Popular Bible Verses from JINGPYNPAW 8

Share

Bad mynba u la plie ïa ka jingpyndait ka bahynñiew, ka la long ka jingsngap jar ha bneng kumba shiteng kynta.

Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.

Bad nga la khmih, bad nga la ïohsngew ïa uwei u pukni uba her hapdeng ka bneng, u da ong da ka ktien kaba jam, “Kordit, kordit, kordit, ha kita kiba shong halor kata ka khyndew, namar kita kiwei pat ki jingsawa ka turoi jong kita ki lai angel ki ban sa pynsawa!”

Bad u angel u ba-ar u la pynsawa; te kum ïa u lum bakhraw ïa uba la thang da ka ding la bred sha ka duriaw; te ka balai ka bynta na ka jong kata ka duriaw ka la kylla snam

Bad u angel u balai u la pynsawa; te la hap na bneng u khlur bakhraw bathang kum ka musa, bad u la hap halor ka balai ka bynta na ka jong ki wah bad halor ki pukri ki um; bad ka kyrteng uta u khlur la khot “U Bakthang”; te ka balai ka bynta na ka jong kita ki um ka la kylla kthang; te shibun ki briew ki la ïap noh na kita ki um, naba la pynkthang ïa ki.

Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.