Matayo 1
1
Kenet na kotumit nase Yesu
(Koti Luka 3.23-38)
1Ŋina a kenet na merenyejin ti Yesu Kristo, ŋuro lo Dawidi, ŋuro lo Abarayama.
2A Abarayama yuŋuŋdye Yisaka, a Yisaka yuŋuŋdye Yakobo, a Yakobo yuŋuŋdye Yuda se ko luŋasirik kanyit,
3a Yuda yuŋuŋdye Perese, se ko Jerak (ŋote nase a Tamara), a Perese yuŋuŋdye Keseron, a Keseron yuŋuŋdye Ram, 4a Ram yuŋuŋdye Aminadaba, a Aminadaba yuŋuŋdye Nasona, a Nasona yuŋuŋdye Salamona, 5a Salamona yuŋuŋdye Boaja (Raba a ŋote Boaja), a Boaja yuŋuŋdye Obede (Ruta a ŋote Obede), a Obede yuŋuŋdye Yisai, 6#2 Mor 24.14, 15; 2 Dek 36.10; Yer 27.20a Yisai yuŋuŋdye mor Dawidi.
A Dawidi yuŋuŋdye Solomona (nakwan na Uriya a ŋote Solomona),
7a Solomona yuŋuŋdye Rabama, a Rabama yuŋuŋdye Abiya, a Abiya yuŋuŋdye Asa, 8a Asa yuŋuŋdye Yosapata, a Yosapata yuŋuŋdye Yorama, a Yorama yuŋuŋdye Ujiya, 9a Ujiya yuŋuŋdye Yotama, a Yotama yuŋuŋdye Akaja, a Akaja yuŋuŋdye Kijikiya, 10a Kijikiya yuŋuŋdye Manase, a Manase yuŋuŋdye Amon, a Amon yuŋuŋdye Yosia, 11a Yosia yuŋuŋdye Yekonia se ko luŋasirik kanyit, i diŋit na toyuojine se i jur lo Babela nu.
12A i mukok na toyuoji nase tojo Babela, a Yekonia yuŋuŋdye Salatiele, a Salatiele yuŋuŋdye Jerubabela, 13a Jerubabela yuŋuŋdye Abiuda, a Abiuda yuŋuŋdye Eliakim, a Eliakim yuŋuŋdye Ajor, 14a Ajor yuŋuŋdye Sadok, a Sadok yuŋuŋdye Akim, a Akim yuŋuŋdye Eliyuda, 15a Eliyuda yuŋuŋdye Elejara, a Elejara yuŋuŋdye Matan, a Matan yuŋuŋdye Yakobo, 16a Yakobo yuŋuŋdye Yosepa lalet lo Maria, a Maria yuŋuŋdye Yesu logon a luŋu a Masia lo.
17Nyena nyakwariat lio suluja ko Abarayama tojo ko Dawidi a nyakwariat puök wot iŋwan, koti suluja ko Dawidi tojo ko toyuoji nase tojo Babela gwe a nyakwariat puök wot iŋwan, koti suluja i toyuöji nase tojo Babela nu tojo i diŋit na Masia gwe a nyakwariat puök wot iŋwan.
Yuŋwe na Yesu Kristo
(Köti Luka 2.1-7)
18 #
Luk 1.27
Nyena a yuŋwe na Yesu Kristo gwe sona. Maria ŋote nanyit aje torukökin i toyem ko Yosepa, ama i ŋerot nagon se a ko nyuŋ törumbo nu, a kulya kanyit iŋge dena adi nye gwon ko pele na Mulökötyo Loke.
19A Yosepa lalet lonyit gwe a ŋuto lo rigwo, a tine ’bon toyujo kwe na Maria ko ŋutu liŋ i komor, a lepeŋ ’deke yaŋdu nye a Iwon. 20a na yeyeji lepeŋ kine kulya nu, mete, a malaikatat lo MATAT puköki ko lepeŋ i rudwe kulya adi, Yosepa ŋuro lo Dawidi, ko kujono i joŋga na Maria a nakwan inot, kogwon ŋilo ŋo logon a topikaki lepeŋ lo a lo Mulökötyo Loke. 21#Luk 1.31A nye mo ta ’duuŋdye ŋuro lulalet, a do mo gwije lepeŋ a Yesu, kogwon lepeŋ mo Iwolwok ŋutu kanyit i toronjin kase. 22Kine ŋo liŋ a pokin anyen kulya na jam MATAT ko nebi i kutuk köju kunu ködyö kokona, adi,
23 #
Yis 7.14
Mete, ’diet mo gwon ko pele a mo ta ’duuŋdye ŋuro lulalet,
a se mo gwije lepeŋ a Imanuele
(Imanuele nyönyökö adi, ŋun gwon ko yiŋ.) 24A Yosepa ko purwene i doto, a nye iŋge koŋdya gwoso nagon malaikatat lo MATAT aje sarakiŋdye lepeŋ nu, a nye joŋgi Maria a nakwan nanyit,
25 #
Luk 2.21
ama a nye gwe a ko dotori lepeŋ tojo nye a ta ’duuŋdyo ŋuro lonyit; a nye gwije lupudi lo a Yesu.
Currently Selected:
Matayo 1: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
