Popular Bible Verses from JINGPYNPAW 7

Share

Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki

bad ki da ïapyrta da ka ktien bajam, ki da ïa-ong, “Ka jingpynim ha U Blei jong ngi uba shong halor kata ka khet, bad ha uta U Khun langbrot!”

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”

“Namar kata, ki long ha khmat kata ka khet U Blei, bad ki ïashakri ïa u mynsngi bad mynmiet ha ka jaka kyntang jong u; bad uta uba shong halor kata ka khet un shongkah halor jong ki. Kin ym thngan shuh, lymne sliang shuh, lymne ka sngi kan ym ïoh shoh ha ki, lymne kano kano ka jingshit

u da ong, “To wat pynsniew ïa ka khyndew, lymne ïa ka duriaw, lymne ïa ki dieng, ha ban da ngi la ïoh shon ïa ki shakri U Blei jong ngi halor ki shyllangmat jong ki.” Bad nga la ïohsngew ïa ka jingkheiñ jong kita ïa kiba la shon, shispah sawphew saw hajar, ïa kiba la shon na ka jaid baroh ki khun Israel.