18.42; Mateu 9.22.kufwelela cove #8.48:Mokomoko ngwenyi, Cinakulwili.cinakuhindula, yakonga nakuunda.
49Ximbu apwile acili nakuhanjika, hinakwiza mutu wakuzuvo yayauze mukulwane wasunangonga, amwambile ngwenyi, Mwanove nafu lyehi. Ngwenyi, Kanda umuyanjisa ceka muka-kunangulako.
50Oloze Yesu hakucivwa amwambile ngwenyi, Kanda wivwa womako, ijiva kufwelela kaha, kaha mwanove mwakahinduka.
51Ikiye hakuheta kuzuvo, ketavilile mutu kwingilamoko, kuvanga Petulu kaha naYowano naYakova, naise yayauze mwanapwevo nanaye.
52Vatu vosena vapwile nakulila nakumuyengayengela uze mwanapwevo, oloze Ikiye avambile ngwenyi, Kanda mulilako, mwomwo kafwileko, #Yowa. 11.13.nasavala tulo kaha.
53Kaha vamungumukile wo! hakutacikiza ngwavo, Nafu lyehi.
54Oloze Ikiye amukwacile kulivoko lyenyi, amusanyikile ngwenyi, Ove mwanapwevo, hinduka.
55Xipilitu yenyi yahilukile ceka, kaha linwomu vene akatukile. Yesu avalwezele ngwenyi, vamuhane kulya.
56Visemi vyenyi vafwile cixima, oloze Yesu avalwezele ngwenyi, Eci ngunalingi #9.21; Mateu 8.4; Mako 3.12; 7.36.kanda mukacambulula cipwe kuli mutu umweko.
Currently Selected:
LUKA 8: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
