Malaki 4
4
Lor lo MATAT ŋilo popo
1Nan MATAT lo kurumi lo kulya adi, Mete ta, ŋilu lor mo popo logon ’yu ’yuŋa gwoso pirit namet, logon kabulak ti kusik se ko katoronyak liŋ mo gwe gwoso kuku; a ŋilu lor lo popo lu mo ’yuraddi se kaŋo, a mo tine kolokin se nene kokorite kode kene. 2Ama a kolor na loti lo rigwo nagon gwon ko kopukon tokelesi na mo puköki i ta logon kukuk karin kwe kilo. A ta mo luponi kaŋo lyölyöŋiörö gwoso kaja lo kolwe i gorwat. 3A ta mo ryokakiŋdye ŋutu lorok kak, kogwon se mo gwon gwoso kurök kasu i ’dapan i pilu lor lo kitari nan lu, nan MATAT lo kurumi lo kulya.
4Yiyiuŋdye ta saresi ti koliponit lio Mose, iŋkoi, saresi lo wuro se ko kulya na ’duŋö nagon nan aje sarakin lepeŋ i kulya ti Yisaraele liŋ Orebe yu kunu.
5 #
Mat 11.14; 17.10-13; Mar 9.11-13; Luk 1.17; Yoa 1.21 Mete ta, nan mo sunyukiŋdyo ta nebi Eliya a kokwe na ’dur na ŋilu lor duma lio lo MATAT logon a tokujönöet ko a sörit lu. 6A nye mo löpukökiŋdye töilyet ti komonye i ŋwajik kase, a mo löpukökiŋdye töilyet ti ŋwajik kase i komonye, an nan ko po i köŋu na kak ko lömit.
Currently Selected:
Malaki 4: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
