Popular Bible Verses from LUKA 6

Share

Hanenunga kuli vakwenu, kaha navakamihana cesekelo camwenemwene, cakukokenya, cakunyukumuna, cato lakalaka, navakamihanaco mujitulo jenu. Mwomwo cesekeloco mweji kwesekelanga naco vakwenu, cinavakamyesekela naco nayenu nawa.

Mutu wamwenemwene, kuluheto lwamwenemwene lwamumucima wenyi mwalovolako eci Camwenemwene, kaha mutu wamupi, kuluheto lwenyi lwalupi mwalovolako eci cacipi. Mwomwo kanwa kamutu keji kuhanjikangevi vinavulu mumucima wenyi, xikaho.

Oloze vazangenunga vaka-kole jenu, valingenunga mwamwaza, hanenunga cakuzeneka kuhomba, kaha fweto yenu nayikatohwa, kaha namupwanga muvana vayOu-alitulaho, mwomwo Ikiye atwama nalikoji nakuli vaze vazeneka kumusakwilila nakuli vavapi.

Xikaho pwenunga muvakakutetela vakwenu nge mwanapu Senu Muka-kutetela.

Kanda mukahana vakwenu milongako, kahenu nawa kavexi kukamihana milongako. Kanda mukapayisa vakwenuko, kahenu nawa kavexi kukamipayisako. Vakonekelenunga vakwenu, kaha navakamikonekela.

Oloze nangumilwezenu vakakwivwilila ngwami, Vazangenunga vaka-kole jenu, lingenunga mwamwaza kuli ava vamihunga, vakisulenungava navamyangula, valombelenungava navamisaula.

Omu mwasaka ngwenu, vatu vamilingilenu, valingilenunga mwomumwe.

Ou mwakuveta mbanda halikili limwe, mwalumwine nalikwavo nawa. Ou mwakutambula mbinja yove, kanda umukanyisako kutambula nacikuto cove nawa. Wose mwakulomba muhane, kahou mwakutambula vikumba vyove kanda ukamwihulavyo cekako.

Mwomwo kakwexi mutondo wamwaza weji kwimanga mihako yamokomokoko, kaha kakwexi mutondo wamokomoko weji kwimanga mihako yamwazako.

Mwomwo mutondo himutondo navautacikijila kumihako yawo. Mwomwo Kumingonga vatu kavexi kwahako jikuyuko, cipwe kucikwata kavexi kuhelako mihako yavinyoko.