Tice 7

Kop kame Sitepano Owaco i nyim Kansulo

1Ngatel Josaseredoti oko penyo Sitepano be, “Kope go tie me ateni?”

2 # Ageini 12.1 Sitepano oko dwoko be, “Imiegu kede joapapi na, winyunu gikame ayaro waco; Rubanga me deyo bin oneeno but kwaru wa Aburaam i kare no di en oudo etie i piny me Mesopotamia, di pwodi likame edak bedo i piny me Aran, 3di eko waco ne be, ‘Yai tenge ki pinyu kede kibut joawade ni, iko ot i piny kame ango abino nyuto ni.’ 4#Ageini 11.31; 12.4Kikano Aburaam oko yai ki piny me jo Kaludaya, di eko ot bedo i piny me Aran. Ingei to ka papa mere, Rubanga oko kwanye ki kuno oko kele i piny kame nan wun ibedunu iye noni. 5#Ageini 12.7; 13.15; 15.18; 17.8Do Rubanga likame oko mine gimoro kiye pi doko mere, akadi kakame rom kede boro me tien dano, do en ecikere pi mine piny nono doko mere, en karacel kede ikwae mege, bed bala oudo eli kede atin. 6#Ageini 15.13-14Rubanga oko waco ne be ikwae mege bino bedo jokumbor i piny me jo apat, kame bino mino gi kidoko ipasoi di kotisilaro gi ki kuno pi mwakini tol ongwon. 7#Yai 3.12Do Rubanga oko waco be, ‘Ango abino ngolo kop ne ateker kame gin kitio ne, i cen mere di gin kiko bino wok kiko wora ki kane.’ 8#Ageini 17.10-14; 21.2-4; 25.26; 29.31—35.18Di do Rubanga oko timo kede Aburaam isikan kame akepo obedo gianena mere. Kikano Aburaam oko nywalo Isaka di eko kepe i ceng me kanyauni, Isaka oko nywalo Yakobo, di Yakobo oko nywalo joakwari wa tomon kiwie are.

9 # Ageini 37.11, 28; 39.2, 21 “Nyeko bin oko mako joakwari wa kede omin gi Yosepu, di kiko cate i piny me Misiri, do Rubanga oudo tie kede, 10#Ageini 41.39-41di Rubanga oko wote ki peko mege dedede. Di Rubanga oko mine winyo kede rieko i nyim Parao, abaka me Misiri. Parao bin oko mino Yosepu bedo ngapug me Misiri dedede, kede bedo ngat kame lo jame mege. 11#Ageini 42.1-2Kec atek bin oko poto i piny me Misiri dedede karacel kede i piny me Kanan da, kame oko kelo can adwong, oko mino joakwari wa obedo li kede cam. 12Do i kare kame bin Yakobo owinyo kede be cam oudo tie Misiri, en eko cwano joakwari wa pi ot kuno tien me agege. 13#Ageini 45.1, 16Kakame kioto kede kuno tien me are, Yosepu oko nyutere but imiegu mege di Parao oko ngeno joe ka Yosepu. 14#Ageini 45.9-10, 17-18; 46.27Di do Yosepu oko lwongo Papa mere Yakobo kede joawade mege dedede pi bino bute, gin jo ot kanyaare kiwie kany. 15#Ageini 46.1-7; 49.33Yakobo oko yai eoto i piny me Misiri. En eko to kuno karacel kede joakwari wa, 16#Ageini 23.3-16; 33.19; 50.7-13; Yosua 24.32di oko dwoko kom gi Sekem, oko yiko gi i ates kame bin Aburaam owilo kede sente kibut awobe ka Kamor i Sekem.

