Popular Bible Verses from Matayo 7

Share

“Kwaunu, kobino mino wu; mounu, ibinunu udo; kukungunu ekeko, kobino yabo ne wu.

Pien ngat acelacel kame kwao komie, doko ngat kame mo eudo, kede dano kame kukungo ekeko koyabo ne.

“Aso, ngat acelacel kame winyo kope na gi, di eko timo gikame ango awaco, udo ecal kede ngarieko kame ogero ode i wi lela.

“Pi mano, tim ne jo apat da gikame in imito be koto gida kitimo ne ida, pien man en Iswil ka Musa kede pwony me inabin.

Pien erute kame donyo i kuo kame bedo nakanaka diding, doko lubo yongayo mere tek; jo kame ude nonok.

“Donyunu ki erute adiding, pien erute kame tero jo i to me nakanaka lac, doko yongayo mere lubo yoyot; jo kame donyo ki erute nono tot.

Ka do ber wun jo areco ingeunu mino idwe wu giamia kame beco, do kalamo mano tien adi en kame Papa wu me i malo bino mino jamini kame beco but jo kame kwae!

“Kur ingolunu kop ne jo icegun me wek kur ngol kop ne wuda. Pien Rubanga bino ngolo ne wu kop iepone acel nono kame wun ingolunu ne kede jo apat, doko ebino ngolo ne wu kop di epimo rom mere kede kop kame wuda ingolunu ne jo apat.

“Do ngat acelacel kame winyo kope na nogi di likame en eko timo gikame awaco, udo ecal kede ngamingo kame ogero ode i asinge.

Pinyo kame mio in ineno apoke kame tie i wang ngawoti, do di likame iko twero neno isiki kame tie i wangi? Arabo benyo benyo kame in isobolo waco ne kede ngawoti be, ‘Wek akwany apoke kame tie i wangi,’ do di ida kikomi isiki orire i wangi?

“Gwokerenu i kom inabin me angalo, kame bino butu di kicuko be kimwol bala romini, do di i ateni kical bala ipeon ager. Ibinunu ngeno gi kede tice gi kame kitimo. Benyo, kokaruno ngwedo anyakini me olok ki kom okuto, amoto anyakini me epigi kokaruno ngwedo kikom ocokocok?

Yat kame kome yot nyako anyakini abeco, do yat kodubere nyako anyakini areco.

Yat kame kome yot likame karuno nyako anyakini areco, doko yat kodubere da likame karuno nyako anyakini abeco.

Yat acelacel kalikame nyako anyakini abeco kotonge piny di oko uce i mac.