JINGPYNPAW 7
7
U paid ki khun Israel
1 #
Sekh. 6:5. Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng. 2Bad nga la ïohi ïa uwei pat u angel ba u wan kiew na sha ba-mih ka sngi, u da bat ïa ka shab jong U Blei U Ba-im; bad u la pyrta da ka ktien bajam ha kita ki saw angel, ha kiba la ai bor ban pynsniew ïa ka khyndew bad ïa ka duriaw, 3#Ese. 9:4.u da ong, “To wat pynsniew ïa ka khyndew, lymne ïa ka duriaw, lymne ïa ki dieng, ha ban da ngi la ïoh shon ïa ki shakri U Blei jong ngi halor ki shyllangmat jong ki.” 4Bad nga la ïohsngew ïa ka jingkheiñ jong kita ïa kiba la shon, shispah sawphew saw hajar, ïa kiba la shon na ka jaid baroh ki khun Israel.
5Na ka jaid Judah
la shon khat-ar hajar;
Na ka jaid Reuben
khat-ar hajar;
Na ka jaid Gad
khat-ar hajar;
6Na ka jaid Asher
khat-ar hajar;
Na ka jaid Naphtali
khat-ar hajar;
Na ka jaid Manasseh
khat-ar hajar;
7Na ka jaid Simeon
khat-ar hajar;
Na ka jaid Lebi
khat-ar hajar;
Na ka jaid Issakhar
khat-ar hajar;
8Na ka jaid Sabulon
khat-ar hajar;
Na ka jaid Joseph
khat-ar hajar;
Na ka jaid Benjamin
la shon khat-ar hajar.
U paidbah byllien
9Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki; 10bad ki da ïapyrta da ka ktien bajam, ki da ïa-ong, “Ka jingpynim ha U Blei jong ngi uba shong halor kata ka khet, bad ha uta U Khun langbrot!” 11Bad kita ki angel baroh ki la ïaïeng tawiar ïa kata ka khet bad ïa kita ki tymmen basan bad ïa kita ki saw ki jingthaw ba-im, bad ki la ïahap dem la ki khmat ha khmat kata ka khet, bad ki la ïamane dem ïa U Blei, 12ki da ïa-ong: “Amen! Ka jingkyrkhu bad ka burom bad ka jingstad bad ka jingainguh bad ka jingpyndonburom bad ka bor bad ka jinglah ha U Blei jong ngi sha ki bymjukut ki bymjukut: Amen.”
13Te uwei na kita ki tymmen basan u la kylli, u da ong ha nga, “Kine kiba la kup kita ki jaiñkup balieh, hato ki long kiei bad nangno ki la wan?” 14#Jen. 49:11; Dan. 12:1; Mat. 24:21; Mrk. 13:19.Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.
15“Namar kata, ki long
ha khmat kata ka khet U Blei,
bad ki ïashakri ïa u
mynsngi bad mynmiet
ha ka jaka kyntang jong u;
bad uta uba shong
halor kata ka khet
un shongkah halor jong ki.
16 #
Isa. 49:10; Salm. 121:6. Kin ym thngan shuh,
lymne sliang shuh,
lymne ka sngi kan ym ïoh
shoh ha ki,
lymne kano kano ka jingshit;
17 #
Salm. 23:1; Ese. 34:23; Salm. 23:2; Isa. 49:10; 25:8. naba uta U Khun langbrot
uba hapdeng kata ka khet
un sharai ïa ki,
bad un ïalam lynti ïa ki
sha ki pukri um ka jingim;
bad U Blei un ñiad noh
ïa ka jingjaw ummat baroh
na ki khmat jong ki.”
Currently Selected:
JINGPYNPAW 7: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