17 # Yai 1.7-8 “Do kakame bin kare me cobere me cikere kame Rubanga oudo omio Aburaam oyapuno tuno kede, wel me jo oko nyai i piny me Misiri, 18tuno kede i kare kame abaka kalikame oudo ngeo Yosepu ogeo kede pug. 19#Yai 1.10-11, 22En eko ngolo rieko ne ateker wa, di en eko dino joakwari wa uco imukerun gi, tetekeny kitoi. 20#Yai 2.2Kare nono en kame oudo konywalo iye Musa; en oudo atin acil i nyim Rubanga. En bin oko pite i ot ka papa mere pi dwete adek, 21#Yai 2.3-10do i kare kame kouce kede, nyar ka Parao oko tere, di eko donyo gwoke bala wode kikokome. 22Di oko pwonyo Musa i rieko dedede me jo me Misiri, di eko doko dano kame tek i yamo kop kede i tice mege.

23 # Yai 2.11-15 “Kakame mwakini mege me dongo oromo kede ot ongwon, cunye oko paro pi ot welao imiegu mege, idwe me Isirael. 24Di bin eudo di dano me Misiri tie timo raco ne dano mere acel, en eko konye di eko nyango kede juto dano me Misiri nono paka to. 25Musa oudo tamo be imiegu mege oudo niang be Rubanga oyaro tic kede en pi lako gi, do kara gin likame oudo kiniang. 26Oru mere en eko ngoole i kom gi, di eko udo jo are di tie lok. En eko mito ribo cuny gi di ewaco ne gi be, ‘Jogi, wun itienu imiegu, pinyo bo komio itienu lok kenu kenu?’ 27Do ngat nono kame oudo tie timo ne ngawote raco oko remoro en tenge di ewaco ne be, ‘Ngai koketi bedo ngapug kede ngangolkop wa? 28Mam imito neka bala kite kame nyoro ineko kede dano me Misiri?’ 29#Yai 18.3-4Kop kame edwoko nono oko mino Musa oringo eoto gwokere i piny me Midian, kakame en eko nywalo kiye awobe are.

30 # Yai 3.1-10 “Ingei Musa bedo i piny me Midian pi mwakini ot ongwon, malaika oko neeno bute i tim i moru me Sinai, i leb mac kame oudo tie liel i amwonin. 31Kakame Musa oneno kede gino, en eko uro di eko nyiko kuno pi mito neno kiber; do en eko winyo dwan Rwot di waco be, 32‘Ango en Rubanga ka joakwari ni, Rubanga ka Aburaam, me ka Isaka kede me ka Yakobo.’ Kom Musa oko miel di likame doko eko kanyakino neno kuno. 33Di Rwot oko waco ne be, ‘Gonyi amuka ki tieni tenge, pien kakame in itie cungo iye noni en kabedo kacil. 34Ango atieko neno epone kame kotie tisilaro kede jo na i Misiri, doko atieko winyo cur gi. Ango nan atieko bino pi lako gi. Nan do bia, amito cwani Misiri.’

35 # Yai 2.14 “Musa noni, ngat kame gin bin kidagi, di kiwaco be, ‘Ngai koketi bedo ngapug kede ngangolkop wa?’ en nono kame Rubanga oko cwano pi bedo ngapug kede pi lako gi pi twer me malaika kame bin oneeno bute i amwonin. 36#Yai 7.5; 14.21; Wel 14.33En etelo gi woto gi di eko kelo gi di etimo gi me isuur kede gianena i piny me Misiri, kede i Nam Akwar, kede i tim pi mwakini ot ongwon. 37#Iswilia 18.15, 18Musa nono en kame bin owaco ne jo me Isirael be, ‘Rubanga bino cwano ne wu enabi kikom imiegu wu, bala kite kame ecwao ango kede.’ 38#Yai 19.1—20.17; Iswilia 5.1-33En noni kame bin etie kede jo me Isirael kocokere i tim; en oudo etie kuno kede joakwari wa karacel kede malaika koyamo kede en i moru me Sinai, di en eko gamo kop ka Rubanga ekelo ne wa. 39Joakwari wa oko dagi winyo kop mere; kiweke di cuny gi oko donyo paro Misiri, 40#Yai 32.1di kiwaco ne Aroni be, ‘In tim ne wa cal mogo bed rubangan, kame bino telo ne wa yongayo; pien wan likame ongeo gikame otieko timere ne Musa, ngat kame bin okwanyo wa ki piny me Misiri.’ 41#Yai 32.2-6Di kiko cweno gimoro kame tie i cal me roya, kiko donyo yalo cal jwogi nono di kilelo pi tic me cing gi. 42#Amosi 5.25-27 Do Rubanga bin oko lokere, di en eko jalo gi woro acerin me malo, bala kite kame kowandiko kede i itabu me inabin be,

