Tice 6

Koyero Jo Kanyaare pi Konyo Joor

1I kare nono di bin wel me jo kame lubo Yesu oudo tie meede, Iyudayan kame yamo leb Gurik oko cako ingungur i kom Iburanian, pien oudo likame koparo pi apuserun gin ceng dedede kame kotie poko jame. 2Joor tomon kiwie are oko lwongo ekodet me jo kame lubo Yesu dedede karacel, di kiko waco ne gi be, “Likame poore ne wan weko tuco kop ka Rubanga, di do oko donyo i tic me poko jame. 3Pi mano, imiegu i Kirisito, wun yerunu kikom wu cuo kanyaare kame tie kede nying aber, kame opong kede Tipo Kacil kede rieko, kame wan otwero mino timo tic noni. 4Do wan obino jalere i ilega kede tuco kop ka Rwot.”

5Gikame joor owaco oko yomo cuny jo dedede, di do gin kiko yero Sitepano, icuo kame oudo tie kede yei atek, doko di epong kede Tipo Kacil, kede Pilipo, Porukulo, Nikanori, Timoni, Parmena, Nikolau, ngat kame oudo obedo dano me Antiokia do en eko lokere i edini me Iyudayan. 6Di do kiko keto jo nogi i nyim joor, di joor oko lego di kiketo cing gi i wi gi.

7Kop ka Rubanga oko nyai, di wel me jo kame lubo Yesu oko meede kitek i Yerusalem, di josaseredoti atot oko donyo lubo kop me yei.

Komako Sitepano

8Di do Sitepano oko timo gianena kede gi me isuur atot i dier jo, pien oudo epong kede kisa kede twer ka Rubanga. 9Jo mogo kame bin owok ki sinagoga me Jo Kogonyere (bala kame oudo kolwonge kede), kede jo me Sirene, kede jo me Alekesanda, kede mogo kame oudo owok ki Kilikia kede Esia, oko yai di kiko cako piem kede Sitepano. 10Do pi Tipo Kacil kede rieko kame oudo Sitepano tie kede, oko mino gin likame kiko karuno piem kede en. 11Di do gin kiko supo jo mogo i mung pi pido be, “Wan owinyo di en etie yamo kop me acae i kom Musa kede Rubanga.” 12Manono oko twaruno jo kede joadongo me piny karacel kede jopwony me Iswil. Gin kiko mako Sitepano di kiko tere i nyim kansulo. 13Kiko keto ijurak me abe kame waco be, “Icuo ni likame weko yamo kope areco i kom tempulo kede i kom Iswilia ka Musa; 14pien wan owinyo di ewaco be Yesu noni me Nasaret oyaro tuturo tempulo, di eko loko itok kame bin Musa omio wa.” 15Jo kame bin tie i kansulo dedede oko ciko wang gi i kom Sitepano, di gin dedede kiko neno nyime di cal bala me malaika.

Currently Selected:

Tice 6: BILKDC13

Highlight

Copy