Popular Bible Verses from JINGPYNPAW 9

Share

Te kita kiba sah na ki bynriew, ïa kiba ym shym la pynïap noh da kine ki jingïapthem, kim shym la kylla-ka-bamut na kita ki jingleh ki kti jong ki, ba kin ym mane ïa kita ki ksuid, bad ïa kita ki bleithaw kiba da ka ksiar, bad da ka rupa, bad da ka rnong, bad da u maw, bad da ka dieng, ki bym lah ban ïohi, lymne ïohsngew, lymne ïaid: bad kim shym la kylla-ka-bamut na kita ki jingpynïap jong ki, lymne na kata kaba ai ksuid jong ki, lymne na kata ka jingïakai kynthei jong ki, lymne na kita ki jingtuh jong ki.

Bad na kata ka tdem la mih noh ki puit halor ka khyndew; bad ha ki, la ai ka bor, kumba ki 'ñianglartham jong ka khyndew ki don ka bor. Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.

Bad u angel u basan u la pynsawa; te nga la ïohi ïa u khlur ba la hap na bneng sha ka khyndew; bad la ai ha u ïa u shabi kata ka 'liewlong kaba khlem trai.

Bad la ai ha ki ba kin ym pynïap noh ïa ki, hynrei, ba yn pynkordit ïa ki, san bnai: te kata ka jingpynkordit ïa ki, ka la long kum ka jingpynkordit ka 'ñianglartham haba ka la dait ïa u briew.

Bad ki don u syiem halor jong ki, uba u angel kata ka 'liewlong bakhlem trai, uba ka kyrteng jong u ha ka Hebru ka long “u Abaddon”, bad ha ka Grik u don ka kyrteng “u Apollion”.