Matayo 7
7
Ngolo kop ne Jo Icegun
(Luka 6.37-38, 41-42)
1“Kur ingolunu kop ne jo icegun me wek kur ngol kop ne wuda. 2#Marako 4.24Pien Rubanga bino ngolo ne wu kop iepone acel nono kame wun ingolunu ne kede jo apat, doko ebino ngolo ne wu kop di epimo rom mere kede kop kame wuda ingolunu ne jo apat. 3Pinyo kame mio in ineno apoke kame tie i wang ngawoti, do di likame iko twero neno isiki kame tie i wangi? 4Arabo benyo benyo kame in isobolo waco ne kede ngawoti be, ‘Wek akwany apoke kame tie i wangi,’ do di ida kikomi isiki orire i wangi? 5In ngaecuke, gei ber kwanyo isiki kame tie i wangi di do wangi ko doko bit me kwanyo apoke kame tie i wang ngawoti.
6“Kur imiunu igwogin gikacil i nyim Rubanga, pien kibino lokere suro wu. Doko kur iucunu ne ipegei bira me wel adwong, pien kibino donyo nyonyono gi kede tien gi.
Kwai, Moi, Kukungo
(Luka 11.9-13)
7“Kwaunu, kobino mino wu; mounu, ibinunu udo; kukungunu ekeko, kobino yabo ne wu. 8Pien ngat acelacel kame kwao komie, doko ngat kame mo eudo, kede dano kame kukungo ekeko koyabo ne. 9Ngai kikom wu ka atin mere openye mugati en emio engaro? 10Arabo ka epenyo deknam, en emio twol? 11Ka do ber wun jo areco ingeunu mino idwe wu giamia kame beco, do kalamo mano tien adi en kame Papa wu me i malo bino mino jamini kame beco but jo kame kwae!
12 #
Luka 6.31
“Pi mano, tim ne jo apat da gikame in imito be koto gida kitimo ne ida, pien man en Iswil ka Musa kede pwony me inabin.
Ekeko Adiding
(Luka 13.24)
13“Donyunu ki erute adiding, pien erute kame tero jo i to me nakanaka lac, doko yongayo mere lubo yoyot; jo kame donyo ki erute nono tot. 14Pien erute kame donyo i kuo kame bedo nakanaka diding, doko lubo yongayo mere tek; jo kame ude nonok.
Yat kede Anyakini mere
(Luka 6.43-44)
15“Gwokerenu i kom inabin me angalo, kame bino butu di kicuko be kimwol bala romini, do di i ateni kical bala ipeon ager. 16Ibinunu ngeno gi kede tice gi kame kitimo. Benyo, kokaruno ngwedo anyakini me olok ki kom okuto, amoto anyakini me epigi kokaruno ngwedo kikom ocokocok? 17Yat kame kome yot nyako anyakini abeco, do yat kodubere nyako anyakini areco. 18Yat kame kome yot likame karuno nyako anyakini areco, doko yat kodubere da likame karuno nyako anyakini abeco. 19#Matayo 3.10; Luka 3.9Yat acelacel kalikame nyako anyakini abeco kotonge piny di oko uce i mac. 20#Matayo 12.33Pi mano, ibinunu ngeno inabin me angalo kede tice gi.
Ango Likame oudo Angei
(Luka 13.25-27)
21“Likame ngat acelacel kame lwonga be, ‘Rwot, Rwot,’ bino donyo i Ajakanut me malo, do kenekene ngat kame timo gikame Papa na me i malo mito ne timo en kame bino donyo iye. 22I ceng me ngolo kop jo atot bino waco na be, ‘Rwot, Rwot, wan bin otatamo kop ka Rubanga i nyingi bobo di oriamo jwogi, kede di otimo tice me twer atot i nyingi!’ 23#Sabuli 6.8Do ango ako bino waco ne gi be, ‘Ango gira akwia wu, irwaunu tenge ki nyima, wun jo kame timo gikareco.’
Jogedo Are
(Luka 6.47-49)
24“Aso, ngat acelacel kame winyo kope na gi, di eko timo gikame ango awaco, udo ecal kede ngarieko kame ogero ode i wi lela. 25Kot di oko cwei, ariram oko bino, di yamo atek oko buko i kom ot nono, do likame en eko poto, pien oudo kogere i wi lela.
26“Do ngat acelacel kame winyo kope na nogi di likame en eko timo gikame awaco, udo ecal kede ngamingo kame ogero ode i asinge. 27Kot di oko cwei, ariram oko bino, kede yamo atek oko buko i kom ot nono, di en eko arwacakin piny, doko arwacakin mere obedo dwong adikinicel.”
28 #
Marako 1.22; Luka 4.32 I kare kame Yesu otieko waco kede kope go, ekodet kame oudo tie kuno oko uro epone kame epwonyo kede, 29pien oudo epwonyo kede akarunikin, weko bala bin jopwony me Iswil.
Currently Selected:
Matayo 7: BILKDC13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.