1 Korinto 2
2
Paulo a tokujo kulya ti ’bikiki na Kristo i kodini na goro
1Luŋasirik kwe, na tiri nan kasuŋini i tokukiŋdyo na ta na kulya Iwono ti Ŋun nu, nan a ko jambu kulyaesi logululok ti koŋon. 2Kogwon na gwoŋdi yi ko ta nu, nan a wuluŋdyo jambu kulya ti Yesu Kristo adi lepeŋ a ’bikiki i kodini na goro. 3#Kon 18.9A nan gwe kasu kiden a lomunyan, böböŋöju ko kujono a duma. 4Nan a ko todiŋdyo kode tokujo gwoso ŋuto lokoŋ i lopuggo na ta ko kulyaesi logon a ti kopon, ama nan a kwekiŋdya ta kulya gwak ti Mulokotyo Loke logon ko riŋit lo, 5anyubbonasu böŋo gwo ’dan i koŋon na Ŋutu ama gwo ’dan i riŋit na Ŋun.
Koŋon na Ŋun
6Ama ’diri yi jamakiŋdya kopon i kayupök logon aje kuruŋdyo kulya kilo. Ama ŋina koŋon ’bayin a na na kak, kode a na kasarak ti na kak logon kakaran kilo. 7Ama yi jambu kulya nakoŋ nagon a lwöno ti Ŋun kune; Ŋuto a ko den ŋina kogon. Ŋun aje yeyeju Ŋina koŋon ’beron i ŋerot nagon kak a ko nyuŋ gweya nu, anyen joŋdya yi i pirit na minyo. 8A kasarak ti na kak liŋ gwe a ko den Ŋina kopon. Ko se ködyö a den a se ködyö gwe a ko ’bikikin Matat lo minyo i kodini na goro. 9#Yis 64.4Ama gwoso na wurorikin na adi,
Ŋun aje tetenakin Ŋutu lo nyanyar nye kuloro nagon ŋuto koju a ko met, kode a ko yiŋ,
a toilyet kase gwe a ko yeye ŋo gwoso kine.
10Kine a ŋo nagon Ŋun a kwekin yi i riŋit na Mulokotyo lonyit, kogwon Mulokotyo yeye ŋga i ŋo liŋ ma ’di tojo i kulya nagululok ti Ŋun. 11Ŋuto a ŋa logon deden yeyeesi ti lele Ŋuto? Tuŋ toili lo Ŋilo Ŋuto lo deŋdya ŋo na yeye nye na. Jojo koti Ŋuto ’bayin logon deden yeyeesi ti Ŋun, ama Mulokotyo lo Ŋun ka ’de logon deden ŋo na yeye Ŋun na. 12Nyena yi a ko wuju mulokotyo logon a koŋon na na kak; ama yi a wuju Mulokotyo logon po ko Ŋun yu, anyen yi boŋo deden ŋo li nagon Ŋun aje ’doggi yi kana kune.
13Yi jambu kine kulya ti gwon ko kulyaesi lokoŋ logon Ŋutu ti na kak lo todiŋdyö ama ko kulyaesi logon Mulokotyo Loke lo todiŋdyo kulo. Iŋkoi, yi nyönyö kö kiŋdyö kulya ti Ŋun i Ŋutu logon gwon ko Mulokotyo lo Ŋun kulo.
14Ŋuto kana lo na kak ti bulo wuju ’dokesi na po ko Mulokotyo lo Ŋun yu kune, kogwon lepeŋ met kine kulya a na ’boŋ. Lepeŋ ti bulo kuruŋdyo se kogwon nye ’bak Mulokotyo lo Ŋun lo tiŋdu nye i lilija na kine kulya.
15Ŋuto lo gwon ko Mulokotyo Loke bubulo lilija ŋo liŋ, ama lele Ŋuto ’bayin logon lilija kulya ti lepeŋ.
16 #
Yis 40.13
Kogwon Ŋa logon kukurun yeyeesi ti Matat anyen jujuja lepeŋ? Ama yi gwon ko yeyeesi ti Kristo.
Currently Selected:
1 Korinto 2: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
