JINGPYNPAW 22

1 # Ese. 47:1; Sekh. 14:8. Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka. 2#Jen. 2:9.Bad ha baroh ar liang jong kata ka wah la don u dieng ka jingim, uba sei noh ïa ki khat-ar ki jingsei soh, ha la u bnai u da sei noh ïa kata ka jingsei soh jong ka: bad ki sla jong uta u dieng ki long ïa ka ban pynkhiah ïa ki kynja bynriew. 3#Sekh. 14:11.Te ka jingtim baroh kan ym long shuh: bad kata ka khet jong U Blei bad jong uta U Khun langbrot kan long ha ka: bad ki shakri jong u kin ïashakri ïa u; 4#Salm. 17:15.bad kin ïohi ïa ka khmat jong u; bad ka kyrteng jong u kan long halor ki shyllangmat jong ki. 5#Isa. 60:19; Dan. 7:18.Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.

Ka jingwan U Jisu

6Te u la ong ha nga, “Kine ki ktien ki long kiba ïaineh bad bashisha: bad uta U Trai uba U Blei jong kita ki mynsiem ki nongïathuhlypa, u la phah ïa u angel jong u ban pyni ha ki shakri jong u ïa kiei kiei ruh kiba dei ban jia long shen.”

7 “Ha khmih nga wan kloi: suk uta uba ïaisumar ïa ki ktien jong ka jingïathuhlypa kane ka kitab.”

8Bad ma nga u Ïoannis nga long uta uba la ïohsngew bad uba la ïohi ïa kine kiei kiei ruh. Te mynba nga la ïohsngew bad nga la ïohi, nga la hap dem ban mane ha khmat ki kjat uta u angel uba la pyni ha nga ïa kine kiei kiei ruh. 9Te u ong ha nga, “To sumar me, wat leh ïa kata! namar nga long u para shakri jong me bad jong kita ki parabangeit jong me ki nongïathuhlypa, bad jong kita kiba ïasumar ïa ki ktien jong kane ka kitab: to mane dem ïa U Blei.”

10Bad u ong ha nga, “To me wat pyndait laha ïa kita ki ktien jong ki jingïathuhlypa kane ka kitab; naba kata ka Ïa ka long hajan. 11#Dan. 12:10.Uta u bymhok, to un nang leh bymhok: bad uta uba tngit, to un nang tngit: bad uta u bahok, to un nang leh hok: bad uta u bakhuid, to un nang khuid.”

12 # Salm. 28:4; Isa. 40:10; 62:11; Jer. 17:10. “Ha khmih nga wan kloi; bad ka nong jong nga ka don lem bad nga, ban ai nong ha uwei pa uwei baroh kat kumba long ka jingleh jong u. 13#Jpw. 1:8; Isa. 44:6; 48:12; Jpw. 1:17; 2:8.Nga long ma nga U Alpha bad U Omega, u banyngkong bad u bakhatduh, u basdang bad u bakut.”

14 # Jen. 2:9; 3:22. Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah. 15Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.

16 # Isa. 11:1,10. “Ma nga, U Jisu, nga la phah ïa u angel jong nga ban phla ha phi ïa kine kiei kiei ruh na ka bynta kita ki balang: Nga long ma nga U Thied bad U Khun u ksiew u Dabid, bad uta U Khlur-step batyngshaiñ.”

17 # Isa. 55:1. Te U Mynsiem bad kata ka nongleit-kurim ki ïa-ong, “To wan.” Bad uta uba ïohsngew to un ong, “To wan.” Bad jar uba sliang, to ai un wan: bad jar uba mon, to un shim ei ïa ka um ka jingim.

18 # Deu. 4:2; 12:32. Nga phla ha uwei pa uwei baroh uba ïohsngew ïa ki ktien jong ka jingïathuhlypa kane ka kitab: Lada uei uei ruh un da pynlang ha kine, U Blei un pynlang ha uta ïa kita ki jingïapthem ïa kiba la thoh ha kane ka kitab: 19te lada uno uno ruh un shim noh na kita ki ktien ka kitab jong kane ka jingïathuhlypa, U Blei un shim noh ïa ka bynta jong u na u dieng ka jingim, bad na kata ka nongbah ka bakhuid, bad na kita kiei kiei ruh ïa kiba la thoh ha kane ka kitab.

20Uta uba phla ïa kine kiei kiei ruh u ong, “Shisha: nga wan kloi.” Amen, to wan, Trai Jisu.

21 # 2 Thes. 3:18. Ka jingaiei ka jong U Jisu Khrist uba U Trai jong ngi to kan long lem bad kita ki riewkhuid. Amen.

Currently Selected:

JINGPYNPAW 22: KHB

Highlight

Copy