“‘Wun jo me Isirael, likame ango

en kame bin ingolonanu leini di ikounu mina giayala

pi mwakini ot ongwon i tim.

43Riki wun iterunu kima me eema ka rubanga kame nyinge Molok,

kede acer me rubanga wu kame nyinge Repan,

gin oudo kibedo cal kame wun oudo itimunu me awora.

Pi mano, ango abino mino kotero wu kakabor kalamo Babilon.’

44 # Yai 25.9, 40 “Joakwari wa bin tie kede kima me eema i tim, kame nyuto tie ka Rubanga. Oudo bin kotime iepone kame Rubanga ngat koyamo kede Musa oudo ociko kede be time. 45#Yosua 3.14-17I cen mere joakwari wa da bin oko game kibut papi gi, di gin karacel kede Yosua kiko donyo kede i piny kame Rubanga oriamo kiye atekerin apat i wang joakwari wa. Man otimere tuno i kare ka Daudi, 46#2 Samuel 7.1-16; 1 Iyutun 17.1-14ngat kame bin oko udo winyo kibut Rubanga, di eko penyo akarunikin pi gero ot ne Rubanga ka Yakobo. 47#1 Abakai 6.1-38; 2 Iyutun 3.1-17Do Sulumani en kame bin oko gero ne Rubanga ot.

48“Aso di Ngamalo Twal likame bedo i ude kame kogero kede cing, bala kite kame bin enabi owaco kede be,

49 # Isaya 66.1-2 “‘Malo en obedo kapug nango,

doko lobo en abanya me teno tiena.

Rwot owaco be, nan do ot acal nadi en kame iyarunu gero nango?

Tuai en kame kawei nango?

50Mam cinga en kotimo gigi dedede?’

51 # Isaya 63.10 “Wun jo kame wi wu tek, jo kame cunyu kwia Rubanga, doko yitu likame winyo kop mere, wun nakanaka ijemunu ne Tipo Kacil. Itienu timo bala kite kame riki papi wu otimo kede. 52Enabi mene kame bin joakwari wu likame otidilo? Gin kineko jo kame bin ogeo tuco sek bino me Ngat Kopoore, kame wun irupaunu di ikounu neko. 53Wun nogi en kame bin igamunu Iswil kame malaika okelo di likame ikounu lube.”

To ka Sitepano

54Kakame jo me kansulo owinyo kede yamo ka Sitepano, kiko doko ger di kom gi miel i kome. 55Do Sitepano oudo opong kede Tipo Kacil, di eko ngoloro malo di eko neno deyo ka Rubanga, di Yesu tie cungo iye i bad tetu cam ka Rubanga. 56En eko waco be, “Nenunu, ango atie neno malo di oyabere, di Wot ka dano tie cungo i bad tetu cam ka Rubanga.”

57Do gin kiko donyo ilelem di kiculo yit gi, kiko onyaro i kome. 58Di do kiko tere ooko me bomba, kiko donyo didipo en kede kide, di ijurak oko gonyo igoen gi kiketo katien awobi moro kame nyinge Saulo. 59Kakame oudo kitie didipo en kede, Sitepano oko ilega be, “Rwot Yesu, gam tipo na.” 60Di do eko riondiko piny, eko yamo kede dwan amalo be, “Rwot, kur imar dub noni i wi gi.” Ingei waco kamano di do eko to.

Currently Selected:

Tice 7: BILKDC13

Highlight

Copy