JINGPYNPAW 8

Ka jingpyndait ka bahynñiew

1Bad mynba u la plie ïa ka jingpyndait ka bahynñiew, ka la long ka jingsngap jar ha bneng kumba shiteng kynta. 2Bad nga la ïohi ïa ki hynñiew ki angel kiba ïeng ha khmat U Blei, bad ha ki, la ai hynñiew ki turoi. 3#Eks. 30:1; Amo. 9:1; Salm. 141:2.Te uwei pat u angel u la wan bad u la ïeng hajan ka duwan, u da don ka pliang ksiar bathang iwbih; bad la ai ha u shibun ka jingainguh thang baiwbih, ba un ïoh pynlang ïa ka ha ki jingduwai ki riewkhuid baroh halor kata ka duwan ksiar kaba ha khmat kata ka khet. 4Te ka tdem kita ki jingainguh thang baiwbih lem bad kita ki jingduwai jong ki riewkhuid, ka la leit kiew ha khmat U Blei na ka kti uta u angel. 5#Leb. 16:12; Ese. 10:2; Jpw. 11:19; 16:18.Bad uta u angel u la shim ïa kata ka pliang bathang iwbih, bad u la pyndap ïa ka da ka ding na kata ka duwan, bad u la bred ïa ka shalor ka khyndew; te la long ki pyrthat bad ki jingsawa bad ki leilieh, bad ka jingkhynñiuh jumai.

Ki turoi

6Bad kita ki hynñiew ki angel kiba don kita ki hynñiew ki turoi ki la ïakhreh ïa lade ban pynsawa.

7 # Eks. 9:23-25. Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.

8 # Jer. 51:25. Bad u angel u ba-ar u la pynsawa; te kum ïa u lum bakhraw ïa uba la thang da ka ding la bred sha ka duriaw; te ka balai ka bynta na ka jong kata ka duriaw ka la kylla snam, 9bad la ïap noh ka balai ka bynta na ka jong kita ki jingthaw kiba ha kata ka duriaw, kiba don jingim, bad la pynjot noh ïa ka balai ka bynta na ka jong ki lieng.

10 # Isa. 14:12. Bad u angel u balai u la pynsawa; te la hap na bneng u khlur bakhraw bathang kum ka musa, bad u la hap halor ka balai ka bynta na ka jong ki wah bad halor ki pukri ki um; 11bad ka kyrteng uta u khlur la khot “U Bakthang”; te ka balai ka bynta na ka jong kita ki um ka la kylla kthang; te shibun ki briew ki la ïap noh na kita ki um, naba la pynkthang ïa ki.

12 # Isa. 13:10; Ese. 32:7; Jol. 2:10. Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.

13Bad nga la khmih, bad nga la ïohsngew ïa uwei u pukni uba her hapdeng ka bneng, u da ong da ka ktien kaba jam, “Kordit, kordit, kordit, ha kita kiba shong halor kata ka khyndew, namar kita kiwei pat ki jingsawa ka turoi jong kita ki lai angel ki ban sa pynsawa!”

Currently Selected:

JINGPYNPAW 8: KHB

Highlight

Copy