1 Korinto 1
1
Romesi
1Nan Paulo a luŋu ko ’deket na Ŋun anyen gwon a luyökie lo Kristo Yesu. Yi se ko luŋaser likaŋ Sosetene 2#Kon 18.1a roman ko ta ŋutu ti Ŋun lo momora Korinto a kanisa kilo. Ŋun a geluŋdya ta a Ŋutu kanyit ko Kristo Yesu i mugun, mora ko Ŋutu liŋ lo gwon i piritön liŋ lo ’diŋdya karin ti Matat likaŋ Yesu Kristo i kwakwaddu kilo. Lepeŋ a Matat lose ko a likaŋ koti. 3Yi roman ko ta adi, Ti ’busan se ko talip na po ko Ŋun Baba likaŋ na po ko Matat Yesu Kristo na gwe ko ta.
Ŋun a ’boroja yi ko Kristo i mugun
4Nan ŋupi titiŋdu Ŋun tinate kogwon kulya kasu. Nan tiŋöju lepeŋ tinate kogwon lepeŋ a tiŋdu ta ’busan nanyit na nyaŋu ko Kristo Yesu i mugun. 5Koti nan tiŋdu Ŋun tinate kogwon nye a tukwörieŋöju ta ko Kristo i mugun i ŋo liŋ. Kweja adi kegga ta a kwörinikö i deŋdya na Ŋo liŋ ko i tukuŋdyo na se kaŋo, 6kogwon tokoret nikaŋ i kulya ti Kristo rye a gwak kasu i gwiliŋisi. 7Nyena a ta gwe ti yaŋan i wuju na nene ’doket nagon Ŋun a ’doggi Ŋutu kanyit i toili, na momordi ta kweya na Matat likaŋ Yesu Kristo nu.
8Lepeŋ mo titin ta i gwo ’dan go tojo ko ’dutet, anyen ta mo rye ’bak kulya i lor lo pöri Matat likaŋ Yesu Kristo lu.
9Ŋun logon a lupuŋdya ta i tojulin ko Ŋuro lonyit Yesu Kristo Matat likaŋ lo, lepeŋ a Ŋun lo yiyiniki i koŋdya na ŋo nagon nye a jambu adi nye kökon kune.
Kayupok a koŋa
10Nyena luŋasirik, nan mo ’yu ta i karin ti Matat likaŋ Yesu Kristo, toruköki ta ko ’borik i ŋo na jam ta kine, anyen ta gwon ti koŋa ko ’borik. Gwe ta a ŋo geleŋ ko toili geleŋ ko yeyeet geleŋ. 11Kogwon kulye ŋutu logwon ko Kuloe midi kulo a kwekiŋdya nan adi ŋisa kata kasu kiden luŋasirik kwe. 12#Kon 18.24Nan a yiŋ adi ta liŋ geleŋ geleŋ ŋadi kulya adi, Nan a lo Paulo, a lele kulyani adi, Nan a lo Apolo, a lele kulyani adi, Nan a lo Kepa, a lele kulyani adi, Nan a lo Kristo. 13Kristo ŋona a kora le? Nan Paulo ŋona a ’bikiki i kodini na goro kogwon kulya kasu le? Ta ŋona a batisa i karin kwe ti Paulo le? 14#Kon 18.8; Kon 19.29; Rom 16.23Tinate lo Ŋun kogwon nan a ko batiddya lele losu, ake nan batiddya Krisipo se ko Gayo, 15an lele ŋuto kodyo kulya adi ta aje batisa i karin kwe. 16#1 Kor 16.15’Diri nan koti aje batiddya mede na Setepano, ama nan ti den ko nan Ŋona a batiddya lele ŋuto koti. 17Kristo a ko sonyoddu nan i batiddya, ama lepeŋ a sonyoddu nan i tokuddu na Loŋe Lo ’but ko kulyaesi logon köke, ti gwon ko kulyaesi logon ŋo ’ya ko koŋon na ŋutu ti na kak, an twan na Kristo i kodini na goro wora a ŋo kana.
