1 Korinto 3
3
Kölipönök ti Ŋun
1Ama luŋasirik, i nu diŋit nan tibulo jambu ko ta gwoso ta a Ŋutu logon gwon ko Mulokotyo Loke, ama nan aje jambu ko ta gwoso ta a Ŋutu kana ti na kak, iŋkoi, ta gwon gwoso lupudiet ko Kristo i mugun. 2#Eb 5.12, 13Nan aje wowoja ta ko le ’bayin ko ’dilor, kogwon ta a ko nyuŋ jukin i nyesu na kinyo;iŋkoi, ma ’di soŋinana ta ti bulö, 3kogwon ta nyuŋ kebbu ŋo nagon mugunya kasu ’de ’deggi kune. Kogwon na gwoŋdi ta ko be ’ya ko rerenyesi nu, ta ŋona ’bayin kebbu ’dekesi kasu ti mugunya a gwolore gwoso Ŋutu kana ti na kak le?
4 #
1 Kor 1.12
Kogwon na kulyari lele losu adi, Nan a lo Paulo, a lele kulyani adi, Nan a lo Apolo, ta ŋona ti gwon a Ŋutu kana ti na kak le?
5Nyena Apolo ŋona a ŋa? A Paulo gwe a pa? Yi tuŋ a kolipönök ti Ŋun a ta iŋge yubbo lepeŋ kogwon kulya kaŋ. Matat a wulökin yi kitajin kaŋ ka ’de ka ’de. 6#Kon 18.4-11; Kon 18.24-28Nan lo ’yuddu, a Apolo lo popoggi, ama a Ŋun lo to ’duŋe.
7Nyenagon nye lo ’yuddu lo se ko kapopokanit lo ’bayin a nene go, ama Ŋun a duma logon tiŋdu ŋo liŋ i ’duŋö lo. 8Tuka ’de ’bayin i kiden na ka ’yutunit se ko kapopokanit; Ŋun mo roropakin se liŋ geleŋ geleŋ gwoso i kitajin na kon se kune. 9Kogwon yi paŋu kita na Ŋun i pirit na geleŋ, a ta gwe a melesen na Ŋun.
A ta koti gwe a kadi nagon Ŋun ’du ’duk na. 10Nyenagon gwoso nagon Ŋun a wulökin nan i ’busan na nyaŋu nanyit na, a nan ’boggi pipilisi gwoso nan a bodo ka ’dukonit, a lele ŋuro lo ’duŋge kata, ama Ŋutu liŋ agu ködyö meddya ’bura ko se gweyuŋdya ada i kilo pipilisi. 11Kogwon Ŋutu ti bulo ’bogga kulye pipilisi ake logon aje ’boka kilo logon a Yesu Kristo lepeŋ.
12Ama ko ŋuto a gweyuŋdya kilo pipilisi ki ko dakap, kode ko podo. kode ko ŋurupö na gwöro go, kode ko kaden, kode ko doru, kode ko kuku,
13a kitajin ti Ŋutu liŋ geleŋ geleŋ mo kweyani kweya i lor lo ’dutet. Kogwon kimaŋ na Ŋilu lor molu na kweja, a ŋinu kimao mo na tembi ko kitajin a nyo nagon Ŋutu liŋ geleŋ geleŋ a kon kune. 14A ko kita nagon lele ŋuto a gwekin i kilo pipilisi na a pituŋdyö i kimaŋ, a lepeŋ mo wuji ropet. 15Ama ko kita na lele ŋuto a nokan, a nye mo tine ryeju nene ŋo, ama lepeŋ ko mugun nanyit mo lwolwoko gwoso nagon nye tunyuŋdyo kaŋo i kimaŋ na.
16 #
1 Kor 6.19; 2 Kor 6.16 Iŋkoi, ta ŋona ti den le adi, ta a kadi na Ŋun a Mulokotyo lo Ŋun gwolore kasu i mugunya? 17A ko lele Ŋuto a koŋu kadi na Ŋun, a Ŋun mo köti koŋi lepeŋ. Kogwon kadi na Ŋun a nake, a ta ko ’börik kasu gwe a kadi nanyit.
18Ti lele ŋuto gwe ti mumulugga mugun. Ko lele ŋuto kasu kiden yeyeju adi nye a lokoŋ gwoso na yeyeji ŋutu ti na kak na, a ti nye worani a lu ’boŋ anyen nye boŋo gwon a lokoŋ. 19#Eyo 5.13Kogwon kopon na na kak meta a tu ’boŋon ko Ŋun i komor. Kogwon a wuro adi, Ŋun morga ŋutu lokoŋ i mumulukesi kase, 20#Sau 94.11a koti iŋge wuro adi, Matat deden adi yeyeesi ti ŋutu lokoŋ ’bak ’bulit. 21Nyena ti lele ŋuto ködyö gwe ti bu ’ya mugun kogwon kulya ti Ŋutu. Kogwon ŋo liŋ a kasu, 22kode nye a Paulo, kode a Apolo, kode a Kepa, kode a na kak, kode a ru, kode a twan, kode a ŋo ti soŋinana, kode a ti molu, ŋo liŋ a kasu. 23Ama ta a ti Kristo, a Kristo gwe a lo Ŋun.
Currently Selected:
1 Korinto 3: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