Kristo a riŋit na Ŋun ko a koŋon na ŋun
18Kogwon ŋutu logon kakaran kilo lalaun kulyaesi ti twan na Kristo i kodini na goro adi a ŋo na ’boŋ, ama yi logon lwölwökö kulo kilo kulyaesi gwon kayaŋ a riŋit na Ŋun. 19#Yis 29.14Kogwon a wuro adi, Nan Ŋun mo totolikin koŋon na ŋutu lokoŋ,
a mo gubaddi kaŋo kuruŋdyo na ŋutu logon deden kulya kilo.
20 #
Eyo 12.17; Yis 19.12; 33.18;
Yis 44.25
Nyena Ŋutu lokoŋ kuliya? Katodinök ti Saresi ti Mose kuliya? Kuliya ŋutu logon tokurukiŋdyo kulya ko koŋon nase na ŋutu ti na diŋit? Ŋun aje tin koŋon na na kak i meta a ŋo na ’böŋ. 21Kogwon Ŋun i koŋon nanyit a kon ŋutu ti na kak adi se ti bulo deŋdya lepeŋ ko koŋon nase, ama a lepeŋ mete a ŋo na ’but i Iwoggu na ŋutu lo yubbo kulo ko tokujö nikaŋ na ŋilo Loŋe logon ŋutu met adi a ŋo na ’böŋ lo.
22Kogwon Yudayaki ga ’yu meddya kweyesi sörösi, a Giriki ga ’yi koŋon,
23ama yi a tokujo kulya ti Kristo adi nye a ’bikiki i kodini na goro. Kine kulya a köpuggö Yudayaki, a ŋuto ti kulye juron yeyeji adi kine kulya a Ŋo na ’boŋ, 24ama ŋutu logon Ŋun a lun kilo, kode se a Yudayaki kode a ŋutu ti kulye juron, lepeŋat deden adi Kristo a riŋit na Ŋun ko a koŋon na Ŋun. 25Kogwon tu ’bonon na Ŋun a nakoŋ lwölwoŋ kopon na Ŋutu, a tomunyan na Ŋun gwe ko riŋit Iwolwoŋ riŋit na Ŋutu.
26Nyena luŋasirik, yeyeji ta gwon nasu i diŋit nagon Ŋun koju a luŋgu ta nu. Ku ’dik kasu a lokoŋ gwoso na yeyeji Ŋutu ti na kak na, ku ’dik kasu gwon a ŋuto ti riŋitön, ku ’dik kasu gwon a Ŋutu temejik lokukwon. 27Ama Ŋun a wuluŋdyo Ŋo nagon ŋutu ti na kak a yeyeju adi a na ’boŋ kune anyen toyujo kusik ti Ŋutu lokoŋ, iŋkoi, nye a wuluŋdyo ŋo nagon Ŋutu ti na kak yeyeju adi a namunyak kune anyen toyujo kusik ti Ŋutu ti riŋiton. 28Ŋun a wuluŋdyo ŋo nagon Ŋutu ti na kak yeyeju adi gwon ’bak ’bulit, lepeŋ a wuluŋdyo ŋo nagon se lalaun kulya adi a ŋo kana kune, anyen tu ’baka ’yu ŋo nagon kata kune, 29anyen lele ŋuto kodyo gwon ti bu ’ya mugun ko Ŋun i komor. 30Ŋina a kita na Ŋun nagon ta gwon ko Kristo Yesu i mugun na. Ŋun a tiŋdu Kristo i gwon a koŋon nikao, nye a tiŋdu yi gwon rigwo kanyit i komor kogwon Kristo. Nye aje tiŋdu yi i gwon a Ŋutu kanyit loke, ko aje Iwoggu yi. Kine ŋo liŋ Ŋun a kon ko Kristo i mugun.
31 #
Yer 9.24
Nyenagon gwoso nagon a jama i kulyaesi ti Ŋun lo wuro kulo adi, Ti Ŋuto logon bubu ’ya lo, ti nye bu ’ye ko Matat i mugun.
Currently Selected:
1 Korinto 1: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
